Ice-cream: ಅನುಷ್ಕಾ-ಕೊಹ್ಲಿ ತಿಂದ DBC ಐಸ್​ಕ್ರೀಂ ಬೆಲೆ ಎಷ್ಟು? ಬೆಂಗಳೂರಲ್ಲಿ ಭಾರೀ ಫೇಮಸ್ ಇದು

ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ತಮ್ಮ ಬೆಂಗಳೂರು ಭೇಟಿಯಲ್ಲಿ ಸಿಲಿಕಾನ್ ಸಿಟಿಯ ಫೇಮಸ್ ಕಾರ್ನರ್ ಐಸ್​ಕ್ರೀಂ ಸವಿದಿದ್ದಾರೆ. ನಟಿ ಅನುಷ್ಕಾ ಶರ್ಮಾ ಅವರು ಐಸ್​ಕ್ರೀಂ ಪ್ರಿಯರು.

ಕಾರಿನಲ್ಲಿ ಪ್ರಯಾಣಿಸುವಾಗಲೇ ನಟಿ ಐಸ್​ಕ್ರೀಂ ಫೋಟೋ ತೆಗೆದು ಅದನ್ನು ಇನ್​ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಶೇರ್ ಮಾಡಿದ್ದಾರೆ. ಇದನ್ನು ನೋಡಿದ ತಕ್ಷಣ ನೆಟ್ಟಿಗರು ಪ್ರತಿಕ್ರಿಯಿಸಿ ಅರೆ ಇದು ಡೆತ್ ಬೈ ಐಸ್​ಕ್ರೀಂ ಎಂದು ಕಣ್ಣರಳಿಸಿದ್ದಾರೆ.

ಅನುಷ್ಕಾ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ತಿಂದಿದ್ದು ಡೆತ್ ಬೈ ಚಾಕೊಲೇಟ್ ಎನ್ನುವ ಕಾರ್ನರ್ ಐಸ್​ಕ್ರೀಂನ ಫೇಮಸ್ ಐಸ್​ಕ್ರೀಂ. ಡ್ರೈ ಫ್ರೂಟ್ಸ್ ಕವರ್ ಮಾಡಿರುವ ಈ ಆಕರ್ಷಕ ಹಾಗೂ ರುಚಿಕರವಾದ ಐಸ್​​ಕ್ರೀಂ ಬೆಲೆ ಎಷ್ಟಿದೆ ಗೊತ್ತಾ?

ಕಾರ್ನರ್ ಹೌಸ್ ಐಸ್​ಕ್ರೀಂ ಮೆನು ಕಾರ್ಡ್ ಪ್ರಕಾರ ಈ ಐಸ್​ಕ್ರೀಂನ ಬೆಲೆ 230 ರೂಪಾಯಿ. ಅರೆ ಒಂದು ಕಪ್ ಐಸ್​ಕ್ರೀಂಗೆ ಇಷ್ಟೊಂದು ಬೆಲೆಯಾ ಅಂತ ಕೇಳಬೇಡಿ. ಇದಕ್ಕೆ ಬೇರೆ ಯಾವ ಐಸ್​ಕ್ರೀಂ ಕೂಡಾ ಸರಿಸಾಟಿಯಾಗಲಾರದು ಎನ್ನುವುದು ಸತ್ಯ.

ಕಾರ್ನರ್ ಹೌಸ್ ಈಸ್​ಕ್ರೀಂ ಬೆಂಗಳೂರಿನಲ್ಲಿ ಫೇಮಸ್ ಐಸ್​ಕ್ರೀಂ ಸ್ಪಾಟ್. ಬೆಂಗಳೂರಿನಲ್ಲಿ ಮಲ್ಲೇಶ್ವರಂ, ರಾಜಾಜಿ ನಗರ ಸೇರಿ ಹಲವಾರು ಸ್ಥಳಗಳಲ್ಲಿ ಇದರ ಬ್ರಾಂಚ್​ಗಳಿವೆ.

ಮಂಗಳೂರಿನಲ್ಲಿ ಐಡಿಯಲ್, ಪಬ್ಬಾಸ್ ಹೇಗೋ ಬೆಂಗಳೂರಿಗೆ ಕಾರ್ನರ್ ಐಸ್​ಕ್ರೀಂ ಅಷ್ಟೇ ಫೇಮಸ್. ಬೆಂಗಳೂರಿಗೆ ಬಂದ ಪ್ರವಾಸಿಗರು ಕೂಡಾ ಕಾರ್ನರ್ ಐಸ್​ಕ್ರೀಂ ಮಾತ್ರ ಮಿಸ್ ಮಾಡದೆ ತಿನ್ನುತ್ತಾರೆ. ಇದಕ್ಕೆ ನಾವೂ ಹೊರತಲ್ಲ ಎಂದು ಪ್ರೂವ್ ಮಾಡಿದ್ದಾರೆ ಅನುಷ್ಕಾ ಹಾಗೂ ಕೊಹ್ಲಿ.

ಕಾರ್ನರ್ ಹೌಸ್ ಐಸ್​ಕ್ರೀಂನ ಮೆನುಗಳಲ್ಲಿ ಡಿಬಿಸಿ ತುಂಬಾ ಫೇಮಸ್ ಆಗಿದೆ. ಬಹುತೇಕ ಅಲ್ಲಿಗೆ ಭೇಟಿ ಕೊಡುವ ಐಸ್​ಕ್ರೀಂ ಪ್ರಿಯರೆಲ್ಲರೂ ಇದನ್ನೇ ಚೂಸ್ ಮಾಡುತ್ತಾರೆ. ಇದು ನೋಡಲು ಆಕರ್ಷಕವಾಗಿದ್ದು ರುಚಿಕರವಾಗಿರುತ್ತದೆ.

ಅಂತೂ ವಿರುಷ್ಕಾ ದಂಪತಿ ಇಲ್ಲಿಗೆ ಭೇಟಿ ಕೊಡುವ ಮೂಲಕ ಈಗ ಡಿಬಿಸಿ ಐಸ್​ಕ್ರೀಂ ಪಾಪ್ಯುಲಾರಿಟಿಯೂ ಹೆಚ್ಚಾಗಿದೆ. ಅನುಷ್ಕಾ-ಕೊಹ್ಲಿ ತಿಂದ ಐಸ್​ಕ್ರೀಂ ಯಾವ್ದಪ್ಪಾ ಎಂದು ಹುಡುಕಿ ಆರ್ಡರ್ ಮಾಡುತ್ತಿದ್ದಾರೆ ಜನ.