Punyavathi: ಪೇಪರ್​​ನಲ್ಲಿ ಪದ್ಮಿನಿ ಫೋಟೋ, ಅರಳುವ ಮುನ್ನವೇ ಬಾಡಿ ಹೋಗುತ್ತಾ ಡ್ಯಾನ್ಸ್ ಕನಸು?

ಕಲರ್ಸ್ ಕನ್ನಡ ವಾಹಿನಿಯು ಜನರಿಗೆ ಮನರಂಜನೆ ನೀಡುವಲ್ಲಿ ಸದಾ ಮುಂದಿರುತ್ತೆ. ಈಗಾಗಲೇ ಧಾರಾವಾಹಿಗಳ ಮೂಲಕ ಜನರನ್ನು ಹಿಡಿದಿಡುವಲ್ಲಿ ಯಶಸ್ವಿಯಾಗಿದೆ. ಆ ಸಾಲಿಗೆ   'ಪುಣ್ಯವತಿ' ಧಾರಾವಾಹಿ ಸೇರ್ತಾ ಇದೆ.

ಪ್ರತಿದಿನ ರಾತ್ರಿ 10 ಗಂಟೆಗೆ ಪುಣ್ಯವತಿ ಧಾರಾವಾಹಿ ಪ್ರಸಾರವಾಗ್ತಿದೆ. ಈ ಧಾರಾವಾಹಿಯ ನಾಯಕಿ ಪದ್ಮಿನಿ. ಈಕೆಗೆ ಡ್ಯಾನ್ ಅಂದ್ರೆ ಪ್ರಾಣ. ಡ್ಯಾನ್ಸ್ ನಲ್ಲೇ ಏನಾದ್ರೂ ಸಾಧನೆ ಮಾಡಬೇಕು ಎಂದು ಪದ್ಮಿನಿ ಹಂಬಲಿಸುತ್ತಿದ್ದಾಳೆ. ಆದ್ರೆ ಮನೆಯಲ್ಲಿ ಪದ್ಮಿನಿ ಅಪ್ಪನಿಗೆ ಡ್ಯಾನ್ಸ್ ಅಂದ್ರೆ ಇಷ್ಟ ಇಲ್ಲ.

ಪದ್ಮಿನಿ ಕಾಲೇಜಿನಲ್ಲಿ ನಡೆದ ಡ್ಯಾನ್ಸ್ ಆಡಿಷನ್ ನಲ್ಲಿ ಡ್ಯಾನ್ಸ್ ಮಾಡಿದ್ದಾಳೆ. ಅದು ಎಲ್ಲರಿಗೂ ಇಷ್ಟ ಆಗಿದೆ. ಜಡ್ಜ್ ಗಳು ಸಹ ಡ್ಯಾನ್ಸ್ ಇಷ್ಟ ಪಟ್ಟಿದ್ದರು.

ಪದ್ಮಿನಿ ಡ್ಯಾನ್ಸ್ ಮಾಡಿ ಮುಂದಿನ ರೌಂಡ್‍ಗೆ ಸೆಲೆಕ್ಟ್ ಆಗಿದ್ದಾಳೆ. ಆ ಫೋಟೋ ಪೇಪರ್ ನಲ್ಲಿ ಬಂದಿದೆ. ಡ್ಯಾನ್ಸಿಂಗ್ ಚಾಂಪಿಯನ್ ನಲ್ಲಿ ಮಿಂಚಿದ ಗ್ರಾಮೀಣ ಪ್ರತಿಭೆ ಪದ್ಮಿನಿ ಅಂತ ಬಂದಿದೆ.

ಪೇಪರ್ ನಲ್ಲಿ ಫೋಟೋ ನೋಡಿ ಪದ್ಮಿನಿ ತುಂಬಾ ಖುಷಿಯಾಗಿದ್ದಾಳೆ. ನನ್ನ ಡ್ಯಾನ್ಸ್ ಎಲ್ಲರಿಗೂ ಇಷ್ಟ ಆಗಿದೆ. ನಾನು ಮುಂದಿನ ರೌಂಡ್‍ಗೆ ಸೆಲೆಕ್ಟ್ ಆಗಿದ್ದೀನಿ ಎಂದು ಸಂತೋಷವಾಗಿದ್ದಾಳೆ.

ತನ್ನ ತಂಗಿ ಪೂರ್ಣಿ ಬಳಿ ತನ್ನ ಖುಷಿಯನ್ನು ಹಂಚಿಕೊಳ್ತಾ ಇದ್ದಾಳೆ. ನೋಡು ಪೂರ್ಣಿ ನಾನು ಮುಂದಿನ ರೌಂಡ್‍ಗೆ ಸೆಲೆಕ್ಟ್ ಆಗಿದ್ದೇನೆ. ತುಂಬಾ ಖುಷಿ ಆಗ್ತಿದೆ ಎಂದು ಹೇಳಿದ್ದಾಳೆ.

ಆದ್ರೆ ಆ ಸಂತೋಷ ಮರು ಕ್ಷಣವೇ ಇರಲಿಲ್ಲ. ಯಾಕಂದ್ರೆ ಆ ಪೇಪರ್ ನ್ನು ಅಪ್ಪ ಓದಿದ್ರೆ, ಅಷ್ಟೇ ನಮ್ಮ ಕಥೆ ಮುಗಿತು ಎಂದು ಇಬ್ಬರು ಯೋಚ್ನೆ ಮಾಡ್ತಾರೆ. ಅಷ್ಟರಲ್ಲೇ ಅವರ ಅಪ್ಪ ಪದ್ಮಿನಿ ಎಂದು ಕೂಗುತ್ತಾರೆ.

ಪದ್ಮಿನಿ ತಂದೆ ಭುಜಂಗಯ್ಯ ಪೇಪರ್ ಕೊಡಿ ನಾನು ಓದಬೇಕು ಎನ್ನುತ್ತಾರೆ. ಪೇಪರ್ ನಲ್ಲಿ ಪದ್ಮಿನಿ ಫೋಟೋ ನೋಡಿದ್ರೆ ಅಲ್ಲಿಗೆ ಎಲ್ಲಾ ಸತ್ಯ ಬಯಲಾಗುತ್ತೆ. ಪದ್ಮಿನಿ ಡ್ಯಾನ್ಸ್ ಮಾಡೋ ಕನಸಿಗೆ ಬ್ರೇಕ್ ಬೀಳುತ್ತೆ.