Gruhapravesha Serial: ಕಲರ್ಸ್ ಕನ್ನಡದಲ್ಲಿ 'ಗೃಹಪ್ರವೇಶ', ಅಪ್ಪನನ್ನು ಹುಡುಕಿ ಹೊರಟ ಮಗಳ ಕತೆ!

ಕಲರ್ಸ್ ಕನ್ನಡ ಜನರಿಗೆ ಮನರಂಜನೆ ನೀಡುವಲ್ಲಿ ಸದಾ ಮುಂದಿರುತ್ತೆ. ವಾರದ ದಿನಗಳಲ್ಲಿ ಧಾರವಾಹಿ ಮೂಲಕ ಮನರಂಜನೆ ನೀಡಿದ್ರೆ, ವೀಕೆಂಡ್‍ನಲ್ಲಿ ರಿಯಾಲಿಟಿ ಶೋಗಳ ಮೂಲಕ ಜನರನ್ನು ಸೆಳೆಯುತ್ತೆ.

ಈಗಾಗಲೇ ಕಲರ್ಸ್ ಕನ್ನಡದಲ್ಲಿ ಒಲವಿನ ನಿಲ್ದಾಣ, ಕೆಂಡಸಂಪಿಗೆ, ಭಾಗ್ಯಲಕ್ಷ್ಮಿ, ಲಕ್ಷ್ಮಿ ಬಾರಮ್ಮ, ಗೀತಾ, ಅಂತರಪಟ ಲಕ್ಷಣ, ರಾಮಾಚಾರಿ, ತ್ರಿಪುರ ಸುಂದರಿ, ಪುಣ್ಯವತಿಯಂತಹ ಹಿಟ್ ಧಾರಾವಾಹಿಗಳು ಪ್ರಸಾರವಾಗ್ತಿವೆ.

ಜನರಿಗೆ ಮತ್ತಷ್ಟು ಮನರಂಜನೆ ನೀಡಲು ಕಳೆದ ವಾರವಷ್ಟೇ ಅಂತರಪಟ ಎನ್ನುವ ಹೊಸ ಧಾರಾವಾಹಿ ಶುರುವಾಗಿದೆ. ಇದು ಅಪ್ಪನ ಕನಸನ್ನು ಕಾಣುತ್ತಿರುವ ಹುಡುಗಿಯೊಬ್ಬಳ ಕತೆ.

ಕಲರ್ಸ್ ಕನ್ನಡದಲ್ಲಿ ಶೀಘ್ರದಲ್ಲೇ ಮತ್ತೊಂದು ಹೊಸ ಧಾರಾವಾಹಿ ಪ್ರಸಾರವಾಗಲಿದೆ. ಅಪ್ಪ ಬದುಕಿಲ್ಲವೆಂದೇ ನಂಬಿ ಬೆಳೆದ ಹುಡುಗಿಗೆ ಅವರು ಬದುಕಿರುವ ಸತ್ಯ ಗೊತ್ತಾಗಿದೆ. ಎಂದೂ ಕಾಣದ ಅಪ್ಪನನ್ನು ಮನೆಗೆ ಕರೆದುಕೊಂಡು ಬರಲು ಹೊರಟಿದ್ದಾಳೆ.

ಈ ಕತೆಯ ನಾಯಕಿ ಚಿಕ್ಕವಯಸ್ಸಿನಿಂದ ಅಪ್ಪನ ಕನಸು ಕಾಣ್ತಾ ಇರ್ತಾಳೆ. ಅಪ್ಪ ಇಲ್ಲ ಎಂದೇ ತಿಳಿದುಕೊಂಡಿರ್ತಾಳೆ. ಆ ಊರಿನ ಕೆಲ ಪುಂಡರು ನಾನೇ ಅಪ್ಪ ಆಗ್ಲಾ ಎಂದು ರೇಗಿಸುತ್ತಿದ್ದಾರೆ.

25 ವರ್ಷಗಳ ನಂತರ ಅಮ್ಮ ಮುಚ್ಚಿಟ್ಟ ಸತ್ಯ ಗೊತ್ತಾಗಿದೆ. ಇವರ ಅಪ್ಪ ಸತ್ತಿಲ್ಲ.ಇವರ ಅಮ್ಮನನ್ನು ಬಿಟ್ಟು ಹೋಗಿದ್ದಾನೆ ಎಂದು ಊರವರು ಹೇಳಿದ್ದಾರೆ.

ಅಪ್ಪನನ್ನು ಹುಡುಕಿಕೊಂಡು ಸಿಟಿಗೆ ಹೊರಟಿದ್ದಾಳೆ. ಅಪ್ಪನನ್ನು ಕರೆದುಕೊಂಡು ಬಂದೇ ಬರುತ್ತೇನೆ ಎಂದು ಹೇಳಿದ್ದಾಳೆ. ಅಮ್ಮನನ್ನು ಬಿಟ್ಟು ಹೊರಟು ಹೋಗ್ತಾ ಇದ್ದಾಳೆ.

ಅಲ್ಲದೇ ಕಲರ್ಸ್ ಕನ್ನಡದಲ್ಲಿ ಶೀಘ್ರದಲ್ಲೇ ಮತ್ತೊಂದು ಹೊಸ ಧಾರಾವಾಹಿ ಪ್ರಸಾರವಾಗಲಿದೆ. ಒಡಲಲ್ಲಿ ಕಂದ, ಕಣ್ಣಲ್ಲಿ ನಿರೀಕ್ಷೆ, ಮದುವೆಯ ಸರದಿಗಾಗಿ ಕಾದು ನಿಂತಿದ್ದಾಳೆ ಅಪ್ಪಟ ಅಪರಂಜಿ. ಬರ್ತಿದೆ ಹೊಸ ಕತೆ, ಗಂಡ ಹೆಂಡ್ತಿ.ಪ್ರೊಮೋ ನೋಡಿದ ಜನ, ಇನ್ನು ಎಷ್ಟು ಹೊಸ ಧಾರಾವಾಹಿಗಳು ಬರ್ತಾ ಇದೆ. ನಮ್ಮ ಮನೆಯಲ್ಲಿ ರಿಮೋಟ್ ಸಿಗ್ತಿಲ್ಲ ಎಂದು ತಮಾಷೆ ಮಾಡಿದ್ದಾರೆ. ಅಲ್ಲದೇ ಮತ್ಯಾವ ಸೀರಿಯಲ್ ಮುಗಿಯುತ್ತಿದೆ ಎಂದು ಗೊತ್ತಾಗಿಲ್ಲ