Ramachari: ಸೀರೆಯಲ್ಲಿ ಚೆಂದ ನಮ್ಮ ಚಾರು; ರಾಮಾಚಾರಿ ಮದುವೆಯಾದ ಗುಟ್ಟು ಬಯಲಾಗುತ್ತಾ?

ರಾಮಾಚಾರಿ ಧಾರಾವಾಹಿ ಕಲರ್ಸ್ ಕನ್ನಡದಲ್ಲಿ ರಾತ್ರಿ 9 ಗಂಟೆಗೆ ಪ್ರಸಾರವಾಗ್ತಿದೆ. ಈ ಕತೆಯ ನಾಯಕ ರಾಮಾಚಾರಿ, ನಾಯಕಿ ಚಾರು. ಧಾರಾವಾಹಿ ಶುರವಾದಾಗ ಇಬ್ಬರಿಗೂ ಒಬ್ಬರನ್ನು ಕಂಡ್ರೆ ಒಬ್ಬರಿಗೆ ಆಗುತ್ತಿರಲಿಲ್ಲ.

ರಾಮಾಚಾರಿ ಒಳ್ಳೆಯ ಗುಣ, ನಡತೆ, ಅವನ ಸ್ವಾಭಿಮಾನ ನೋಡಿ ಚಾರುಗೆ ಪ್ರೀತಿಯಾಗುತ್ತೆ. ಆದ್ರೆ ರಾಮಾಚಾರಿ ಏನಾದ್ರೂ ಚಾರು ಮೇಡಂ ನಮಗೆ ಸರಿ ಹೊಂದಲ್ಲ ಎಂದು ಹೇಳಿರುತ್ತಾನೆ.

ಚಾರು ಮತ್ತು ರಾಮಾಚಾರಿ ಒಂದೇ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ರಾಮಾಚಾರಿ ಮಾಡಿದ ಯಡವಟ್ಟಿನಿಂದ ಕೆಮಿಕಲ್ ಬಿದ್ದು ಚಾರು ಕಣ್ಣು ಕಳೆದುಕೊಳ್ಳುವ ಪರಿಸ್ಥಿತಿ ಬರುತ್ತೆ. ಅದಕ್ಕೆ ರಾಮಾಚಾರಿ ಕೊರಗುತ್ತಾ ಇರುತ್ತಾನೆ.

ಕಣ್ಣು ಕಾಣದ ಚಾರುಗೆ ನಾನೇ ಬೆಳಕಾಗಬೇಕು ಎಂದು ರಾಮಾಚಾರಿ ಯಾರಿಗೂ ಹೇಳದೇ ಆಕೆಗೆ ತಾಳಿ ಕಟ್ಟಿದ್ದಾನೆ. ಇಬ್ಬರು ಮದುವೆಯಾದ ವಿಚಾರವನ್ನು ಎಲ್ಲರ ಬಳಿ ಮುಚ್ಚಿಟ್ಟಿದ್ದಾರೆ.

ರಾಮಾಚಾರಿ ಸತ್ಯ ಹೇಳಲಾಗದೇ ಒದ್ದಾಡುತ್ತಿದ್ದಾನೆ. ಈ ಮದುವೆ ಸುಳ್ಳು ಮುಚ್ಚಿ ಹಾಕಲು, ದಿನ ಒಂದು ಸುಳ್ಳು ಹೇಳಲು ಆರಂಭಿಸಿದ್ದಾನೆ. ಅದರಿಂದ ಅವನಿಗೆ ತುಂಬಾ ನೋವಾಗ್ತಿದೆ.

ಇನ್ನು ರಾಮಾಚಾರಿ ಮತ್ತು ಚಾರು ಬೆಟ್ಟದ ದೇವಸ್ಥಾನಕ್ಕೆ ಬಂದಿದ್ದಾರೆ. ಈ ದೇವಸ್ಥಾನದಲ್ಲಿ ಗಂಡ ಹೆಂಡ್ತಿಯನ್ನು ಎತ್ತಿಕೊಂಡು ಮೇಲೆ ಹೋಗಬೇಕು. ಚಾರು ಅದಕ್ಕೆ ಸೀರೆಯುಟ್ಟು ಚೆಂದವಾಗಿ ರೆಡಿ ಆಗಿ ಬಂದಿದ್ದಾಳೆ. ರಾಮಾಚಾರಿ ನನ್ನ ಎತ್ತಿಕೊಂಡು ಹೋಗ್ತಾನೆ ಎಂಬ ಖುಷಿಯಲ್ಲಿದ್ದಾಳೆ.

ರಾಮಾಚಾರಿ ಮತ್ತು ಚಾರು ಬಂದ ದೇವಸ್ಥಾನಕ್ಕೆ, ರಾಮಾಚಾರಿ ಮನೆಯವರು ಬಂದಿದ್ದಾರೆ. ಕೋದಂಡನ ಬಳಿ ಯಾವುದೋ ಪೂಜೆ ಮಾಡಿಸಲು ಬಂದಿದ್ದಾರೆ. ನೋಡಿದ್ರೆ ಅಲ್ಲೇ ರಾಮಾಚಾರಿ-ಚಾರು ಇದ್ದಾರೆ.

ಮನೆಯವರ ಮುಂದೆ ಚಾರು ಮತ್ತು ರಾಮಾಚಾರಿ ಮದುವೆಯಾದ ಗುಟ್ಟು ಬಯಲಾಗುತ್ತಾ? ಈ ಬಾರಿ ರಾಮಾಚಾರಿ ತಪ್ಪಿಸಿಕೊಳ್ಳಲು ಆಗಲ್ವಾ? ಮುಂದೇನಾಗುತ್ತೆ ಅಂತ ನೋಡೋಕೆ ರಾಮಾಚಾರಿ ಸೀರಿಯಲ್ ನೋಡಬೇಕು.