Shiva Rajkumar: 'ಗಿಚ್ಚಿ ಗಿಲಿ ಗಿಲಿ' ವೇದಿಕೆಯಲ್ಲಿ ಶಿವಣ್ಣನ ಹಂಗಾಮ, ಕರುನಾಡ ಚಕ್ರವರ್ತಿಯ 125 ಸಿನಿಮಾಗಳ ಸಂಭ್ರಮ

ಕಲರ್ಸ್ ಕನ್ನಡದಲ್ಲಿ ವೀಕೆಂಡ್ ಪ್ರಸಾರವಾಗ್ತಿದ್ದ ಗಿಚ್ಚಿ ಗಿಲಿಗಿಲಿ ಕಾರ್ಯಕ್ರಮ ಎಲ್ಲರಿಗೂ ಪರಿಚಿತ. ಆ ಶೋ ನೋಡಿ ಎಷ್ಟೋ ಜನ ಮೆಚ್ಚಿಕೊಂಡಿದ್ದರು, ಎಲ್ಲರಿಗೂ ಇಷ್ಟ ಆಗಿತ್ತು. ಇದೀಗ ಮತ್ತೆ ಸೀಸನ್ 2 ಶುರುವಾಗಲಿದೆ.

ಇದೇ ಶನಿವಾರದಿಂದ ಗಿಚ್ಚಿ ಗಿಲಿಗಿಲಿ ಸೀಸನ್ 2 ಶುರುವಾಗಲಿದೆ. ಕಳೆದ ವಾರ ನಮ್ಮಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮದಲ್ಲಿ ಗಿಚ್ಚಿ ಗಿಲಿ ಗಿಲಿ ಸೀಸನ್ 2 ಅನ್ನು ಗ್ರ್ಯಾಂಡ್ ಆಗಿ ವೆಲ್ ಕಮ್ ಮಾಡಲಾಗಿತ್ತು.

ಮೊದಲ ಸೀಸನ್ ನಲ್ಲಿ ಕಲಾವಿದರು ಮತ್ತು ಕಲಾವಿದರಲ್ಲದವರನ್ನು ಕರೆದುಕೊಂಡು ಇಬ್ಬರಿಗೂ ಜೋಡಿ ಮಾಡಲಾಗಿತ್ತು. ಮಜಾ ಭಾರತದ ಕಲಾವಿದರು ಮತ್ತೆ ಮಿಂಚಿದ್ರು.

ಈ ಬಾರಿ ಗಿಚ್ಚಿ ಗಿಲಿ ಗಿಲಿ ಗ್ರ್ಯಾಂಡ್ ಓಪೆನಿಂಗ್‍ಗೆ ಕರುನಾಡ ಚಕ್ರವರ್ತಿ ಶಿವಣ್ಣ ಬಂದಿದ್ದಾರೆ. ಜಗ ಮೆಚ್ಚಿದ ಸಿನಿ ಸಾಧನೆಗೆ ಶಿವಣ್ಣ ಅವರಿಗೆ ಗೌರವ ಸಲ್ಲಿಸಲಾಗಿದೆ.

ಶಿವರಾಜ್ ಕುಮಾರ್ ಅವರು 125 ಸಿನಿಮಾಗಳನ್ನು ಪೂರ್ಣಗೊಳಿಸಿದ್ದು, ಅವರಿಗೆ ಗಿಚ್ಚಿ ಗಿಲಿ ಗಿಲಿ ತಂಡ ಸಲಾಂ ಅರ್ಪಿದೆ. ಅದನ್ನು ನೋಡಿ ಶಿವಣ್ಣ ತುಂಬಾ ಖುಷಿಯಾಗಿದ್ರು.

ಶಿವಣ್ಣ ಅವರ ಕೆಲವು ಸಿನಿಮಾಗಳ ಪಾತ್ರಗಳ ವೇಷ ಧರಿಸಿ ಮಕ್ಕಳು ಡ್ಯಾನ್ಸ್ ಮಾಡಿದ್ದಾರೆ. ಒಂದೊಂದು ಪಾತ್ರವನ್ನೂ ಮಕ್ಕಳು ತುಂಬಾ ಚೆನ್ನಾಗಿ ಮಾಡಿದ್ದರು.

ಮಕ್ಕಳ ಜೊತೆ ವೇದಿಕೆಗೆ ಬಂದು ಶಿವಣ್ಣ ಡ್ಯಾನ್ಸ್ ಮಾಡಿದ್ದಾರೆ. ಮಕ್ಕಳು ಶಿವಣ್ಣಗೆ ಗುಲಾಬಿ ಹೂವುಗಳನ್ನು ನೀಡಿ ವಿಶ್ ಮಾಡಿದ್ದಾರೆ. ಇದಕ್ಕಿಂತ ಒಳ್ಳೆ ಆಶೀರ್ವಾದ ಬೇರೆ ಇಲ್ಲ ಎಂದು ಶಿವರಾಜ್ ಕುಮಾರ್ ಹೇಳಿದ್ದಾರೆ.

ಶಿವಣ್ಣ ತಮ್ಮ ತಾಯಿಯನ್ನು ನೆನೆದಿದ್ದಾರೆ. "ಅಮ್ಮ ಅದು ಯಾವ ಘಳಿಗೆಯಲ್ಲಿ ಮೊದಲ ಸಿನಿಮಾಕ್ಕೆ 'ಆನಂದ್' ಅಂತ ಹೆಸರು ಇಟ್ರೋ, ಅಲ್ಲಿಂದ ಆನಂದ 'ವೇದ'ವಾಗಿದೆ" ಎಂದಿದ್ದಾರೆ. ಕೇಕ್ ಕಟ್ ಮಾಡಿ ಸಂತೋಷಪಟ್ಟಿದ್ದಾರೆ.