Saviruchi Program: ಕಲರ್ಸ್ ಕನ್ನಡದಲ್ಲಿ ಸವಿರುಚಿ ಕಾರ್ಯಕ್ರಮ, ಮುರುಳಿ ಜೊತೆ ಅಡುಗೆ ಘಮ!

ಕಲರ್ಸ್ ಕನ್ನಡ ಜನರಿಗೆ ಮನರಂಜನೆ ನೀಡು ಹೊಸ ಹೊಸ ಪ್ರಯೋಗಗಳನ್ನು ಮಾಡುತ್ತಾ ಇರುತ್ತೆ. ವಾರದ ದಿನಗಳಲ್ಲಿ ಧಾರಾವಾಹಿ ಮೂಲಕ ಮನರಂಜಿಸಿದ್ರೆ, ವಾರಾಂತ್ಯದಲ್ಲಿ ರಿಯಾಲಿಟಿ ಶೋ ಗಳ ಮೂಲಕ ಅಭಿಮಾನಿಗಳನ್ನು ಸೆಳೆಯುತ್ತೆ.

ಕಲರ್ಸ್ ಕನ್ನಡದಲ್ಲಿ ಒಲವಿನಿ ನಿಲ್ದಾಣ, ಕೆಂಡಸಂಪಿಗೆ, ಭಾಗ್ಯಲಕ್ಷ್ಮಿ, ಲಕ್ಷ್ಮಿ ಬಾರಮ್ಮ, ಗೀತಾ, ಅಂತರಪಟ ಲಕ್ಷಣ, ರಾಮಾಚಾರಿ, ತ್ರಿಪುರ ಸುಂದರಿ, ಪುಣ್ಯವತಿಯಂತಹ ಹಿಟ್ ಧಾರಾವಾಹಿಗಳು ಪ್ರಸಾರವಾಗ್ತಿವೆ.

ಈಗ ಮಹಿಳೆಯರ ಮನ ಗೆಲ್ಲಲು ಅಡುಗೆ ಕಾರ್ಯಕ್ರಮ ಶುರು ಮಾಡಲಾಗುತ್ತಿದೆ. ಸೋಮವಾರದಿಂದ ಶನಿವಾರರದವರೆಗೆ ಮಧ್ಯಾಹ್ನ 12 ಗಂಟೆಗೆ ಸವಿರುಚಿ ಸೀಸನ್ 2 ಕಾರ್ಯಕ್ರಮ ಶುರುವಾಗಲಿದೆ.

ಸವಿರುಚಿ ಕಾರ್ಯಕ್ರಮವನ್ನು ಮುರುಳಿ ಅವರು ನಡೆಸಿಕೊಡಲಿದ್ದಾರೆ. ಈಗಾಗಲೇ ಎಲ್ಲಾ ತಯಾರಿ ನಡೆದಿದ್ದು, ಈ ಬಾರಿ ಇನ್ನಷ್ಟು ಹೊಸತನದಿಂದ ಕಾರ್ಯಕ್ರಮ ನಡೆಸಲು ಸಜ್ಜಾಗಿದ್ದಾರೆ.

ಸವಿರುಚಿ ಸೀಸನ್ 1 ನ್ನು ಸಹ ಮುರುಳಿ ಅವರೇ ನಡೆಸಿಕೊಟ್ಟಿದ್ದರು. ಕಾರ್ಯಕ್ರಮಕ್ಕೆ ವಿವಿಧ ಕಲಾವಿದರನ್ನು ಕರೆಸುತ್ತಿದ್ದರು. ಅವರು ತಮಗೆ ಗೊತ್ತಿರುವ ರುಚಿಯಾದ ಅಡುಗೆ ಮಾಡ್ತಾ ಇದ್ದರು.

ಈ ಬಾರಿಯೂ ಸವಿರುಚಿ ಕಾರ್ಯಕ್ರಮಕ್ಕೆ ಅತಿಥಿಗಳು ಬರ್ತಾರಾ ನೋಡಬೇಕು. ಕಳೆದ ಬಾರಿಯಂತೆ ಇರುತ್ತಾ? ಅಥವಾ ಏನಾದ್ರೂ ಬದಲಾವಣೆ ಮಾಡಿದ್ದಾರಾ ಗೊತ್ತಿಲ್ಲ.

ಸ್ಟಾರ್ ಸುವರ್ಣದಲ್ಲಿ ಬೊಂಬಾಟ್ ಭೋಜನ ಕಾರ್ಯಕ್ರಮ ಪ್ರಸಾರವಾಗ್ತಿದೆ. ಸಿಹಿ ಕಹಿ ಚಂದ್ರ ಅವರು ಕಾರ್ಯಕ್ರಮ ನಡೆಸಿಕೊಡ್ತಾ ಇದ್ದಾಋಎ. ಅದು ಚೆನ್ನಾಗಿ ರನ್ ಆಗ್ತಿದ್ದು, ಅದಕ್ಕೆ ಸ್ಪರ್ಧೆ ನೀಡಲು ಸವಿರುಚಿ ಕಾರ್ಯಕ್ರಮ ಶುರುಮಾಡಲಾಗ್ತಿದೆ.

ಸವಿರುಚಿ ಸೀಸನ್ 2 ಕಾರ್ಯಕ್ರಮ ಅಭಿಮಾನಿಗಳನ್ನು ಎಳೆಯುವಲ್ಲಿ ಯಶಸ್ವಿಯಾಗುತ್ತಾ ನೋಡಬೇಕು. ಈ ಕಾರ್ಯಕ್ರಮ ಮತ್ತೆ ಪ್ರಸಾರವಾಗ್ತಿರುವುದಕ್ಕೆ ಮಹಿಳಾ ಫ್ಯಾನ್ಸ್ ಖುಷಿಯಾಗಿದ್ದಾರೆ.