Gicchi Giligili Season 2: ಮುಂದಿನ ವಾರದಿಂದ ಗಿಚ್ಚಿ ಗಿಲಿಗಿಲಿ ಸೀಸನ್ 2, ಕಚಗುಳಿ ಇಡೋಕೆ ಬರ್ತಿದ್ದಾರೆ ಕಲಾವಿದರು!

ಕಲರ್ಸ್ ಕನ್ನಡದಲ್ಲಿ ವೀಕೆಂಡ್ ಪ್ರಸಾರವಾಗ್ತಿದ್ದ ಗಿಚ್ಚಿ ಗಿಲಿಗಿಲಿ ಕಾರ್ಯಕ್ರಮ ಎಲ್ಲರಿಗೂ ಪರಿಚಿತ. ಆ ಶೋ ನೋಡಿ ಎಷ್ಟೋ ಜನ ಮೆಚ್ಚಿಕೊಂಡಿದ್ದರು ಎಲ್ಲರಿಗೂ ಇಷ್ಟ ಆಗಿತ್ತು.

ಜನವರಿ 14 ರಿಂದ ಗಿಚ್ಚಿ ಗಿಲಿಗಿಲಿ ಸೀಸನ್ 2 ಶುರುವಾಗಲಿದೆ. ನನ್ನಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮದಲ್ಲಿ ಗಿಚ್ಚಿ ಗಿಲಿ ಗಿಲಿ ಸೀಸನ್ 2 ಅನ್ನು ಗ್ರ್ಯಾಂಡ್ ಆಗಿ ವೆಲ್ ಕಮ್ ಮಾಡಲಾಗಿದೆ.

ನನ್ನಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮಕ್ಕೆ ನಟ ಡಾಲಿ ಧನಂಜಯ್ ಬಂದಿದ್ದು, ಅವರಿಂದ ಗಿಚ್ಚಿ ಗಿಲಿಗಿಲಿ ಕಾರ್ಯಕ್ರವನ್ನು ವೆಲ್ ಕಮ್ ಮಾಡಲಾಗಿದೆ. ಕೇಕ್ ಕಟ್ ಮಾಡಿ ಸಂಭ್ರಮಿಸಿದ್ದಾರೆ.

ಜಮಾಲಿಗುಡ್ಡ ಸಿನಿಮಾ ಪ್ರಮೋಶನ್ ಗೆ ಡಾಲಿ ಅವರು ನನ್ನಮ್ಮ ಸೂಪರ್ ಸ್ಟಾರ್ ಸೀಸನ್ 2 ಕಾರ್ಯಕ್ರಮಕ್ಕೆ ಬಂದಿದ್ದರು. ಅವರ ಕೈಯಲ್ಲಿ ಮುಂದಿನ ವಾರ ಶುರುವಾಗಲಿರುವ ಗಿಚ್ಚಿ ಗಿಲಿಗಿಲಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ್ದಾರೆ.

ಕಾರ್ಯಕ್ರಮದ ಉದ್ಘಾಟನೆಗೆ ಹಳೆ ಸೀಸನ್ ಸ್ಪರ್ಧಿಗಳು ಸ್ಕಿಟ್ ಮಾಡಿ ಎಲ್ಲರನ್ನೂ ನಗಿಸಿದ್ದಾರೆ. ವಿನೋದ್ ಗೊಬ್ಬರಗಾಲ ಮತ್ತು ರಾಘವೇಂದ್ರ ಇಲ್ಲಿ ಸ್ಕಿಟ್ ಮಾಡ್ತಾ ಇದ್ದಾರೆ.

ಮೊದಲ ಸೀಸನ್ ನಲ್ಲಿ ಕಲಾವಿದರು ಮತ್ತು ಕಲಾವಿದರಲ್ಲದವರನ್ನು ಕರೆದುಕೊಂಡು ಇಬ್ಬರಿಗೂ ಜೋಡಿ ಮಾಡಲಾಗಿತ್ತು. ಮಜಾ ಭಾರತದ ಕಲಾವಿದರು ಮತ್ತೆ ಮಿಂಚಿದ್ರು.

ಕಳೆದ ಬಾರಿ ಶಿವು ಮತ್ತು ವಂಶಿ ವಿನ್ನರ್ ಆಗಿದ್ದರು. ಗೊಬ್ಬರಗಾಲ ಮತ್ತು ನಿವೇದಿತಾ ಗೌಡ ರನ್ನರ್ ಆಗಿದ್ದರು. ಆಗ ನೀಡಿದಷ್ಟೇ ಮನರಂಜನೆ ನೀಡಲು ಗಿಚ್ಚಿ ಗಿಲಿಗಿಲಿ 2 ಬರ್ತಿದೆ.

ಮೊದಲ ಸೀಸನ್ ಸ್ಪರ್ಧಿಗಳ ಸ್ಕಿಟ್ ನೋಡಿ ಡಾಲಿ ಧನಂಜಯ್ ಸಖತ್ ಎಂಜಾಯ್ ಮಾಡಿದ್ರು. ಅದೇ ರೀತಿ ಟೀಮ್ ಗೆ ಒಳ್ಳೆಯದಾಗಲಿ ಅಂತ ವಿಶ್ ಮಾಡಿದ್ರು.