Olavina Nildana: ಮನಸ್ಸಿಲ್ಲದ ಮದುವೆಗೆ ಸಿದ್ಧವಾದ ತಾರಿಣಿ, ಸಿದ್ಧಾಂತ್ ಒಳಿತಿಗಾಗಿ ದೇವರ ಮುಂದೆ ಬೇಡಿಕೆ!

ಕಲರ್ಸ್ ಕನ್ನಡದಲ್ಲಿ ಸಂಜೆ 6 ಗಂಟೆಗೆ ಒಲವಿನ ನಿಲ್ದಾಣ ಧಾರಾವಾಹಿ ಪ್ರಸಾರವಾಗ್ತಿದೆ. ಇದೊಂದು ಪ್ರೀತಿ ಆಧಾರಿತ ಕಥೆಯಾಗಿದ್ದು, ಹೀರೋ ಸಿದ್ಧಾಂತ್ ಮತ್ತು ನಟಿ ತಾರಿಣಿ ತಮ್ಮ ಪ್ರೀತಿ ಪಡೆದುಕೊಳ್ಳಲು ಆಗದೇ ಒದ್ದಾಡುತ್ತಿದ್ದಾರೆ.

ತಾರಿಣಿ ಸಿದ್ಧಾಂತ್‍ನನ್ನು ತುಂಬಾ ಪ್ರೀತಿ ಮಾಡ್ತಾ ಇದ್ದಳು. ಅವನಿಗೆ ತನ್ನ ಪ್ರೀತಿ ವಿಷ್ಯ ಹೇಳಿಕೊಂಡು ಮದುವೆಯಾಗಬೇಕು ಎಂದುಕೊಂಡಿದ್ದಾಳೆ. ಆದ್ರೆ ಸಿದ್ಧಾಂತ್ ಅವತ್ತೇ ತಾನು ವಿದೇಶಕ್ಕೆ ಹೋಗುವುದಾಗಿ ಹೇಳಿದ್ದ.

ತಾರಿಣಿ ತನ್ನ ಪ್ರೀತಿ ಮುಚ್ಚಿಟ್ಟು, ಧೀರಜ್ ನನ್ನು ಮದುವೆಯಾಗಲು ಒಪ್ಪಿದ್ದಾಳೆ. ಬಳೆ ಶಾಸ್ತ್ರ, ಮೆಹಂದಿ ಶಾಸ್ತ್ರ ಮುಕ್ತಾಯವಾಗಿದೆ. ಇನ್ನೂ ಮದುವೆ ಶಾಸ್ತ್ರಕ್ಕೆ ಎಲ್ಲಾ ತಯಾರಿಯನ್ನು ಧೀರಜ್ ಅಮ್ಮ ಜಗದೀಶ್ವರಿಯೇ ನೋಡಿಕೊಂಡಿದ್ದಾಳೆ.

ನನ್ನ ಅಮ್ಮ ಕೆಟ್ಟವಳು ಅಲ್ಲ. ಜಗತ್ತಿನಲ್ಲಿ ಕೆಟ್ಟ ತಾಯಿ ಅಂತ ಯಾರೂ ಇರಲ್ಲ. ನನ್ನಮ್ಮನೂ ಸಹ ನನಗೆ ಒಳ್ಳೆಯದಾಗಲಿ ಅಂತ ಇದೆಲ್ಲಾ ಮಾಡ್ತಾ ಇದಾಳೆ. ನನ್ನ ಭವಿಷ್ಯ ಚೆನ್ನಾಗಿರುತ್ತೆ. ನಾನು ಖುಷಿಯಾಗಿ ಇರ್ತೇನೆ ಎನ್ನುವುದೇ ಅವಳ ನಂಬಿಕೆ ಎಂದು ತಾರಿಣಿ ದೇವರ ಮುಂದೆ ಹೇಳಿಕೊಳ್ತಾ ಇದ್ದಾಳೆ.

ನನ್ನ ಅಮ್ಮನ ಮನಸ್ಸಿಗೆ ನೋವು ಮಾಡಲು ಇಷ್ಟ ಇಲ್ಲದೇ ಈ ಮದುವೆಗೆ ಒಪ್ಪಿಕೊಂಡಿದ್ದೇನೆ ತಾಯಿ. ಎಲ್ಲರನ್ನೂ ಕಾಪಾಡೋ ಮಹಾತಾಯಿ ನೀನು. ದೇವತೆ, ಯಾವುದು ಸರಿ, ಸರಿಯಲ್ಲ ಎನ್ನುವುದು ನಿನಗೆ ಗೊತ್ತಿರುತ್ತೆ. ಸರಿಯಾದ ದಾರಿಯಲ್ಲಿ ಎಲ್ಲವನ್ನೂ ನಡೆಸು ಇಷ್ಟೇ ನನ್ನ ಪ್ರಾರ್ಥನೆ ಎಂದು ದೇವಿ ಮುಂದೆ ತಾರಿಣಿ ಬೇಡಿಕೊಂಡಿದ್ದಾಳೆ.

ಸಿದ್ಧಾಂತ್‍ಗೂ ತಾರಿಣಿ ಮೇಲೆ ತುಂಬಾ ಪ್ರೀತಿ ಇತ್ತು. ಅದನ್ನು ಅವನು ಹೇಳಿದಾಗ ತಾರಿಣಿ ನಂಬಲಿಲ್ಲ. ಅಲ್ಲದೇ ಸಿದ್ದು ಅಮ್ಮ ಒಮ್ಮೆ ತಾರಿಣಿಗೆ ನನ್ನ ಮಗನ ಸುದ್ದಿಗೆ ಬರಬೇಡ ಎಂದು ಬೈದಿರುತ್ತಾಳೆ. ಅದಕ್ಕೆ ತಾರಿಣಿ ಸುಮನ್ನಾಗಿರುತ್ತಾಳೆ.

ಸಿದ್ಧಾಂತ್ ಕೆಲಸಕ್ಕೆಂದು ಆಸ್ಟ್ರೇಲಿಯಾಗೆ ಹೋಗ್ತಾ ಇದ್ದಾರೆ. ಒಂದು ಹೊಸ ಬದುಕು ಕಟ್ಟಿಕೊಳ್ಳೋಕೆ, ಅವರಿಗೆಲ್ಲಾ ಒಳ್ಳೆಯದು ಮಾಡು ತಾಯಿ ಎಂದು ತಾರಿಣಿ ಬೇಡಿಕೊಂಡಿದ್ದಾಳೆ.

ತಾರಿಣಿ ಮದುವೆ ಆಗ್ತಿರುವ ಧೀರಜ್ ಕೆಟ್ಟವನು. ತಾರಿಣಿ ಮೇಲೆ ಸೇಡು ತೀರಿಸಿಕೊಳ್ಳಲು ಈ ಮದುವೆ ಆಗ್ತಾ ಇದ್ದಾನೆ. ಹಾಗಾದ್ರೆ ತಾರಿಣಿ ಮದುವೆ ಯಾರ ಜೊತೆ ಆಗುತ್ತೆ ಎನ್ನುವುದೇ ಕುತೂಹಲ.