Actor Karthik Mahesh: 'ಅಂತರಪಟ'ದ ಪಾಪದ ಪ್ರೇಮಿ ರವಿ ಯಾರು ಗೊತ್ತಾ? ಇವರೇ ನಾಯಕರಾಗಲಿ ಅಂತಿದ್ದಾರೆ ಫ್ಯಾನ್ಸ್!

ಕಲರ್ಸ್ ಕನ್ನಡದಲ್ಲಿ ರಾತ್ರಿ 8.30ಕ್ಕೆ ಹೊಸ ಧಾರಾವಾಹಿ ಅಂತರಪಟ ಪ್ರಸಾರವಾಗ್ತಿದೆ. ಅಪ್ಪ ಕನಸು ನನಸು ಮಾಡಲು ಹೊರಟ ಆರಾಧನಾಳ ಕತೆಯಿದು. ಜನರಿಗೆ ಧಾರಾವಾಹಿ ಇಷ್ಟ ಆಗಿದೆ.

ಧಾರಾವಾಹಿಯಲ್ಲಿ ರವಿ ಪಾತ್ರ ಸಹ ಜನರನ್ನು ಹಿಡಿದಿಟ್ಟಿಕೊಂಡಿದೆ. ರವಿ ಆರಾಧನಾಳನ್ನು ಪ್ರೀತಿ ಮಾಡ್ತಿರೋ ಹುಡುಗ. ಆದ್ರೆ ಆರಾಧನಾ ಅದಕ್ಕೆ ಒಪ್ಪಿಲ್ಲ. ಆರಾಧನಾಗಾಗಿ ಏನು ಬೇಕಾದ್ರೂ ಮಾಡ್ತಾನೆ ಈ ರವಿ.

ರವಿ ಅವರು ನಿಜವಾದ ಹೆಸರು ಕಾರ್ತಿಕ್ ಮಹೇಶ್. ಇವರು ಹಲವು ಧಾರಾವಾಹಿ, ಕೆಲ ಸಿನಿಮಾಗಳಲ್ಲೂ ನಟಿಸಿದ್ದಾರೆ. ತಮ್ಮ ಅದ್ಭುತ ನಟನೆ ಮೂಲಕ ಜನರಿಗೆ ಹತ್ತಿರವಾಗಿದ್ದಾರೆ.

ಸುನಿಲ್ ಪುರಾಣಿಕ್ ಪುತ್ರ ಸಾಗರ್ ಪುರಾಣಿಕ್ ನಿರ್ದೇಶನದ ಡೊಳ್ಳು ಚಿತ್ರದಲ್ಲಿ ಕಾರ್ತಿಕ್ ಮಹೇಶ್ ನಾಯಕರಾಗಿ ಅಭಿನಯಿಸಿದ್ದಾರೆ. ಅಭಿನಯಿಸಿದ ಮೊದಲ ಚಿತ್ರಕ್ಕೆ ರಾಷ್ಟ್ರ ಪ್ರಶಸ್ತಿ ದೊರೆತಿತ್ತು. ಇವರು ಡೊಳ್ಳು ಚಿತ್ರಕ್ಕಾಗಿ ಸ್ವತಃ ತಾವೇ ಡೊಳ್ಳು ಬಡಿಯೋದನ್ನು ಸಹ ಕರಗತ ಮಾಡಿಕೊಂಡಿದ್ದರು.

ಕಾರ್ತಿಕ್ ಮೈಸೂರಿನವರು. ಮಹಾರಾಜ ಕಾಲೇಜಿನಲ್ಲಿ ಬಿಎಸ್‍ಸಿ ಮಾಡಿದ್ದಾರೆ, ನಟನಾಗುವ ಕನಸು ಹೊತ್ತು ಇವರು ಬೆಂಗಳೂರಿಗೆ ಬಂದು, ಸೀರಿಯಲ್ ಗಳಿಗೆ ಹಲವಾರು ಆಡಿಶನ್ ಕೊಟ್ಟರು. ಖುಷಿ ಸೀರಿಯಲ್ ಮೂಲಕ ಇವರು ನಟನೆಗೆ ಎಂಟ್ರಿ ಕೊಟ್ಟರು.

ಕಾರ್ತಿಕ್ ಅವರು ಮಾಡೆಲಿಂಗ್ ಮೂಲಕ ವೃತ್ತಿ ಜೀವನ ಆರಂಭಿಸಿದ್ದಾರೆ. ಇವರಿಗೆ ಬಾಲ್ಯದಿಂದಲೂ ನಟನೆ ಮಾಡುವ ಕನಸು ಇತ್ತಂತೆ. ಅಂತೆಯೇ ನಟಿಸಲು ಅವಕಾಶ ಸಿಕ್ಕಿದೆ.

ಕಾರ್ತಿಕ್ ಅವರು ಅಕ್ಕ, ಮಹಾಕಾಳಿ, ಇಂತಿ ನಿಮ್ಮ ಆಶಾ, ದೇವಯಾನಿ, ಪುಟ್ಟಕ್ಕನ ಮಕ್ಕಳು ಸೀರಿಯಲ್ ನಲ್ಲಿ ನಟಿಸಿದ್ದಾರೆ. ಎಲ್ಲಾ ಧಾರಾವಾಹಿಗಳಲ್ಲೂ ಮೆಚ್ಚುಗೆ ಗಳಿಸಿದ್ದಾರೆ.

ಅಂತರಪಟದಲ್ಲಿ ಹೀರೋ ಆಗಿ ನೇಹಾ ಗೌಡ ಪತಿ ಚಂದನ್ ಅಭಿನಯಿಸುತ್ತಿದ್ದಾರೆ. ಅದಕ್ಕೆ ಅಭಿಮಾನಿಗಳು ರವಿ ಅವರನ್ನೇ ಹೀರೋ ಆಗಿ ಮಾಡಬಹುದಿತ್ತು. ರವಿ ಮತ್ತು ಆರಾಧನಾಳನ್ನು ದೂರ ಮಾಡ್ಬೇಡಿ ಅಂತಿದ್ದಾರೆ.