Amitha Kulal: ಕುಡ್ಲದ ಕುವರಿ ಮಲೆನಾಡ ಬೆಡಗಿಯಾದ ಕಥೆ, ಒಲವಿನ ನಿಲ್ದಾಣದ ತಾರಿಣಿ ಯಾರು?

ಕಲರ್ಸ್ ಕನ್ನಡದಲ್ಲಿ ಸಂಜೆ 6 ಗಂಟೆಗೆ ಪ್ರಸಾರ ಆಗ್ತಾ ಇರೋ ಒಲವಿನ ನಿಲ್ದಾಣ ಧಾರಾವಾಹಿ ಅಭಿಮಾನಿಗಳನ್ನು ಹಿಡಿದಿಟ್ಟುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಅದರಲ್ಲೂ ನಟಿ ತಾರಿಣಿ ತುಂಬಾ ಇಷ್ಟ ಆಗಿದ್ದಾಳೆ.

ಧಾರಾವಾಹಿಯಲ್ಲಿ ತಾರಿಣಿಯ ಮುಗ್ಧತೆ. ಆಕೆಗೆ ಮನೆಯವರ ಮೇಲಿರುವ ಗೌರವ, ಸಿದ್ಧಾಂತ್ ಮೇಲಿನ ಪ್ರೀತಿ. ಅಯ್ಯೋ ಎಷ್ಟು ಒಳ್ಳೆ ಹುಡುಗಿಯೆಪ್ಪಾ ಎನ್ನಿಸಿಕೊಂಡಿದ್ದಾಳೆ ಅಭಿಮಾನಿಗಳಿಂದ.

ತಾರಿಣಿಯ ನಿಜವಾದ ಹೆಸರು ಅಮಿತಾ ಕುಲಾಲ್. ಕರಾವಳಿಯ ಹುಡುಗಿ. ಧಾರಾವಾಹಿಯಲ್ಲಿ ಮಲೆನಾಡ ಹುಡುಗಿ ಪಾತ್ರ ಮಾಡುತ್ತಿದ್ದಾಳೆ. ಹಿರಿತೆರೆಯಿಂದ ಬಣ್ಣದ ಬದುಕು ಆರಂಭಿಸಿದ್ದಾರೆ.

ನಟ ಸೃಜನ್ ಲೋಕೇಶ್ ಅವರ ಹ್ಯಾಪಿ ಜರ್ನಿ ಸಿನಿಮಾದಲ್ಲಿ ನಾಯಕಿಯಾಗುವ ಮೂಲಕ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಗಿಫ್ಟ್ ಬಾಕ್ಸ್, ಆ ಎರಡು ವರ್ಷಗಳು ಚಿತ್ರದಲ್ಲೂ ಅಮಿತಾ ನಟಿಸಿದ್ದಾರೆ.

ಅಮಿತಾ ಸಣ್ಣ ವಯಸ್ಸಿನಿಂದಲೂ ಮಾಡೆಲಿಂಗ್ ಅಂದ್ರೆ ಇಷ್ಟ ಇತ್ತಂತೆ. ಕಂಪ್ಯೂಟರ್ ಸೈನ್ಸ್ ಪದವಿ ಪಡೆದಿದ್ದಾರೆ. ಮುಂಬೈನಲ್ಲಿ ಹಲವು ಫ್ಯಾಷನ್ ಶೋ ಕಾರ್ಯಕ್ರಮಗಳಲ್ಲೂ ಭಾಗವಹಿಸಿದ್ದಾರೆ.

ತೆಲುಗಿನ ರೌಡಿಗಾರಿ ಪೆಳ್ಳಂ ಧಾರಾವಾಹಿಯಲ್ಲೂ ನಾಯಕಿಯಾಗಿ ನಟಿಸಿದ್ದಾರೆ. ಈ ಮೂಲಕ ಪರಭಾಷೆಯಲ್ಲೂ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ.

ಅಮಿತಾ ಮಂಗಳೂರು ಕನ್ನಡ ಮಾತನಾಡುತ್ತಿದ್ದ ಕಾರಣ ಎಷ್ಟೋ ಅವಕಾಶಗಳು ಕೈ ತಪ್ಪಿವೆ ಅಂತೆ. ಆಗ ಬೇಸರ ಮಾಡಿಕೊಂಡಿದ್ರಂತೆ. ಈಗ ಧಾರಾವಾಹಿಯಲ್ಲಿ ಚೆನ್ನಾಗಿ ಕನ್ನಡ ಮಾತನಾಡುತ್ತಾರೆ.

ಒಲವಿನ ನಿಲ್ದಾಣ ಧಾರಾವಾಹಿಗೆ ಆಯ್ಕೆ ಆಗಿರುವುದು ತುಂಬಾ ಖುಷಿ ಆಗಿದೆ. ಕಿರುತೆರೆ ನನಗೆ ತುಂಬಾ ಇಷ್ಟ ಎಂದು ಅಮಿತಾ ಹೇಳಿದ್ದಾರೆ.