Tripura Sundari Serial: ಭೂಲೋಕದಲ್ಲಿ ಯಾವ ರೀತಿ ಇರಬೇಕು ಆಮ್ರಪಾಲಿ, ನಾಗದೇವ ಕೊಟ್ಟ ಸಲಹೆ ಏನು?

ಬಿಗ್ ಬಾಸ್ ಶೋ ಮುಗಿದ ಬಳಿಕ ಕಲರ್ಸ್ ಕನ್ನಡದಲ್ಲಿ ಪ್ರತಿ ದಿನ ರಾತ್ರಿ 10 ಗಂಟೆಗೆ ತ್ರಿಪುರ ಸುಂದರಿ ಧಾರಾವಾಹಿ ಪ್ರಸಾರವಾಗ್ತಿದೆ. ಇದೊಂದು ವಿಭಿನ್ನವಾಗಿರುವ ಕಥೆ ಆಗಿದೆ.

ನಾಗದೇವ ಭೂಲೋಕಕ್ಕೆ ಮೊದಲು ಬಂದವರು ನೀವು. ನೀವು ಭೂಮಿಯ ಮೇಲೆ ನೆಲೆಸಿ, ನಿಮ್ಮ ಬಳಿಗೆ ಬಂದವರನ್ನು ಕಾಪಾಡುತ್ತಿದ್ದೀರಿ. ಈಗಲೂ ಭೂಮಿ ಮೇಲೆ ನೀವಿದ್ದೀರಿ. ಪರಿಚಯವೇ ಇಲ್ಲದಿರೋ ಈ ಲೋಕದಲ್ಲಿ ನನಗೆ ನಿಮ್ಮ ಮಾರ್ಗದರ್ಶನ ಬೇಕಿದೆ ಎಂದು ಆಮ್ರಪಾಲಿ ಬೇಡಿಕೊಳ್ಳುತ್ತಾಳೆ.

ನಾಗದೇವ ಪ್ರತ್ಯಕ್ಷನಾಗುತ್ತಾನೆ. ಆಮ್ರಪಾಲಿಯ ಬಗ್ಗೆ ಕೇಳುತ್ತಾರೆ. ಭೂಲೋಕದಲ್ಲಿ ಗಂಧರ್ವರ ಕಂಡು ಬಹಳ ಸಂವತ್ಸರ ಕಳೆದು ಹೋಯ್ತು. ತಾವು ಭೂಲೋಕಕ್ಕೆ ಬಂದ ಕಾರಣವೇನು ಎಂದು ನಾಗದೇವ ಕೇಳ್ತಾರೆ.

ಗಂಧರ್ವ ಲೋಕದ ಸಿಂಹಾಸನದ ಮೇಲೆ ಧನಂಜಯ ಎಂಬ ದುಷ್ಟ ಕೂತಿದ್ದಾನೆ. ಅವನ ದರ್ಪದಿಂದ ಗಂಧರ್ವರೆಲ್ಲೆರೂ ಕಳೆದ 27 ವರ್ಷಗಳಿಂದ ಬಳಲುತ್ತಿದ್ದಾರೆ. ಸಿಂಹಾಸನದ ಮೇಲೆ ಗಂಧರ್ವ ರಾಜ ರಾರಾಜಿಸದ ಹೊರತು, ನನ್ನ ಲೋಕಕ್ಕೆ ನೆಮ್ಮದಿ ಇಲ್ಲ ಎಂದು ಆಮ್ರಪಾಲಿ ಹೇಳ್ತಾಳೆ.

ಮಯೂರು ಸಿಂಹಾಸನದ ಮೇಲೆ ಹಕ್ಕಿರುವುದು ಅಥರ್ವ ದೇವರದ್ದೇ, ಆದ್ರೆ ಆ ಧನಂಜಯ ಅವರನ್ನು ಸೆರೆ ಹಿಡಿದು, ಯಾರ ಅನುಮತಿಯೂ ಇಲ್ಲದೇ ಬಲವಂತವಾಗಿ ಸಿಂಹಾಸನದ ಮೇಲೆ ಕುಳಿತಿದ್ದಾನೆ.

ಧನಂಜಯನ ಕ್ರೂರ ದೃಷ್ಟಿಯಿಂದ ತಪ್ಪಿಸಲು ರಾಜಕುಮಾರನನ್ನು 27 ವರ್ಷಗಳ ಹಿಂದೆ ಭೂಲೋಕದಲ್ಲಿ ಬಚ್ಚಿಡಲಾಯ್ತು. ಅವರುನ್ನು ಅರಸಿ ಅತಿ ಶೀಘ್ರದಲ್ಲಿ ಕರೆದೊಯ್ಯಬೇಕು. ಅದಕ್ಕೆ ನಿಮ್ಮ ಸಹಾಯ ಬೇಕು ಎಂದು ಆಮ್ರಪಾಲಿ ನಾಗದೇವನನ್ನು ಕೇಳುತ್ತಾಳೆ.

ಇದು ಅತ್ಯಂತ ಕಠಿಣ ಆಮ್ರಪಾಲಿ. 27 ವರ್ಷಗಳ ಕಾಲ ಭೂಮಿ ಮೇಲೆ ಮಾನವನಾಗಿ ಬದುಕಿದ್ದರೆ, ರಾಜಕುಮಾರನಿಗೆ ತನ್ನ ಮಂತ್ರ ಶಕ್ತಿ ಅರಿವಿರುವುದಿಲ್ಲ. ತನ್ನ ಶಕ್ತಿಯ ಅರಿವಿಲ್ಲ ಎಂದ್ರೂ ಸುತ್ತಲಿನ ಮಾನವರಿಗಿಂತ ಶಕ್ತಿಶಾಲಿ ಆಗಿರುತ್ತಾನೆ ಎಂದು ನಾಗದೇವ ಹೇಳಿದ್ದಾರೆ.

ಇದು ಭೂಲೋಕ. ಮಂತ್ರ ಶಕ್ತಿ ಇಲ್ಲದ ಲೋಕ. ಇಲ್ಲಿ ಯಾರಾದ್ರೂ ಮಂತ್ರಶಕ್ತಿಯನ್ನು ಉಪಯೋಗಿಸಿದ್ರೆ, ಅವರನ್ನು ಅನುಮಾನದಿಂದ ನೋಡವ ಸ್ವಭಾವ ಮಾನವರದ್ದು. ಭೂಲೋಕದಲ್ಲಿ ಇರುವಷ್ಟು ದಿನ, ಈ ಮಾಯ ಮಂತ್ರ ಶಕ್ತಿಯನ್ನು ವಿವೇಚನೆಯಿಂದ ಬಳಸು. ನಿನ್ನ ಕಾರ್ಯ ಕೈಗೂಡಬೇಕೆಂದ್ರೆ, ನೀನು ಮಾನವರಂತೆ ಬದುಕಬೇಕು ಎಂದು ನಾಗದೇವ ಸಲಹೆ ನೀಡಿದ್ದಾರೆ.