Jacqueline Fernandez: ಮೈ ಬೇಬಿ ಗರ್ಲ್, ಲವ್​ ಯೂ! ಜೈಲಿಂದ ಜಾಕಿಗೆ ಲವ್​ ಲೆಟರ್

200 ಕೋಟಿ ವಂಚನೆ ಕೇಸ್​ನಲ್ಲಿ ಜೈಲು ಸೇರಿರುವ ಸುಕೇಶ್ ಚಂದ್ರಶೇಖರ್ ಆಗಾಗ ನಟಿ ಜಾಕ್ಲಿನ್ ಫರ್ನಾಂಡಿಸ್ ಬಗ್ಗೆ ತನ್ನ ಪ್ರೀತಿ ವ್ಯಕ್ತಪಡಿಸುತ್ತಲೇ ಇರುತ್ತಾರೆ. ಇದೀಗ ಹೋಳಿ ಹಬ್ಬದ ಸಂದರ್ಭದಲ್ಲಿ ಸುಕೇಶ್ ಜಾಕ್ಲಿನ್​ಗೆ ಪ್ರೇಮಪತ್ರ ಬರೆದಿದ್ದಾನೆ.

ಜಾಕ್ಲಿನ್​ಗೆ ಸುಕೇಶ್ ಪತ್ರದ ಮೂಲಕ ಹೋಳಿಗೆ ವಿಶ್ ಮಾಡಿದ್ದಾನೆ. ಮಾಧ್ಯಮ, ಕುಟುಂಬ, ದ್ವೇಷಿಗಳು ಎಲ್ಲರಿಗೂ ಹೋಳಿ ಶುಭಾಶಯ ತಿಳಿಸಿದ್ದಾನೆ.

ಜೈಲಿನಲ್ಲಿರುವ ಸುಕೇಶ್ ಚಂದ್ರಶೇಖರ್ ಅವರು ಫೋರ್ಟಿಸ್ ಪ್ರಮೋಟರ್​​ ಅವರ ಪತ್ನಿಯಿಂದ 200 ಕೋಟಿ ವಂಚಿಸಿದ ಆರೋಪವನ್ನು ಎದುರಿಸುತ್ತಿದ್ದಾನೆ. ಈಗ ಜಾಕ್ಲಿನ್​ಗೆ ಲವ್ ಲೆಟರ್ ಬರೆದಿದ್ದು ಅದು ವೈರಲ್ ಆಗಿದೆ.

ಅದ್ಭುತ ವ್ಯಕ್ತಿ, ಸುಂದರಿ ಜಾಕ್ಲಿನ್ ಫರ್ನಾಂಡಿಸ್​ಗೆ ಹೋಳಿ ಹಬ್ಬದ ಶುಭಾಶಯಗಳು ಎಂದು ಸುಕೇಶ್ ಪತ್ರದಲ್ಲಿ ಬರೆದಿದ್ದಾನೆ. ಬಣ್ಣಗಳ ಹಬ್ಬದ ಈ ದಿನದಂದು ನಿನ್ನ ಬದುಕಿನಿಂದ ಮಾಸಿದ ಬಣ್ಣಗಳನ್ನು 100 ಪಟ್ಟು ಹೆಚ್ಚಾಗಿ ಹಿಂದಿರುಗಿ ಬರುವಂತೆ ಮಾಡುತ್ತೇನೆ ಎಂದು ಮಾತು ಕೊಡುತ್ತೇನೆ ಎಂದು ಪತ್ರದಲ್ಲಿ ಬರೆದಿದ್ದಾನೆ.

ನನ್ನ ಬೇಬಿ ಗರ್ಲ್, ನಿನಗಾಗಿ ನಾನು ಯಾವ ಹಂತಕ್ಕೂ ಹೋಗಬಲ್ಲೆ ಎನ್ನುವುದು ನಿನಗೆ ಗೊತ್ತು. ಐ ಲವ್ ಯೂ ಮೈ ಬೇಬಿ, ಯಾವತ್ತೂ ನಗುತಿರು. ನೀನೆಂದರೆ ನನ್ನ ಪಾಲಿಗೆ ಏನೆಂಬುದು ನಿನಗೆ ಗೊತ್ತು ಎಂದಿದ್ದಾನೆ.

