Olavina Nildana: ತಾರಿಣಿಗೆ ಒಲವಿನ ಪತ್ರ, ಸಿದ್ದು ಲವ್ ಲೆಟರ್ ಕೊಟ್ಟಿದ್ದು ನಿಜನಾ?

ಎಲ್ಲೂ ಸ್ಟಾಪ್ ಆಗದೇ ಜನರ ಮನಸ್ಸಿನಲ್ಲಿ ಒಲವಿನ ನಿಲ್ದಾಣ ಧಾರಾವಾಹಿ ಓಡ್ತಾ ಇದೆ. ಕಲರ್ಸ್ ಕನ್ನಡದಲ್ಲಿ ಸಂಜೆ 6 ಗಂಟೆಗೆ ಪ್ರಸಾರವಾಗುತ್ತಿದೆ.

ಒಲವಿನ ನಿಲ್ದಾಣ ಧಾರಾವಾಹಿಯಲ್ಲಿ ನಟ ಸಿದ್ಧಾಂತ್ ಗುರಿ, ಅವನ ಕಾಳಜಿ, ಮನೆಯವರ ಮೇಲಿನ ಗೌರವ ಎಲ್ಲವೂ ಜನರಿಗೆ ಇಷ್ಟವಾಗಿದೆ. ತಾರಿಣಿ ಪ್ರೀತಿ ಮೊದಲೇ ಅರ್ಥ ಮಾಡಿಕೊಳ್ಳದ ಸಿದ್ಧಾಂತ್, ಈಗ ಆಕೆಯ ಪ್ರೀತಿ ಪಡೆಯಲು ಒದ್ದಾಡುತ್ತಿದ್ದಾನೆ.

ಸಿದ್ದು ತಾರಿಣಿಗೆ ಪ್ರೇಮ ಪತ್ರ ಬರೆದಿದ್ದಾನೆ. 'ನನ್ನ ದೇವತೆಗೆ, ನೀನು ಸಿಕ್ಕಿದ ಮೇಲೆ ನನ್ನ ಬದುಕೇ ಬದಲಾಯ್ತು. ಪ್ರೀತಿ ಇಲ್ಲದಿರೋ ಬದುಕಿಗೆ ಅರ್ಥ ಇಲ್ಲ ಅಂತಾರೆ. ಅದು ನಿಜ ಅನ್ನಿಸಿದ್ದು ನೀನು ಬಂದ ಮೇಲೆ.

ಹುಟ್ಟುವಾಗ, ಅಮ್ಮ, ಅಮ್ಮ ಅಣ್ಣ-ತಂಗಿ ಪ್ರೀತಿ ನೋಡ್ತೇವೆ. ಅವರ ಜೊತೆ ಬೆಳೆದು ದೊಡ್ಡವರಾಗುತ್ತೇವೆ. ಜೀವನಕ್ಕೆ ಜೀವನ ಸಂಗಾತಿಯ ಪ್ರೀತಿ ವಿಭಿನ್ನ. ಪ್ರೀತಿ ಅಂದ್ರೆ ಏನು ಅಂತ ಇನ್ನಷ್ಟು ಅರ್ಥ ಆಯ್ತು. ಪ್ರೀತಿಯನ್ನು ಸ್ಟ್ರಾಂಗ್ ಮಾಡೋ ನನ್ನ ಜೀವನ ನೀನು ಎಂದು ಸಿದ್ದು ಪತ್ರ ಬರೆದಿದ್ದಾನೆ.

ಪತ್ರದ ಜೊತೆ ಹಸಿರು ಬಳೆ ಉಡುಗೊರೆ ತಂದಿದ್ದಾನೆ ಸಿದ್ಧಾಂತ್. ನನಗೆ ಇಷ್ಟವಾದ ಬಣ್ಣ ಹಸಿರು. ನಾನು ಇಷ್ಟ ಪಡೋ ಹುಡುಗಿಗೆ, ನನಗೆ ಇಷ್ಟವಾದ ಹಸಿರು ಬಣ್ಣದ ಬಳೆ ಕೊಡಬೇಕು ಎನ್ನುವುದು ನನ್ನ ಆಸೆ ಎಂದು ಸಿದ್ದು ಹೇಳಿದ್ದಾನೆ.

ಹಸಿರು ಎಂದಾಕ್ಷಣ ನೆನಪಾಗೋದು ಭೂತಾಯಿ. ಅದಕ್ಕೆ ಸಹನೆಗೆ ಹೆಣ್ಣನ್ನು ಭೂತಾಯಿಗೆ ಹೋಲಿಸುತ್ತಾರೆ. ನಿನ್ನನ್ನು ನೋಡಿದಾಗ ನನಗೆ ಆಗುವ ಸಂತೋಷ, ಸಮಾಧಾನ, ನಿನ್ನ ಜೊತೆ ಇದ್ದಾಗ ಆ ತಾಳ್ಮ, ಎಲ್ಲದಕ್ಕೂ ಈ ಹಸಿರ ಬಣ್ಣ ಸಿಂಬಲ್. ನಮ್ಮ ಜೀವನ ಕೂಡ ಈ ರೀತಿ ಹಸಿರಾಗಿರಲಿ ಎನ್ನುವುದ ನನ್ನ ಆಸೆ ಎಂದು ಸಿದ್ದು ಹೇಳಿದ್ದಾನೆ.

ನಾನೇ ಬಳೆ ಹಾಕುತ್ತೇನೆ ಎಂದು ಸಿದ್ಧಾಂತ್ ತಾರಿಣಿಗೆ ಹೇಳಿದ್ದಾನೆ. ಅದಕ್ಕೆ ಅವಳು ಓಕೆ ಎಂದಿದ್ದಾಳೆ. ಬಳೆ ಹಾಕಿ ಸದಾ ನನ್ನ ಜೊತೆ ಇರ್ತಿಯಾ, ಐ ಲವ್ ಯು ಎಂದು ಸಿದ್ಧಾಂತ್ ಹೇಳುತ್ತನೆ. ಅದಕ್ಕೆ ತಾರಿಣಿ ಓಕೆ ಎನ್ನುತ್ತಾಳೆ.

ಹಸಿರು ಸಾಮ್ರಾಜ್ಯದ ನಮ್ರ ಪ್ರಜೆ ಹಸಿರು ಬಳೆ ಎಂದು ತಾರಿಣಿ ಕೈ ನೋಡಿಕೊಳ್ತಾಳೆ. ಆದ್ರೆ ಅಲ್ಲಿ ಬಳೆ ಇರುವುದಿಲ್ಲ. ಆಕೆಗೆ ಇದು ಕನಸು ಎಂದು ಗೊತ್ತಾಗುತ್ತೆ.