Tripura Sundari: ತ್ರಿಪುರ ಸುಂದರಿಯಾಗಿ ಬಂದ ದಿವ್ಯಾ ಸುರೇಶ್, ಬಾಹುಬಲಿ ಸೀರಿಯಲ್ ಎಂದ ನೆಟ್ಟಿಗರು!

ಡಿಸೆಂಬರ್ 31 ಜನವರಿ 01ರಂದು ಬಿಗ್ ಬಾಸ್ ಗ್ರ್ಯಾಂಡ್ ಫಿನಾಲೆ ನಡೆಯಲಿದೆ. ಅದಕ್ಕೆ ಕಲರ್ಸ್ ಕನ್ನಡದಲ್ಲಿ ಜನವರಿ 2 ರಿಂದ ಹೊಸ ಕತೆಗಳು ಪ್ರಾರಂಭ ಆಗಲಿವೆ.

ಜನವರಿ 2 ರಂದು ಪುಣ್ಯವತಿ ಮತ್ತು ತ್ರಿಪುರ ಸುಂದರಿ ಧಾರಾವಾಹಿಗಳು ಪ್ರಸಾರವಾಗಲಿವೆ. ತ್ರಿಪುರ ಸುಂದರಿ ಧಾರಾವಾಹಿ ರಾತ್ರಿ 9.30ಕ್ಕೆ ಪ್ರಸಾರವಾಗಲಿದೆ.

ತ್ರಿಪುರ ಸುಂದರಿ ಧಾರಾವಾಹಿಯಲ್ಲಿ ನಟಿಯಾಗಿ ಬಿಗ್ ಬಾಸ್ ಸೀನನ್ 08 ರ ಸ್ಪರ್ಧಿ ದಿವ್ಯಾ ಸುರೇಶ್ ಅಭಿನಯಸಲಿದ್ದಾರೆ. ಆಮ್ರಪಾಲಿ ಎನ್ನುವ ಪಾತ್ರ ನಿರ್ವಹಿಸಲಿದ್ದಾರೆ.

ಗಂಧರ್ವ ಲೋಕದಿಂದ ತಪ್ಪಿಸಿಕೊಂಡು ಬಂದಿರುವ ರಾಜಕುಮಾರನನ್ನು ಹುಡುಕಲು ಆಮ್ರಪಾಲಿ ಭೂಲೋಕಕ್ಕೆ ಬಂದಿದ್ದಾಳೆ. ರಾಜಕುಮಾರನ್ನು ಕರೆ ತರು ಜವಾಬ್ದಾರಿ ಈಕೆ ಮೇಲಿದೆ.

ರಾಜಕುಮಾರನಿಲ್ಲದೇ ಗಂಧರ್ವ ಲೋಕಕ್ಕೆ ಮರಳುವುದಿಲ್ಲ ಎಂದು ಶಪಥ ಮಾಡಿ ಬಂದಿದ್ದಾಳೆ ಆಮ್ರಪಾಲಿ. ರಾಜಕುಮಾರನ್ನು ಹುಡುಕಿ, ಅವನ ಮನವೊಲಿಸಿ ಗಂಧರ್ವ ಲೋಕಕ್ಕೆ ಕರೆದುಕೊಂಡು ಹೋಗಬೇಕು.

ದಿವ್ಯಾ ಸುರೇಶ್ ರನ್ನು ತ್ರಿಪುರ ಸುಂದರಿ ರೂಪದಲ್ಲಿ ನೋಡಿ ಜನ ಮೆಚ್ಚುತ್ತಿದ್ದಾರೆ. ಸುಂದರಿಯಂತೆ ಕಾಣ್ತಾ ಇದ್ದಾಳೆ ತ್ರಿಪುರ ಸುಂದರಿ ಎಂದು ಹೇಳ್ತಾ ಇದ್ದಾರೆ. ಅಲ್ಲದೇ ಇದೆ ಪ್ರೋಮೋ ನೋಡಿರುವ ಜನ ಬಾಹುಬಲಿ ಸೀರಿಯಲ್ ಇದು ಎಂದು ಹೇಳ್ತಾ ಇದ್ದಾರೆ.

ಬಿಗ್ ಸೀಸನ್ 08 ರಲ್ಲಿ ದಿವ್ಯಾ ಸುರೇಶ್ ಹೆಸರು ಮಾಡಿದ್ದರು. ಟಾಪ್ 5 ನಲ್ಲಿ ಕೂಡ ಇದ್ರು. ಬಿಗ್ ಬಾಸ್ ವಿನ್ನರ್ ಮಂಜು ಪಾವಗಡ ಮತ್ತು ಇವರು ಆತ್ಮೀಯ ಸ್ನೇಹಿತರಾಗಿದ್ದರು.

ದಿವ್ಯಾ ಯಾವುದೇ ಕೆಲಸಕ್ಕೆ ಕೈ ಹಾಕಿದ್ರೂ ಅದು ಅರ್ಧಕ್ಕೆ ನಿಲ್ಲುತ್ತೆ ಎಂದು ಸುದ್ದಿ ಇತ್ತು. ಆದ್ರೆ ಈಗ ಈ ಧಾರಾವಾಹಿ ಮೂಲಕ ಅದನ್ನು ಸುಳ್ಳು ಮಾಡ್ತಾರಾ ನೋಡಬೇಕು.