Kannada Serials: ವಾರಾಂತ್ಯದಲ್ಲೂ ಸೀರಿಯಲ್ ಸುಗ್ಗಿ, ಶನಿವಾರವೂ ನಿಮ್ಮ ಮೆಚ್ಚಿನ ಧಾರಾವಾಹಿಗಳು!

ಕಲರ್ಸ್ ಕನ್ನಡ ವಾಹಿನಿಯೂ ಧಾರಾವಾಹಿಗಳ ಮೂಲಕ ಜನರ ಮನಸ್ಸು ಗೆದ್ದಿದೆ. ಇನ್ಮುಂದೆ ಶನಿವಾರವೂ ಧಾರಾವಾಹಿಗಳು ಪ್ರಸಾರವಾಗವೆ. ಈಗಾಗಲೇ ಒಲವಿನ ನಿಲ್ದಾಣ ಧಾರಾವಾಹಿ ಶನಿವಾರವೂ ಪ್ರಸಾರವಾಗ್ತಿದೆ.

ಇನ್ನು ಶುಕ್ರವಾರದವರೆಗೆ ಪ್ರಸಾರವಾಗ್ತಿದ್ದ ಕೆಂಡಸಂಪಿಗೆ ಧಾರಾವಾಹಿ ಶನಿವಾರವೂ ಪ್ರಸಾರವಾಗಲಿದೆ. ಸಂಜೆ 6.30ಕ್ಕೆ ಸೀರಿಯಲ್ ಪ್ರಸಾರವಾಗುತ್ತೆ.

ಕೆಂಡಸಂಪಿಗೆ ಧಾರಾವಾಹಿಯಲ್ಲಿ ತೀರ್ಥನಿಗೆ ಅಪಘಾತವಾಗಿದ್ದು, ಸಾವು-ಬದುಕಿನ ನಡುವೆ ಹೋರಾಟ ನಡೆಸುತ್ತಿದ್ದಾನೆ. ತೀರ್ಥನನ್ನು ಎಲೆಕ್ಷನ್ ಗೆಲ್ಲಿಸುವ ಜವಾಬ್ದಾರಿ ಸುಮನಾ ಮೇಲಿದೆ.

ಇನ್ನು ಕಲರ್ಸ್ ಕನ್ನಡದಲ್ಲಿ ಸಂಜೆ 7 ಗಂಟೆಗೆ ಪ್ರಸಾರವಾಗ್ತಿದ್ದ ಭಾಗ್ಯಲಕ್ಷ್ಮಿ ಧಾರಾವಾಹಿಯನ್ನು 2 ಭಾಗ ಮಾಡಲಾಗಿದೆ. ಶನಿವಾರದವರೆಗೆ ಸಂಜೆ 7 ಗಂಟೆಗೆ ಅಕ್ಕನ ಕತೆ ಭಾಗ್ಯಲಕ್ಷ್ಮಿ ಪ್ರಸಾರವಾಗಲಿದೆ.

ಭಾಗ್ಯ ತನ್ನ ತಂಗಿಗೆ ಶ್ರೀರಾಮನಂತ ವೈಷ್ಣವ್‍ನನ್ನು ಹುಡುಕಿ ಮದುವೆ ಮಾಡುತ್ತಿದ್ದಾಳೆ. ತನ್ನ ತಂಗಿ ಅಂದ್ರೆ ಭಾಗ್ಯಾಗೆ ಪ್ರಾಣ. ಅವಳಿಗೆ ಸ್ವಲ್ಪವೂ ನೋವಾಗಬಾರದು ಎಂದು ಬಯಸುತ್ತಾಳೆ.

ಇನ್ನು ಲಕ್ಷ್ಮಿ ಬಾರಮ್ಮ ಧಾರಾವಾಹಿ ಸೋಮಚಾರದಿಂದ ಶನಿವಾರದವರೆಗೆ ಸಂಜೆ 7 ಗಂಟೆಗೆ ಪ್ರಸಾರವಾಗಲಿದೆ. ಇದು ಸಹ ಭಾಗ್ಯಲಕ್ಷ್ಮಿಯ ಒಂದು ಭಾಗವಾಗಿದೆ.

ಲಕ್ಷ್ಮಿ ಬಾರಮ್ಮ ಧಾರಾವಾಹಿಯಲ್ಲಿ ವೈಷ್ಣವ್-ಲಕ್ಷ್ಮಿ ಮದುವೆ ಸಂಭ್ರಮ ನಡೆಯುತ್ತಿದೆ. ಇಬ್ಬರು ಇಷ್ಟವಿಲ್ಲದಿದ್ದರೂ ಮನೆಯವರ ಬಲವಂತಕ್ಕೆ ಒಪ್ಪಿದ್ದಾರೆ.

ಕಲರ್ಸ್ ಕನ್ನಡ ವಾUಹಿನಿ ಜನರಿಗೆ ಮನರಂಜನೆ ನೀಡಲು ಈ ಸೀರಿಯಲ್‍ಗಳನ್ನು ಶನಿವಾರವೂ ಪ್ರಸಾರ ಮಾಡ್ತಿದೆ. ಎಲ್ಲರೂ ನೋಡಿ ಖುಷಿ ಪಡಿ.