ಲವ್​ ಯೂ ನನ್ನ ರಾಜಕುಮಾರಿ. ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ನನ್ನ ಬೇಬಿ, ನನ್ನ ಬೊಮ್ಮ, ನನ್ನ ಲವ್, ನನ್ನ ಜಾಕಿ ಎಂದು ಸುಕೇಶ್ ಪತ್ರದಲ್ಲಿ ಪ್ರೀತಿ ವ್ಯಕ್ತಪಡಿಸಿದ್ದಾನೆ.

ಕಳೆದ ತಿಂಗಳು ಸುಕೇಶ್ ಜಾಕ್ಲಿನ್​ಗೆ ಪ್ರೇಮಿಗಳ ದಿನದ ಶುಭಾಶಯ ತಿಳಿಸಿದ್ದ. ಸುಕೇಶ್ ನನ್ನನ್ನು ಬಳಸಿಕೊಂಡ ಎಂಬ ಜಾಕ್ಲಿನ್ ಹೇಳಿಕೆ ಬಗ್ಗೆ ಸುಕೇಶ್​ಗೆ ಹೇಳಲಾಯಿತು. ಅದಕ್ಕೆ ಪ್ರತಿಕ್ರಿಯಿಸಿ, ನಾನು ಯಾವುದರ ಬಗ್ಗೆಯೂ ಪ್ರತಿಕ್ರಿಯಿಸಲು ಬಯಸುವುದಿಲ್ಲ. ಹಾಗೆ ಹೇಳಲು ಅವಳಿಗೆ ಅವಳದ್ದೇ ಆದ ಕಾರಣಗಳಿವೆ. ಆಕೆ ಬಗ್ಗೆ ಏನು ಹೇಳುವುದಕ್ಕೂ ಬಯಸುವುದಿಲ್ಲ. ನೀವು ಯಾರನ್ನಾದರೂ ಪ್ರೀತಿಸುತ್ತಿದ್ದರೆ ನೀವು ಅವರನ್ನು ರಕ್ಷಿಸಲು ಪ್ರಯತ್ನಿಸುತ್ತೀರಿ ಎಂದಿದ್ದಾನೆ.

ಜನವರಿಯಲ್ಲಿ ಸುಕೇಶ್ ಲಾಯರ್ ಅನಂತ್ ಮಲಿಕ್ ಹಾಗೂ ಎಕೆ ಸಿಂಗ್ ಮೂಲಕ ಒಂದು ಹೇಳಿಕೆ ನೀಡಿದ್ದ. ಜಾಕ್ಲಿನ್ ಜೊತೆ ಸೀರಿಯಲ್ ರಿಲೇಷನ್​​ಶಿಪ್​ನಲ್ಲಿದ್ದರು ಕೂಡಾ ಜಾಕಿ ವಿರುದ್ಧ ನೋರಾ ಫತೇಹಿ ನನ್ನ ಬ್ರೈನ್ ವಾಶ್ ಮಾಡಿದ್ದಳು ಎಂದು ಆರೋಪಿಸಿದ್ದ.

ನೋರಾ ಫತೇಹಿ ದಿನಕ್ಕೆ 10 ಸಲ ಕಾಲ್ ಮಾಡುತ್ತಿದ್ದಳು. ನಾನು ಕಾಲ್ ರಿಸೀವ್ ಮಾಡದಿದ್ದರೂ ಪದೇ ಪದೇ ಕರೆ ಮಾಡುತ್ತಿದ್ದಳು ಎಂದು ಸುಕೇಶ್ ಈ ಹಿಂದೆ ಆರೋಪ ಮಾಡಿದ್ದ.