Jacqueline Fernandez: ಜೈಲಿನಲ್ಲಿ ಜಾಕ್ಲಿನ್ ಜಪ ಮಾಡ್ತಿದ್ದಾನೆ ಸುಕೇಶ್, ರಕ್ಕಮ್ಮನಿಗೆ ಲವ್ ಲೆಟರ್ ಬರೆದ ಪ್ರೇಮಿ!

ವಂಚಕ ಸುಖೇಶ್ ಚಂದ್ರಶೇಖರ್ ಜೊತೆಗೆ ಅನೇಕ ನಟಿಯರ ಹೆಸರುಗಳು ಕೇಳಿಬಂದಿತ್ತು. ಬಾಲಿವುಡ್ ನಟಿ ಜಾಕ್ಲಿನ್ ಫರ್ನಾಂಡೀಸ್ ಅವರೊಂದಿಗಿನ ಸಂಬಂಧ ಬಾಲಿವುಡ್​ನಲ್ಲಿ ಭಾರೀ ಸುದ್ದಿಯಾಗಿದೆ. ಇದೇ ವೇಳೆ ಜೈಲು ಸೇರಿರುವ ಸುಕೇಶ್ ಇದೀಗ ಜಾಕ್ಲಿನ್​ಗೆ ಲವ್ ಲೆಟರ್ ಬರೆದಿದ್ದು, ನಟಿಗೆ ಈಸ್ಟರ್ ಹಬ್ಬದ ಶುಭಾಶಯ ತಿಳಿಸಿದ್ದಾರೆ.

ಜಾಕ್ಲಿನ್ನನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದು ಸುಖೇಶ್ ಹೇಳಿದ್ದಾರೆ. ನಾನು ನಿನ್ನನ್ನು ತುಂಬಾ ಪ್ರೀತಿ ಮಾಡ್ತಿದ್ದೇನೆ, ಹ್ಯಾಪಿ ಈಸ್ಟರ್ ಬೇಬಿ. ಇದು ವರ್ಷದ ನಿಮ್ಮ ನೆಚ್ಚಿನ ಹಬ್ಬಗಳಲ್ಲಿ ಒಂದಾಗಿದೆ ಮತ್ತು ನೀವು ಈಸ್ಟರ್ ಎಗ್​ಗಳನ್ನು ಇಷ್ಟಪಡುತ್ತೀರಿ ಎಂದು ಪತ್ರದಲ್ಲಿ ಬರೆದಿದ್ದಾರೆ.

ಮೈ ಬೇಬಿ, ನೀನು ಎಷ್ಟು ಸುಂದರಿ ಗೊತ್ತಾ? ಈ ಜಗತ್ತಿನಲ್ಲಿ ನಿನಗಿಂತ ಸುಂದರಿ ಯಾರೂ ಇಲ್ಲ. ಮೈ ಲವ್ಲಿ ಬೇಬಿ ನಾನು ನಿನ್ನನ್ನು ತುಂಬಾ ಪ್ರೀತಿಸುತ್ತೇನೆ. ನೀವು ಮತ್ತು ನಾನು ಶಾಶ್ವತವಾಗಿ ಒಟ್ಟಿಗೆ ಇರಬೇಕು. ಏನೇ ಆಗಲಿ ನಾವು ಒಟ್ಟಿಗಿರಬೇಕು ಎಂದು ಸುಕೇಶ್ ಪತ್ರದಲ್ಲಿ ಬರೆದಿದ್ದಾರೆ.

