Yashwanth Gowda: 22 ತೆಲುಗು ಆಫರ್ ರಿಜೆಕ್ಟ್ ಮಾಡಿದ್ದ 'ಕನ್ಯಾಕುಮಾರಿ'ಯ ಚರಣ್! ಕಾರಣ ಗೊತ್ತಾ?

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಕನ್ಯಾಕುಮಾರಿ ಧಾರಾವಾಹಿಯ ನಟ ಚರಣ್ ಅಂದ್ರೆ ಯಶವಂತ್ ಗೌಡ ಈಗ ತೆಲುಗಿನಲ್ಲಿ ನಟಿಸುತ್ತಿದ್ದಾರೆ. ಕನ್ನಡದಲ್ಲಿ ಧಾರಾವಾಹಿ ಮುಗಿದ ಕಾರಣ ತೆಲುಗಿನತ್ತ ಮುಖ ಮಾಡಿದ್ದಾರೆ.

ಕನ್ಯಾಕುಮಾರಿಯಲ್ಲಿ ಕನ್ನಿಕಾಳ ಪ್ರೀತಿಯ ಗಂಡನಾಗಿ, ಬಡವರ ಮನೆಯಲ್ಲಿದ್ರೂ ಸ್ವಾಭಿಮಾನ ಬಿಡದ ಹುಡುಗನಾಡಿದ್ದ, ಅದಕ್ಕೆ ಕನ್ನಡಿಗರ ಮನಸ್ಸು ಕದ್ದಿದ್ದ. ಯಶವಂತ್ ಮುಗ್ಧ ಅಭಿನಯ ಎಲ್ಲರಿಗೂ ಇಷ್ಟವಾಗಿತ್ತು.

ಕನ್ಯಾಕುಮಾರಿ ಧಾರಾವಾಹಿ ಯಶವಂತ್ ಗೌಡಗೆ ದೊಡ್ಡ ಮಟ್ಟದ ಯಶಸ್ಸು ತಂದು ಕೊಟ್ಟಿತ್ತು. ಇದರಿಂದ ಬೇರೆ ಬೇರೆ ಭಾಷೆಯಲ್ಲಿ ನಟಿಸಲು ಅವಕಾಶ ಸಿಕ್ಕಿದೆ.

ಬಿಗ್ ಬಾಸ್ ಸೀಸನ್ 09ನ್ನು ಪ್ರಸಾರ ಮಾಡಲು, ಕಲರ್ಸ್ ಕನ್ನಡದ ಕೆಲವು ಧಾರಾವಾಹಿಗಳು ತಮ್ಮ ಪ್ರಯಾಣ ಮುಗಿಸಿದ್ವು. ಅದರಲ್ಲಿ ಕನ್ಯಾಕುಮಾರಿ ಧಾರಾವಾಹಿ ಸಹ ಒಂದು

ಯಶವಂತ್ ಗೌಡ ತೆಲುಗಿನ ಅಮ್ಮಾಯಿಗಾರು ಅನ್ನೋ ಧಾರಾವಾಹಿಯಲ್ಲಿ ನಾಯಕನಾಗಿ ನಟಿಸುತ್ತಿದ್ದಾರೆ. ನಾಯಕಿಯಾಗಿ ಗಟ್ಟಿಮೇಳ ಧಾರಾವಾಹಿಯ ಅಮೂಲ್ಯ ಪಾತ್ರಧಾರಿ ನಿಶಾ ರವಿಕೃಷ್ಣನ್ ಅಭಿನಯಿಸುತ್ತಿದ್ದಾರೆ.

ತೆಲುಗು ಕಿರುತೆರೆಯಿಂದ ಯಶವಂತ್‍ಗೆ ಬಂದ 22 ಅವಕಾಶಗಳನ್ನು ಬೇಡ ಅಂದಿದ್ರಂತೆ. ಈ ಧಾರಾವಾಹಿ 23 ನೇ ಆಫರ್. ಕನ್ಯಾಕುಮಾರಿಯಲ್ಲಿ ನಟಿಸುತ್ತಿದ್ದಾಗ, ಬೇರೆ ಅವಕಾಶಗಳು ದೊರೆತಿದ್ವು. ಆದ್ರೆ ನಾನು ಬೇಡ ಎಂದಿದ್ದೆ ಎಂದು ಯಶವಂತ್ ಹೇಳಿದ್ದಾರೆ.

ಕನ್ಯಾಕುಮಾರಿ ನನ್ನ ಮೊದಲ ಧಾರಾವಾಹಿ. ಕನ್ನಡ ಧಾರಾವಾಹಿಯಲ್ಲಿ ಬ್ಯುಸಿ ಇದ್ದ ಕಾರಣ ಆ ಆಫರ್ ಗಳನ್ನು ಒಪ್ಪಿಲ್ಲ. ಕನ್ಯಾಕುಮಾರಿ ಮುಗಿದ ಮೇಲೆ ಅಮ್ಮಾಯಿಗಾರು ಧಾರಾವಾಹಿಗೆ ಒಪ್ಪಿದೆ ಎಂದು ಯಶವಂತ್ ಹೇಳಿದ್ದಾರೆ.

ನನಗೆ ತೆಲುಗು ಭಾಷೆ ಬರಲ್ಲ. ಇನ್ನೂ ತೆಲುಗು ಕಲಿಯಬೇಕು. ಹಾಗಾಗಿ ಸವಾಲಿನ ಕೆಲಸವಾಗಿದೆ. ಶೀಘ್ರದಲ್ಲೇ ತೆಲುಗು ಕಲಿಯುತ್ತೇನೆ ಎಂದು ನಟ ಯಶವಂತ್ ಗೌಡ ಹೇಳಿದ್ದಾರೆ.