Antarapata Serial: ಅಂತರಪಟ ಧಾರಾವಾಹಿ ನಾಯಕಿ ಯಾರು? ಆರಾಧನಾ ಆಗಿ ಬರ್ತಿದ್ದಾರೆ ಈ ನಟಿ

ಕಲಸ್ ಕನ್ನಡ ಜನರಿಗೆ ಮನರಂಜನೆ ನೀಡುವಲ್ಲಿ ಸದಾ ಮುಂದಿರುರುತ್ತೆ. ವಾರದ ದಿನಗಳಲ್ಲಿ ಧಾರವಾಹಿ ಮೂಲಕ ಮನರಂಜನೆ ನೀಡಿದ್ರೆ, ವೀಕೆಂಡ್‍ನಲ್ಲಿ ರಿಯಾಲಿಟಿ ಶೋಗಳ ಮೂಲಕ ಜನರನ್ನು ಸೆಳೆಯುತ್ತೆ. ಒಲವಿನಿ ನಿಲ್ದಾಣ, ಕೆಂಡಸಂಪಿಗೆ, ಭಾಗ್ಯಲಕ್ಷ್ಮಿ, ಲಕ್ಷ್ಮಿ ಬಾರಮ್ಮ, ಗೀತಾ, ಲಕ್ಷಣ, ರಾಮಾಚಾರಿ, ತ್ರಿಪುರ ಸುಂದರಿ, ಪುಣ್ಯವತಿಯಂತಹ ಹಿಟ್ ಧಾರಾವಾಹಿಗಳು ಪ್ರಸಾರವಾಗ್ತಿವೆ.

ಈಗ ಜನರಿಗೆ ಮತ್ತಷ್ಟು ಮನರಂಜನೆ ನೀಡಲು ಅಂತರಪಟ ಎನ್ನುವ ಹೊಸ ಧಾರಾವಾಹಿ ಪ್ರಸಾರವಾಗಲಿದೆ. ಇದು ಅಪ್ಪನ ಕನಸನ್ನು ಕಾಣುತ್ತಿರುವ ಹುಡುಗಿಯೊಬ್ಬಳ ಕತೆ.

ಅಪ್ಪನ ಪ್ರೀತಿ ಕಾಣ ಬಯಸಿದ ಮಗಳೇ, ಅಪ್ಪನ ಸಾಲ ತೀರಿಸೋ ಪರಿಸ್ಥಿತಿ ಬರುತ್ತೆ. ಅಪ್ಪ ಕುಡಿದು, ಕುಡಿದು ಹೆಚ್ಚು ಸಾಲ ಮಾಡಿರುತ್ತಾನೆ. ಮನೆ ಬಳಿಯೇ ಸಾಲಗಾರರು ಬರುತ್ತಿದ್ದಾರೆ.

ನಾಯಕಿ ಆರಾಧನಾ. ಆರಾಧನಾ ಪಾತ್ರ ಮಾಡುತ್ತಿರುವವರ ಹೆಸರು ತನ್ವಿಯಾ ಬಾಲರಾಜ್. ಇವರು ಕಿರುತೆರೆಗೆ ಹೊಸಬರು. ಮೊದಲ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ.

ತನ್ವಿಯಾ ಅವರು ಮೂಲತಃ ಮಂಡ್ಯದ ಹುಡುಗಿ. ಇವರಿಗೆ ಬಾಲ್ಯದಿಂದಲೂ ನಟಿಯಾಗಬೇಕೆಂಬ ಆಸೆಯಂತೆ, ಆ ಆಸೆ ಇದೀಗ ಅಂತರಪಟ ಮೂಲಕ ನೆರವೇರಿದೆ.

ತನ್ವಿಯಾ ಬಾಲರಾಜ್ ಅವರು ಡ್ಯಾನ್ಸರ್ ಸಹ ಹೌದು. ತನ್ವಿಯಾ ಇನ್‍ಸ್ಟಾಗ್ರಾಂನಲ್ಲಿ ಸಾಕಷ್ಟು ರೀಲ್ಸ್ ಮಾಡುವ ಮೂಲಕ ಈಗಾಗಲೇ ಅಭಿಮಾನಿಗಳನ್ನು ಗಳಿಸಿದ್ದಾರೆ. ಈಗ ಧಾರಾವಾಹಿಯಲ್ಲೂ ಖ್ಯಾತಿ ಪಡೆಯುತ್ತಾರಾ ನೋಡಬೇಕು.

ಸಾಗೋ ದಾರಿಯಲ್ಲಿ ನಿಲ್ಲೋದಕ್ಕೆ ಸಾವಿರ ಕಾರಣ ಸಿಗ್ತಾವೆ. ಅದೆಲ್ಲಾ ದಾಟಿ ಮುಂದೆ ಹೋಗೋದಕ್ಕೆ ಒಂದು ಕನಸು ಸಾಕು ಎಂದು ಆರಾಧನಾ ನಿಮ್ಮ ಮನೆಗೆ ಬರ್ತಿದ್ದಾಳೆ.

ದೇವರ ಬಳಿ ಇರೋ ಅಪ್ಪನ ಕನಸು ನನಸು ಮಾಡಲು ಆರಾಧನಾ ಪ್ರಯತ್ನ ಪಡ್ತಾ ಇದ್ದಾಳೆ. ಅದಕ್ಕಾಗಿ ಯಶಸ್ಸಿನ ಹಾದಿಯಲ್ಲಿ ನಡೆಯುತ್ತಿದ್ದಾಳೆ.ಆರಾಧನಾ ತಾನು ಮಾತ್ರ ಬೆಳೆಯಲ್ವಂತೆ. ತನ್ನ ಸ್ವಂತ ಕಂಪನಿ ಕಟ್ಟಿ ನೂರಾರು ಮನೆಗೆ ಬೆಳಕಾಗುತ್ತಾಳಂತೆ. ಆದ್ರೆ ಯಾವ ಧಾರಾವಾಹಿ ಮುಗಿಯುತ್ತೆ ಅಂತ ಗೊತ್ತಿಲ್ಲ.