ಲಕ್ಸ್ ಕೋಜಿಗಾಗಿ ಜಾಕ್ಲಿನ್ ಮಾಡಿದ ಹೊಸ ಜಾಹೀರಾತನ್ನು ಸುಕೇಶ್ ಕೂಡ ನೋಡಿದ್ದಾರೆ. ಈ ಬಗ್ಗೆ ಕೂಡ ಪತ್ರದಲ್ಲಿ ಬರೆದಿದ್ದಾನೆ. ನಿನ್ನ ಜಾಹೀರಾತು ನೋಡಿದೆ. ಬೇಬಿ ನಾನು ನಿನ್ನ ಬಗ್ಗೆ ಯೋಚಿಸದ ಕ್ಷಣವಿಲ್ಲ. ತುಂಬಾ ಮಿಸ್ ಮಾಡಿಕೊಳ್ತಿದ್ದೇನೆ ಹನಿ, ಮುಂದಿನ ಈಸ್ಟರ್ ನಿಮಗೆ ಉತ್ತಮವಾಗಿರುತ್ತದೆ ಎಂದು ಬರೆದಿದ್ದಾರೆ.

ಸುಕೇಶ್ ಜಾಕ್ಲಿನ್ ಫರ್ನಾಂಡೀಸ್ ಮೇಲಿನ ಪ್ರೀತಿ ತಿಳಿಸಲು ಆಗಾಗ್ಗೆ ಪತ್ರಗಳನ್ನು ಬರೆಯುತ್ತಿದ್ದಾರೆ. ಅವರು ಜಾಕ್ಲಿನ್​ಗಾಗಿ ಒಂದು ಹಾಡನ್ನು ಸಹ ಬರೆದಿದ್ದಾರೆ. ಹ್ಯಾಪಿ ಈಸ್ಟರ್ ಬೇಬಿ, ತಾಯಿ-ತಂದೆ ಹಾಗೂ ನಿಮ್ಮ ಕುಟುಂಬಕ್ಕೆ ದೇವರು ಒಳ್ಳೆಯದು ಮಾಡಲಿ! ಲವ್ ಯು ಮೈ ಬೇಬಿ ಎಂದು ಸುಕೇಶ್ ಪತ್ರದಲ್ಲಿ ಬರೆದಿದ್ದಾರೆ.

ಜಾಕ್ಲಿನ್ ಫರ್ನಾಂಡಿಸ್​ಗೆ ಹೋಳಿ ಹಬ್ಬದ ಶುಭಾಶಯಗಳು ಎಂದು  ಹಿಂದೆ ಕೂಡ ಸುಕೇಶ್ ಪತ್ರ ಬರೆದಿದ್ರು. ಬಣ್ಣಗಳ ಹಬ್ಬದ ಈ ದಿನದಂದು ನಿನ್ನ ಬದುಕಿನಿಂದ ಮಾಸಿದ ಬಣ್ಣಗಳನ್ನು 100 ಪಟ್ಟು ಹೆಚ್ಚಾಗಿ ಹಿಂದಿರುಗಿ ಬರುವಂತೆ ಮಾಡುತ್ತೇನೆ ಎಂದು  ಬರೆದಿದ್ರು.

200 ಕೋಟಿ ವಂಚನೆ ಕೇಸ್​ನಲ್ಲಿ ಜೈಲು ಸೇರಿರುವ ಸುಕೇಶ್ ಚಂದ್ರಶೇಖರ್ ಆಗಾಗ ನಟಿ ಜಾಕ್ಲಿನ್ ಫರ್ನಾಂಡಿಸ್ ಬಗ್ಗೆ ತನ್ನ ಪ್ರೀತಿ ವ್ಯಕ್ತಪಡಿಸುತ್ತಲೇ ಇರುತ್ತಾರೆ. ಇದೀಗ ಮತ್ತೊಮ್ಮೆ ಸುಕೇಶ್ ಜಾಕ್ಲಿನ್​ಗೆ ಪ್ರೇಮಪತ್ರ ಬರೆದಿದ್ದಾನೆ.

ಜೈಲಿನಲ್ಲಿರುವ ಸುಕೇಶ್ ಚಂದ್ರಶೇಖರ್ ಅವರು ಫೋರ್ಟಿಸ್ ಪ್ರಮೋಟರ್​​ ಅವರ ಪತ್ನಿಯಿಂದ 200 ಕೋಟಿ ವಂಚಿಸಿದ ಆರೋಪವನ್ನು ಎದುರಿಸುತ್ತಿದ್ದಾನೆ.