Sameer Acharya: ನಮ್ಮಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮದಲ್ಲಿ ಸಮೀರಾಚಾರ್ಯ-ಶ್ರಾವಣಿ ದಂಪತಿ, ಮಗುವಿಗೆ ನಾಮಕರಣ!

ರಾಜಾ ರಾಣಿ ಮೊದಲ ಸೀಸನ್ ಗೆ ಸ್ಪರ್ಧಿಗಳಾಗಿ ಸಮೀರಾಚಾರ್ಯ ಮತ್ತು ಶ್ರಾವಣಿ ದಂಪತಿ ಬಂದಿದ್ದರು. ಕಾರ್ಯಕ್ರಮದಲ್ಲಿ ಮನಸ್ಸಿನ ಮಾತು ಹೇಳಿಕೊಳ್ಳುವ ಟಾಸ್ಕ್ ನಲ್ಲಿ ಶ್ರಾವಣಿ ತನಗೆ ಒಂದು ಮಗು ಬೇಕು ಎಂದು ಸಮೀರ್ ಆಚಾರ್ಯರ ಬಳಿ ಹೇಳಿದ್ದರು.

ರಾಜಾ ರಾಣಿ ರಿಯಾಲಿಟಿ ಶೋ ಕಾರ್ಯಕ್ರಮಕ್ಕೂ ಮುನ್ನ ಶ್ರಾವಣಿಯವರಿಗೆ ಒಮ್ಮೆ ಮಿಸ್ ಕ್ಯಾರೇಜ್ ಆಗಿತ್ತು. ಅದಾದ ಮೇಲೆ ಯಾಕೋ ಮಕ್ಕಳಾಗಿರಲಿಲ್ಲ ಎಂದು ಶ್ರಾವಣಿ ಹೇಳಿದ್ದರು.

ಬಹಳ ದಿನಗಳ ನಂತರ ಸಮೀರಾಚಾರ್ಯ ಮತ್ತು ಶ್ರಾವಣಿ ದಂಪತಿಗೆ ಹೆಣ್ಣು ಮಗು ಹುಟ್ಟಿದ್ದು, ಮನೆಯವರೆಲ್ಲಾ ತುಂಬಾ ಖಷಿಯಾಗಿದ್ದಾರೆ. ಅಭಿಮಾನಿಗಳು ಒಳ್ಳೆಯದಾಗಲಿ ಎಂದು ವಿಶ್ ಮಾಡಿದ್ದರು.

ಈ ಜೋಡಿ ಈಗ ಮತ್ತೆ ಮುದ್ದಾದ ಹೆಣ್ಣು ಮಗುವಿನೊಂದಿಗೆ ನಮ್ಮಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮಕ್ಕೆ ಬಂದಿದ್ದಾರೆ. ಮಗು ತುಂಬಾ ಮುದ್ದಾಗಿದೆ.

9 ತಿಂಗಳು ಶ್ರಾವಣಿಯನ್ನು ಸಮೀರ್ ಅವರು ತವರು ಮನೆಗೆ ಕಳಿಸಿಲ್ಲವಂತೆ. ಅವರ ಮನೆಯಲ್ಲೇ ಇಟ್ಟುಕೊಂಡು ಎಲ್ಲಾ ಭಾವನೆಗಳನ್ನು ಶೇರ್ ಮಾಡಿಕೊಂಡಿದ್ದರಂತೆ.

ರಾಜಾ ರಾಣಿ ಕಾರ್ಯಕ್ರಮದ ಎಲ್ಲಾ ಜಡ್ಜ್, ಕನ್ನಡಿಗರು ಆಶೀರ್ವಾದ ಮಾಡಿದ್ರು. ಅದಕ್ಕೆ ನನ್ನ ಮಗಳು ಬಂದಳು ಎಂದು ಸಮೀರ್ ಅವರು ಭಾವುಕರಾದ್ರು.

ಕಾರ್ಯಕ್ರಮಕ್ಕೆ ಬಂದ ಪುಟ್ಟ ಲಕ್ಷ್ಮಿಗೆ ನಟಿ ತಾರಾ ಅನುರಾಧ ಮತ್ತು ಅನು ಪ್ರಭಾಕರ್ ಅವರು ಆರತಿ ಮಾಡಿ ಸ್ವಾಗತಿಸಿದ್ರು. ಒಳ್ಳೆಯದಾಗಲಿ ಅಂತ ವಿಶ್ ಮಾಡಿದ್ರು.

ಮಗುವಿಗೆ ನಮ್ಮಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮದಲ್ಲಿ ನಾಮಕರಣ ಮಾಡಲಾಯ್ತು. ಸೃಜನ್ ಲೋಕೇಶ್ ಮಗುವಿನ ಕಿವಿಯಲ್ಲಿ ಸರ್ವಾತಾ, ಸರ್ವಾತಾ, ಸರ್ವಾತಾ ಎಂದು ಹೆಸರಿಟ್ಟರು.