Ginirama serial: ಶೀಘ್ರದಲ್ಲೇ ಗಿಣಿರಾಮ ಧಾರಾವಾಹಿ ಮುಕ್ತಾಯ, ಮತ್ಯಾವ ಹೊಸ ಸೀರಿಯಲ್ ಬರ್ತಿದೆ?

ಕಲರ್ಸ್ ಕನ್ನಡದಲ್ಲಿ ಪ್ರತಿದಿನ ಸಂಜೆ 5.30ಕ್ಕೆ ಗಿಣಿರಾಮ ಎನ್ನುವ ಧಾರಾವಾಹಿ ಪ್ರಸಾರವಾಗ್ತಿದೆ. ಈ ಧಾರಾವಾಹಿಯಲ್ಲಿ ಉತ್ತರ ಕರ್ನಾಟಕ ಭಾಷೆ ಬಳಸುತ್ತಾರೆ. ಈ ಮೂಲಕ ಧಾರಾವಾಹಿ ಹೆಚ್ಚು ಖ್ಯಾತಿ ಪಡೆದಿದೆ.

ಧಾರಾವಾಹಿ ನಾಯಕ ಶಿವರಾಮ್, ನಾಯಕಿ ಮಹತಿ. ಇಬ್ಬರಿಗೂ ಇಷ್ಟ ಇಲ್ಲ ಅಂದ್ರೂ ಮದುವೆ ನಡೆದು ಹೋಗಿ ಬಿಡುತ್ತೆ. ಮೊದ ಮೊದಲು ಜಗಳವಾಡ್ತಾ ಇದ್ದರು. ಈಗ ಸರಿ ಹೋಗಿದ್ದಾರೆ.

ಗಿಣಿರಾಮ ಧಾರಾವಾಹಿ ಶೀಘ್ರದಲ್ಲೇ ಮುಕ್ತಾಯಗೊಳ್ಳಲಿದೆ. ಧಾರಾವಾಹಿ ಕೊನೆ ಸಂಚಿಕೆಗಳ ಶೂಟಿಂಗ್ ನಡೆಯುತ್ತಿದೆ ಎಂದು ತಿಳಿದು ಬಂದಿದೆ.

ಧಾರಾವಾಹಿಯಲ್ಲಿ ಉತ್ತರ ಕರ್ನಾಟಕದ ಭಾಷೆಯ ಶೈಲಿ ಜನರ ಗಮನ ಸೆಳೆದಿತ್ತು. ಮೊದಲು ಈ ಧಾರಾವಾಹಿ ರಾತ್ರಿ 8.30ಕ್ಕೆ ಪ್ರಸಾರವಾಗ್ತಿತ್ತು. ಬಿಗ್ ಬಾಸ್ ಸೀಸನ್ 09 ಶುರುವಾದಾಗ ಧಾರಾವಾಹಿಯನ್ನು ಸಂಜೆ 5.30ಕ್ಕೆ ಪ್ರಸಾರ ಮಾಡಲಾಗ್ತಿತ್ತು.

ಸಂಜೆ ಧಾರಾವಾಹಿಯಾದ ಕಾರಣ ಹೆಚ್ಚು ಜನ ನೋಡ್ತಾ ಇರಲಿಲ್ಲ. ಕಡಿಮೆ TRP ಬರ್ತಿದೆ ಎಂಬ ಸುದ್ದಿ ಎಲ್ಲಡೆ ಹಬ್ಬಿದೆ. ಅದಕ್ಕೆ ಧಾರಾವಾಹಿ ಮುಗಿಸುತ್ತಿದ್ದಾರೆ ಎನ್ನಲಾಗ್ತಿದೆ. ಆದ್ರೆ ಈ ಬಗ್ಗೆ ಅಧಿಕೃತ ಮಾಹಿತಿ ಇಲ್ಲ.

ಗಿಣಿರಾಮ ಧಾರಾವಾಹಿ ಈಗಾಗಲೇ ಯಶಸ್ವಿಯಾಗಿ 740 ಸಂಚಿಕೆ ಪೂರೈಸಿದೆ. 2 ಕ್ಕೂ ಹೆಚ್ಚು ವರ್ಷಗಳ ಕಾಲ ಜನರಿಗೆ ಮನರಂಜನೆ ನೀಡಿದೆ.

ಗಿಣಿರಾಮ ಧಾರಾವಾಹಿಯಲ್ಲಿ ಆಯಿಸಾಹೇಬ ಎಂದರೆ ದೇವರಕ್ಕಿಂತಲೂ ಜಾಸ್ತಿ ಎಂದೇ ಭಾವಿಸುತ್ತಿದ್ದ ಶಿವರಾಮ್‍ಗೆ ಆಯಿಸಾಹೇಬ್‍ನ ಕರಾಳಮುಖವನ್ನು ಕೂಡಾ ಮಹತಿ ಪರಿಚಯಿಸುತ್ತಾಳೆ.

ಆಗಸ್ಟ್ 17, 2020ರಂದು 'ಗಿಣಿರಾಮ' ಧಾರಾವಾಹಿ ಶುರುವಾಗಿತ್ತು. Jeev Zala Yeda Pisa ಎಂಬ ಮರಾಠಿ ಧಾರಾವಾಹಿಯ ರಿಮೇಕ್ ಕನ್ನಡದ ಈ ಗಿಣಿರಾಮ ಸೀರಿಯಲ್. ಹಾಗಿದ್ದರೂ, ಕನ್ನಡದ ನೆಟಿವಿಟಿಗೆ ತಕ್ಕಂತೆ ಕಥೆಯಲ್ಲಿ ಬದಲಾವಣೆ ಮಾಡಿಕೊಂಡು ಧಾರಾವಾಹಿಯನ್ನು ಪ್ರಸಾರ ಮಾಡಲಾಗಿತ್ತು.