Actress Bhavya: ಅಮ್ಮನ ತ್ಯಾಗ ನೆನೆದು ಕಣ್ಣೀರಿಟ್ಟ ಭವ್ಯ, 'ಗೀತಾ' ನಟಿಯ ಭಾವುಕ ಕ್ಷಣ!

ಕಲರ್ಸ್ ಕನ್ನಡದಲ್ಲಿ ನನ್ನಮ್ಮ ಸೂಪರ್ ಸ್ಟಾರ್ ಸೀಸನ್ 2 ಗ್ರ್ಯಾಂಡ್ ಫಿನಾಲೆ ನಡೆಯುತ್ತಿದೆ. ಫಿನಾಲೆಗೆ ಗೀತಾ ಸೀರಿಯಲ್‍ನ ನಟಿ ಮತ್ತು ಅವರ ನಿಜವಾದ ತಾಯಿ ಕಾರ್ಯಕ್ರಮಕ್ಕೆ ಬಂದಿದ್ದಾರೆ.

ಗೀತಾ ಧಾರಾವಾಯಿಯ ನಾಯಕಿಯ ನಿಜವಾದ ಹೆಸರು ಭವ್ಯ. ಭವ್ಯ ಅವರು ತಾಯಿ ಮಂಜುಳ ಜೊತೆ ಕಾರ್ಯಕ್ರಮಕ್ಕೆ ಬಂದಿದ್ದಾರೆ. ಕಾರ್ಯಕ್ರಮದಲ್ಲಿ ತಮ್ಮ ತಾಯಿಯ ತ್ಯಾಗ ನೆನೆದಿದ್ದಾರೆ.

ನಿರೂಪಕ ನಿರಂಜನ್ ನಿಮ್ಮ ಮಗಳನ್ನು ಮದುವೆ ಆಗೋ ಹೇಗೆ ಇರಬೇಕು ಎಂದು ಕೇಳ್ತಾರೆ. ಅದಕ್ಕೆ ಮಂಜುಳ ಅವರು ನಮ್ಮ ಮಗಳನ್ನು ಚೆನ್ನಾಗಿ ನೋಡಿಕೊಂಡ್ರೆ ಸಾಕು. ಅವಳು ಇಷ್ಟ ಪಡೋ ಹುಡಗನ್ನೇ ಮದುವೆ ಮಾಡ್ತೇವೆ ಎಂದಿದ್ದಾರೆ.

ನಮ್ಮ ಎಲ್ಲವನ್ನೂ ತ್ಯಾಗ ಮಾಡುತ್ತಾ ಬಂದಿದ್ದಾರೆ. ನಾವು ಚಿಕ್ಕವಯಸ್ಸಿನಿಂದ ಕಷ್ಟಗಳನ್ನು ನೋಡುತ್ತಾ ಬಂದ್ವಿ. ನಾವು 4 ಜನ ಹೆಣ್ಣುಮಕ್ಕಳು, ನಮ್ಮ ಅಮ್ಮ-ಅಪ್ಪ ತುಂಬಾ ಅವಮಾನಗಳನ್ನು ಎದುರಿಸಿದ್ದಾರೆ.

ನಿಮ್ಮ ಹೆಣ್ಣು ಮಕ್ಕಳು ನಿಮ್ಮನ್ನು ಬೀದಿಗೆ ತರ್ತಾರೆ ಎಂದು ಜನ ಮಾತನಾಡಿಕೊಳ್ತಾ ಇದ್ರಂತೆ. ಅದನ್ನೆಲ್ಲಾ ಮುಚ್ಚಿಟ್ಟು, ಕಷ್ಟ ಪಟ್ಟು, ಇಷ್ಟ ಪಟ್ಟು ನಮ್ಮನ್ನು ಸಾಕಿದ್ದಾರೆ ಎಂದು ಭವ್ಯ ಹೇಳಿದ್ದಾರೆ.

ಅಮ್ಮನಿಗೆ ನಾನು ಸ್ಕ್ರೀನ್ ಮೇಲೆ ಕಾಣಿಸಬೇಕು ಎಂಬ ಆಸೆ ಇತ್ತು. ಅವರ ಆಶೀರ್ವಾದ ನನಗೆ ಸೀರಿಯಲ್ ನಲ್ಲಿ ಚಾನ್ಸ್ ಸಿಕ್ತು. ನಟನೆಗೆ ಬಂದ ಮೇಲೂ ಹಲವು ಕಷ್ಟಗಳನ್ನು ಎದುರಿಸಬೇಕಾಯ್ತು ಎಂದು ನಟಿ ಹೇಳಿಕೊಂಡಿದ್ದಾರೆ.

ಟ್ರೋಲ್‍ಗಳಿಂದ ಕಂಗೆಟ್ಟಾಗ ಅಮ್ಮ ಧೈರ್ಯ ತುಂಬಿದ್ರೂ, ನಿನಗೆ ನೀನು ಏನು ಅಂತ ಗೊತ್ತು ತಾನೇ, ಬೇರೆ ಯಾವುದಕ್ಕೂ ತಲೆ ಕೆಡೆಸಿಕೊಳ್ಳಬೇಡ ಎಂದು ಎಂದು ಭವ್ಯ ಹೇಳಿದ್ದಾರೆ.

ಗೀತಾ ತನ್ನ ಅಮ್ಮನ ಮೇಲೆ ಕೋಪ ಮಾಡಿಕೊಳ್ಳುವುದಕ್ಕೆ ಕ್ಷಮೆ ಕೇಳಿ, ನನಗೆ ನನ್ನ ಅಮ್ಮ ಸೂಪರ್ ಸ್ಟಾರ್ ಎಂದು ಕಣ್ಣೀರಿಟ್ಟರು.