New Serial: ತಾರಮ್ಮನಿಂದ ಮೇಕಪ್, ನಾನೇ 'ಪುಣ್ಯವತಿ' ಎಂದಿದ್ದು ಯಾರು?

ಪ್ರತಿ ಶನಿವಾರ ಮತ್ತು ಭಾನುವಾರ ಸಂಜೆ 7.30ಕ್ಕೆ ಕಲರ್ಸ್ ಕನ್ನಡದಲ್ಲಿ ನಮ್ಮಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮ ಪ್ರಸಾರವಾಗ್ತಿದೆ. ಕಾರ್ಯಕ್ರಮಕ್ಕೆ ಪುಣ್ಯವತಿಯ ಪದ್ಮಿನಿ ಬಂದಿದ್ದಾರೆ.

ಕಲರ್ಸ್ ಕನ್ನಡದಲ್ಲಿ ಜನವರಿ 2 ರಿಂದ ರಾತ್ರಿ 10ಕ್ಕೆ ಪುಣ್ಯವತಿ ಎನ್ನುವ ಹೊಸ ಧಾರಾವಾಹಿ ಪ್ರಸಾರವಾಗಲಿದೆ ಅದರ ಪ್ರಮೋಶನ್ ಗೆ ಪುಣ್ಯವತಿ ನಟಿ ನಮ್ಮಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮಕ್ಕೆ ಬಂದಿದ್ದಾರೆ.

ಪುಣ್ಯವತಿ ನಟಿ ಪದ್ಮಿನಿಯನ್ನು ನಟಿ, ನಮ್ಮಮ್ಮ ಸೂಪರ್ ಸ್ಟಾರ್ ಜಡ್ಜ್ ಆದ ತಾರ ಅನುರಾಧ ಅವರು ಮೆಚ್ಚಿಕೊಂಡಿದ್ದಾರೆ. ಧಾರಾವಾಹಿಗೆ ಶುಭಕೋರಿದ್ದಾರೆ.

ನ್ಯಾಷನಲ್ ಅವಾರ್ಡ್ ವಿನ್ನರ್ ತಾರಾ ಅನುರಾಧ ಅವರು, ಮೊದಲ ಬಾರಿಗೆ ಹೊಸ ಪ್ರತಿಭೆಗೆ ಮೇಕಪ್ ಮಾಡುವ ಮೂಲಕ ಪುಣ್ಯವತಿಯನ್ನು ವೆಲ್ ಕಮ್ ಮಾಡಿದ್ದಾರೆ.

ಪುಣ್ಯವತಿ ಅನ್ನೋ ಸೀರಿಯಲ್ ನಲ್ಲಿ ನಿಜವಾಗ್ಲೂ, ಗ್ರಾಮೀಣ ಪ್ರತಿಭೆಯನ್ನು ಕರೆ ತಂದಿದ್ದಾರೆ. ಅದು ನನಗೆ ತುಂಬಾ ಖುಷಿ ಆಯ್ತು ಎಂದು ತಾರ ಅವರು ಹೇಳಿದ್ದಾರೆ.

ನನಗೆ ತುಂಬಾ ಖುಷಿ ಆಗ್ತಿದೆ. ನನ್ನಷ್ಟು ಪುಣ್ಯವತಿ ಯಾರು ಇಲ್ಲ ಎಂದು ನಟಿ ಹೇಳಿದ್ದಾರೆ. ವೇದಿಕೆಯಲ್ಲಿದ್ದವರು ಹೊಸ ಧಾರಾವಾಹಿಗೆ ಒಳ್ಳೆಯದಾಗಲಿ ಅಂತ ವಿಶ್ ಮಾಡಿದ್ರು.

ನಂದು ಅಂತ ಒಂದೇ ಒಂದು ಕನಸು ಇದೆ. ಡ್ಯಾನ್ಸ್ ನಿಂದ ಪರಪಂಚವನ್ನೇ ಗೆಲ್ಲಬೇಕು ಎಂತಿದ್ದಾಳೆ ಪುಣ್ಯವತಿ. ಆದ್ರೆ ಆಕೆಯ ಆಸೆಗೆ ಅವರ ಅಪ್ಪ ಸಾಥ್ ನೀಡಲ್ಲ.

ಕುಣಿವ ಕನಸಿಗೆ ಬ್ರೇಕ್ ಹಾಕಿ, ಪುಣ್ಯವತಿಗೆ ಮದುವೆ ಎಂಬ ಬಂಧನದಲ್ಲಿ ಸಿಲುಕಿಸುತ್ತಿದ್ದಾರೆ. ಧಾರಾವಾಹಿ ಪ್ರೋಮೋ ಜನ ಇಷ್ಟ ಪಟ್ಟಿದ್ದಾರೆ. ಧಾರಾವಾಹಿ ನೋಡಲು ಕಾಯ್ತಾ ಇದ್ದಾರೆ.