Antarapata Serial: 'ಅಂತರಪಟ'ದಲ್ಲಿ ಮಹೇಶ್ ಪಾತ್ರ ಸೂಪರ್, ಮಂಜು ಪಾವಗಡ ಅಭಿನಯಕ್ಕೆ ಮೆಚ್ಚುಗೆ!

ಮಜಾ ಭಾರತದ ಮೂಲಕ ಮಂಜು ಪಾವಗಡ ಅವರು ಖ್ಯಾತಿ ಹೊಂದಿದ್ದಾರೆ. ಅವರು ಮಾಡುವ ಕಾಮಿಡಿ, ಡೈಲಾಗ್ ಜನರನ್ನು ಸೆಳೆದಿತ್ತು. ಮಜಾ ಭಾರತದಲ್ಲಿ ಅತ್ಯುತ್ತಮವಾಗಿ ನಟಿಸಿದ್ದಕ್ಕೆ, ಬಿಗ್ ಬಾಸ್ ಸೀಸನ್ 08 ಕ್ಕೂ ಆಯ್ಕೆ ಆಗಿದ್ದರು

ಬಿಗ್ ಬಾಸ್ ಸೀಸನ್ 8 ರಲ್ಲಿ ಚೆನ್ನಾಗಿ ಆಡಿ, ಎಲ್ಲರಿಗೂ ಸ್ಪರ್ಧೆ ನೀಡಿ ವಿನ್ನರ್ ಆದರು. ಅಲ್ಲಿಂದ ಬಂದ ಮೇಲೆ ಮಂಜು ಪಾವಗಡ ಅವರಿಗೆ ಹೆಚ್ಚು ಹೆಚ್ಚು ಆಫರ್ ಗಳು ಬರುತ್ತಿವೆ. ಬಿಗ್ ಬಾಸ್ ನಿಂದ ಬಂದ ಮೇಲೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಗಿಚ್ಚಿ ಗಿಲಿಗಿಲಿ ಶೋ ಆರಂಭದಲ್ಲಿ ನಿರೂಪಕರಾಗಿದ್ದರು. ಆದ್ರೆ ಯಾಕೋ ಆ ಶೋನಿಂದ ಆಚೆ ಬಂದಿದ್ದರು.

ಬಿಗ್ ಬಾಸ್ ಸೀಸನ್ 8 ರ ವಿನ್ನರ್ ಮಂಜು ಪಾವಗಡ ಅವರು ಕಿರುತೆರೆಯಲ್ಲಿ ಮಿಂಚುತ್ತಿದ್ದಾರೆ. ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಅಂತರಪಟದಲ್ಲಿ ನಟಿಸಿದ್ದಾರೆ. ಇದು ಅಪ್ಪನ ಕನಸನ್ನು ಕಾಣುತ್ತಿರುವ ಹುಡುಗಿಯೊಬ್ಬಳ ಕತೆ. ಅಪ್ಪನ ಪ್ರೀತಿ ಕಾಣಲು ಬಯಸಿದ ಮಗಳೇ, ಅಪ್ಪನ ಸಾಲ ತೀರಿಸೋ ಪರಿಸ್ಥಿತಿ ಬರುತ್ತೆ.

ಕುಡುಕ ಅಪ್ಪನ ಪಾತ್ರದಲ್ಲಿ ಮಂಜು ಪಾವಗಡ ಅವರು ಅಭಿನಯಿಸುತ್ತಿದ್ದಾರೆ. ಮಂಜು ಅವರು ತಮ್ಮ ಸ್ವಂತ ಮಗಳನ್ನು ಪ್ರೀತಿ ಮಾಡ್ತಾ ಇದ್ದಾರೆ. ಆದ್ರೆ ಅವನ ಹೆಂಡ್ತಿಯ ಮೊದಲ ಮಗಳಿಗೆ ಮಾತ್ರ ಪ್ರೀತಿ ತೋರಲ್ಲ.

ಈ ಧಾರಾವಾಹಿ ನಟಿ ಆರಾಧನಾ ಅವರ ಅಮ್ಮನ ಗಂಡ ಮಹೇಶನನ್ನು ಅಪ್ಪ ಎಂದು ಒಪ್ಪಿಕೊಂಡಿಲ್ಲ. ಹೆಸರಿಗೆ ಮಾತ್ರ ಅಪ್ಪ, ನೀವು ನಮಗಾಗಿ ಏನು ಮಾಡಿಲ್ಲ. ನನ್ನ ಪಾಡಿಗೆ ನನ್ನ ಬಿಟ್ಟು ಬಿಡಿ ಎಂದು ಆರಾಧನಾ ಹೇಳ್ತಾ ಇದ್ದಾಳೆ.

ಆದ್ರೆ ಮಹೇಶ ಮಾತ್ರ, ನೀನು ನನ್ನನ್ನು ಅಪ್ಪ ಎಂದು ಒಪ್ಪಿಕೊಳ್ಳಲೇ ಬೇಕು. ನನ್ನ ಕಾಲಿಗೆ ಬಿದ್ದು ನಮಸ್ಕಾರ ಮಾಡು ಎಂದು ಒತ್ತಡ ಹಾಕುತ್ತಿದ್ದಾನೆ. ಆದ್ರೆ ಆರಾಧನ ಒಪ್ಪುತ್ತಿಲ್ಲ.

ಮಹೇಶ ನಾನು ಈ ಮನೆಯಲ್ಲಿ ಇದ್ದು ಸತ್ತ ರೀತಿ. ನನಗೆ ನಾನೇ ಎಳ್ಳು, ನೀರು ಬಿಟ್ಕೋತೀನಿ ಎಂದು ಹೊರಗೆ ಬಂದು ಕೂತಿದ್ದಾನೆ. ಸುತ್ತಮುತ್ತಲಿನ ಜನ ಬುದ್ಧಿ ಹೇಳಿದ್ರೂ ಕೇಳ್ತಾ ಇಲ್ಲ.

ಮಹೇಶ ಎಷ್ಟೇ ಡ್ರಾಮಾ ಮಾಡಿದ್ರೂ ಅವನಿಗೆ ಆರಾಧನ ಕರಗಲ್ಲ. ನೀವು ನಮ್ಮ ಅಮ್ಮನ ಗಂಡ ಅಷ್ಟೆ. ನನಗೆ ಅಪ್ಪ ಅಲ್ಲ ಎಂತಿದ್ದಾಳೆ. ಮಹೇಶನ ಪಾತ್ರವನ್ನು ಮಂಜು ಅವರು ಚೆನ್ನಾಗಿ ನಟಿಸಿದ್ದಾರೆ. ನಟನೆ ಅದ್ಭುತವಾಗಿದೆ. ಸೂಪರ್ ಎಂದು ಅಭಿಮಾನಿಗಳು ಹೇಳ್ತಾ ಇದ್ದಾರೆ.