Actor Akshay Nayak: ಅವಮಾನದಿಂದ ಸನ್ಮಾನದವರೆಗೆ, ಇದು ಒಲವಿನ ನಿಲ್ದಾಣದ ನಟ ಅಕ್ಷಯ್ ನಿಜ ಕಥೆ!

ಕಲರ್ಸ್ ಕನ್ನಡದಲ್ಲಿ ಪ್ರತಿ ದಿನ ಸಂಜೆ 6 ಗಂಟೆಗೆ ಒಲವಿನ ನಿಲ್ದಾಣ ಧಾರಾವಾಹಿ ಪ್ರಸಾರವಾಗ್ತಿದೆ. ಧಾರಾವಾಹಿ ಜನರಿಗೆ ಇಷ್ಟವಾಗಿದೆ. ಇದು ಜನರ ಮನಸ್ಸಿನಲ್ಲಿ ನಾನ್ ಸ್ಟಾಪ್ ಆಗಿ ಓಡ್ತಾ ಇದೆ.

ನಟ ಸಿದ್ಧಾಂತ್ ಗುರಿ, ಅವನ ಕಾಳಜಿ, ಮನೆಯವರ ಮೇಲಿನ ಗೌರವ ಎಲ್ಲವೂ ಜನರಿಗೆ ಇಷ್ಟವಾಗಿದೆ. ನಟಿ ತಾರಿಣಿಯನ್ನು ಮೊದಲು ಸಿದ್ಧಾಂತ್ ಇಷ್ಟ ಪಡ್ತಿದ್ದ. ತಾರಿಣಿ ಸಹ ಇಷ್ಟ ಪಡುತ್ತಿದ್ದಳು. ಆದ್ರೆ ಇಬ್ಬರ ಮನೆಯವರ ಮುನಿಸು ಇವರ ಪ್ರೀತಿಯನ್ನು ದೂರ ಮಾಡಿದೆ.

ಧಾರಾವಾಹಿಯಲ್ಲಿ ಸಿದ್ಧಾಂತ್ ಪಾತ್ರ ಮಾಡುತ್ತಿರುವವರ ನಿಜವಾದ ಹೆಸರು ಅಕ್ಷಯ್ ನಾಯಕ್. ಈ ನಟ ಧಾರಾವಾಹಿಗಿಂತ ಮುಂಚೆ ಹಲವು ಅವಮಾನಗಳನ್ನು ಎದುರಿಸಿದ್ದಾರೆ.

ಅಕ್ಷಯ್ ನಾಯಕ್ ನಟನೆಯಲ್ಲಿ ಏನನ್ನಾದರೂ ಸಾಧನೆ ಮಾಡಬೇಕು ಎಂದು ಹಂಬಲಿಸುತ್ತಿದ್ದಾಗ, ಕೆಲವರು ಶೂಟಿಂಗ್ ಇದೆ ಬನ್ನಿ ಎಂದು ಕರೆದು, ರಿಜೆಕ್ಟ್ ಮಾಡಿ ಅವಮಾನ ಮಾಡಿದ್ರಂತೆ.

ಸೀರಿಯಲ್‍ವೊಂದರ ಆಡಿಷನ್‍ ಇದೆ ಬನ್ನಿ ಎಂದು ಕರೆದಿದ್ರಂತೆ. ಅಲ್ಲಿ ಮೇಕಪ್ ಮಾಡಿ, ಕಾಸ್ಟ್ಯೂಮ್ ಹಾಕಿಸಿ, ಪಾತ್ರ ಇಲ್ಲ ವಾಪಸ್ ಹೋಗಿ ಎಂದ್ರಂತೆ. ಇದರಿಂದ ಅಕ್ಷಯ್ ತುಂಬಾ ನೊಂದಿದ್ದರಂತೆ.

ಅಕ್ಷಯ್ ನಾಯಕ್ ಅವರು ಒಲವಿನ ನಿಲ್ದಾಣ ಧಾರಾವಾಹಿಯಲ್ಲಿ ನಟಿಸಲು ಶುರು ಮಾಡಿದ ಮೇಲೆ ಜನ ಮೆಚ್ಚಿಕೊಂಡಿದ್ದಾರೆ. ಹಲವು ಕಾರ್ಯಕ್ರಮಗಳಲ್ಲಿ ಕರೆದು ಸನ್ಮಾನ ಮಾಡಿದ್ದಾರಂತೆ.

ಅಕ್ಷಯ್ ನಾಯಕ್ ಮಂಡ್ಯದವರು. ಓದಿದ್ದು ಮೈಸೂರು ಮಂಡ್ಯದಲ್ಲಿ. ಆದ್ರೆ ಇವರಿಗೆ ಮೊದಲಿನಿಂದಲೂ ನಟನೆ ಮೇಲೆ ಹೆಚ್ಚು ಆಸಕ್ತಿ ಇತ್ತಂತೆ.

ಸದ್ಯ ಧಾರಾವಾಹಿಯಲ್ಲಿ ಸಿದ್ದು ಮನೆ ಹರಾಜಿಗೆ ಬಂದಿದೆ. ಬ್ಯಾಂಕ್‍ನವರು 4 ದಿನದಲ್ಲಿ 40 ಲಕ್ಷ ಕಟ್ಟಲು ಹೇಳಿದ್ದಾರೆ. ಅದಕ್ಕೆ ಸಿದ್ಧಾಂತ್ ಮನೆಯನ್ನು ಉಳಿಸಿಕೊಳ್ಳಲು ಪರದಾಡುತ್ತಿದ್ದಾನೆ.