Dasa Purandara: ದಾಸ ಪುರಂದರ ಧಾರಾವಾಹಿ ಮುಕ್ತಾಯ, ಅಭಿಮಾನಿಗಳಿಗೆ ಬೇಸರ!

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ದಾಸ ಪುರಂದರ ಸೀರಿಯಲ್ ಮುಕ್ತಾಯವಾಗಿದೆ. ಶನಿವಾರ ಮತ್ತು ಭಾನುವಾರ ಸಂಜೆ 6.30ಕ್ಕೆ ಧಾರಾವಾಹಿ ಪ್ರಸಾರವಾಗ್ತಿತ್ತು.

ಕನ್ನಡ ಕಿರುತೆರೆಯಲ್ಲಿ ಹೊಸ ಅಲೆಯನ್ನೇ ಸೃಷ್ಟಿಸಿದ್ದ ಧಾರಾವಾಹಿ ದಾಸ ಪುರಂದರ. ಭಕ್ತಿ ರಸ, ಸಾಹಿತ್ಯ ಮತ್ತು ಸಂಗೀತವನ್ನೇ ಪ್ರಧಾನವಾಗಿಟ್ಟುಕೊಂಡು ಪ್ರಸಾರ ಕಂಡ ಸೀರಿಯಲ್.

15ನೇ ಶತಮಾನದಲ್ಲಿ ಬದುಕಿದ್ದ ದಾಸ ಶ್ರೇಷ್ಠ, ಕರ್ನಾಟಕ ಸಂಗೀತದ ಪಿತಾಮಹ ಪುರಂದರ ದಾಸರ ಜೀವನಚರಿತ್ರೆ ಆಧರಿಸಿದ ಈ ದಾಸ ಪುರಂದರ ಧಾರಾವಾಹಿಯನ್ನು ತೆಗೆಯಲಾಗಿತ್ತು.

ಹೋದ ವರ್ಷ ಫೆಬ್ರವರಿ 28 ರಂದು ದಾಸ ಪುರಂದರ ಧಾರಾವಾಹಿ ಶುರುವಾಗಿತ್ತು. ಆರಂಭದಲ್ಲಿ ಸೋಮವಾರದಿಂದ ಶನಿವಾರದವರೆಗೂ ಸಂಜೆ 6 ಗಂಟೆಗೆ ಪ್ರಸಾರವಾಗುತ್ತಿತ್ತು. ನಂತರ ಶನಿವಾರ, ಭಾನುವಾರ ಒಂದು ಗಂಟೆ ಪ್ರಸಾರವಾಗ್ತಿತ್ತು.

ಸುಮಾರು ಎರಡೂವರೆ ವರ್ಷಗಳ ಕಾಲ ರಿಸರ್ಚ್ ಮಾಡಿ ಈ ಸೀರಿಯಲ್ ನಿರ್ಮಾನ ಮಾಡಲಾಗಿತ್ತು. ದಾಸ ಪರಂದರ ಕಥೆ ಜಯದುರ್ಗಾ ಕ್ರಿಯೇಷನ್ಸ್ ನಿರ್ಮಾಣದ ಧಾರಾವಾಹಿ.

ನವಕೋಟಿ ನಾರಾಯಣ ದಾಸರಾದ ಕಥೆಯನ್ನು ಹೊಂದಿದ್ದ ಈ ಧಾರಾವಾಹಿ, ರತ್ನದ ವ್ಯಾಪಾರಿ ಸಾಹಿತ್ಯ ಲೋಕದ ರತ್ನವಾಗುವ ಕಥಾಹಂದರವನ್ನ 'ದಾಸ ಪುರಂದರ' ಧಾರಾವಾಹಿ ಹೊಂದಿತ್ತು.

ಧಾರಾವಾಹಿಯಲ್ಲಿ ರತ್ನದ ವ್ಯಾಪಾರಿ ಶ್ರೀನಿವಾಸ ಮಹಾನ್ ಜುಗ್ಗ. ದೇವರಿಗೆ ಕಾಣಿಕೆ ಸಲ್ಲಿಸುವಾಗಲೂ ಜಿಪುಣತನ ಮಾಡುತ್ತಿದ್ದ. ನಂತರ ಎಲ್ಲವನ್ನೂ ತ್ಯಜಿಸಿ ಹೇಗೆ ದಾಸನಾಗುತ್ತಾನೆ ಎಂಬುದೇ ಕಥೆ.

ದಾಸ ಪುರಂದರ ಧಾರಾವಾಹಿಯನ್ನು ಅಭಿಮಾನಿಗಳು ಇಷ್ಟ ಪಟ್ಟು ನೋಡುತ್ತಿದ್ದರು. ಧಾರಾವಾಹಿ ಮುಕ್ತಾಯಗೊಂಡಿದ್ದಕ್ಕೆ ಬೇಸರ ಮಾಡಿಕೊಂಡಿದ್ದಾರೆ.