BBK Season 9: ರೂಪೇಶ್ ಶೆಟ್ಟಿ-ಸಾನ್ಯಾ ಐಯ್ಯರ್​​ಗೆ ಸುದೀಪ್ ಕ್ಲಾಸ್, ನಿಮ್ಮ ರೊಮ್ಯಾನ್ಸ್ ಓವರ್ ಆಯ್ತು ಎಂದು ಎಚ್ಚರಿಕೆ!

ಬಿಗ್ ಬಾಸ್ ಸೀಸನ್ 9 ರಲ್ಲಿ ಮೂರನೇ ವಾರದಲ್ಲಿ ಕಿಚ್ಚ ಸುದೀಪ್, ವಾರದ ಕಥೆ ಕಿಚ್ಚನ ಜೊತೆಯಲ್ಲಿ ಹಲವಾರು ಸ್ಪರ್ಧಿಗಳಿಗೆ ಬಿಸಿ ಮುಟ್ಟಿಸಿದ್ದಾರೆ. ಅವರವರ ತಪ್ಪನ್ನು ಹೇಳಿದ್ದಾರೆ. ರೂಪೇಶ್ ಶೆಟ್ಟಿ-ಸಾನ್ಯಾ ಐಯ್ಯರ್ ಗೆ ಕ್ಲಾಸ್ ತೆಗೆದುಕೊಂಡಿದ್ದು, ಶೆಟ್ಟಿ ಕಣ್ಣೀರು ಹಾಕಿದ್ದಾರೆ.

ಆರ್ಯವರ್ಧನ್ ಗುರೂಜಿಗೆ ಸುದೀಪ್ ಪ್ರಶ್ನೆ ಕೇಳಿದ್ರು. ನಿಮ್ಮ ಕ್ಯಾಪ್ಟನ್ ಅವಧಿ ಮುಗಿದ್ರೂ, ನೀವು, ರೂಪೇಶ್, ಸಾನ್ಯಾ ಕ್ಯಾಪ್ಟನ್ ರೂಮ್ ನ ಹಾಸಿಗೆ ಮೇಲೆ ಮಲಗಿ ಪಿಕ್ ನಿಕ್ ಮಾಡ್ತಾ ಇದ್ರಾ ಎಂದು ಕೇಳಿದ್ದಾರೆ. ಆ ರೂಮ್ ಗೆ ಒಂದು ಗೌರವ ಇದೆ. ಪಿಕ್ ನಿಕ್ ಸ್ಪಾಟ್ ಅಲ್ಲ ಅದು ಎಂದು ಹೇಳಿದ್ರು.

ಆರ್ಯವರ್ಧನ್ ಗುರೂಜಿ ಕ್ಯಾಪ್ಟನ್ ಅವಧಿ ಮುಗಿದ ಮೇಲೆ ಅದರ ಮೇಲೆ ರೂಪೇಶ್, ಸಾನ್ಯಾ, ಗುರೂಜಿ ಮಲಗಿ ಟಾಸ್ಕ್ ವಿಚಾರವಾಗಿ ಮಾತನಾಡುತ್ತಿದ್ದ ದೃಶ್ಯ.

ಸುದೀಪ್ ಹೇಳಿದ್ದಕ್ಕೆ ರೂಪೇಶ್ ಶೆಟ್ಟಿ ನನ್ನ ಉದ್ದೇಶ ಯಾವುತ್ತೂ ಆ ರೀತಿ ಇರೋದಿಲ್ಲ ಸರ್ ಎನ್ನುತ್ತಾರೆ. ಇಲ್ಲಿ ಪ್ರಶಾಂತ್ ಸಂಬರ್ಗಿ ಬಗ್ಗೆ ಮಾತನಾಡುತ್ತಿದ್ದಾರೆ.

ರೂಪೇಶ್ ಶೆಟ್ಟಿ ನನ್ನ ಉದ್ದೇಶ ಅದಾಗಿರಲಿಲ್ಲ ಸರ್ ಎಂದಿದ್ದಕ್ಕೆ, ಸುದೀಪ್ ಅವರು, ಉದ್ದೇಶ ನಮಗೆ ಅರ್ಥ ಆಗಿರಲಿಲ್ಲ ಅಂದ್ರೆ ಯಾವತ್ತೋ ಮಾತನಾಡ್ತಾ ಇದ್ವಿ. ಇವತ್ತು ಬಂದಿದ್ದು ಯಾಕೆ ಎಂದ್ರೆ, ದಟ್ ಪರ್ಟಿಕ್ಯೂಲರ್ ಟೈಮ್ ಇಸ್ ನಾಟ್ ಓಕೆ ಎಂದು ಎಚ್ಚರಿಸುತ್ತಾರೆ.

ಸಾನ್ಯಾ ಅವರು ಆ ಡ್ರೆಸ್ ನಲ್ಲಿ ರೂಪೇಶ್ ಶೆಟ್ಟಿ ಮೇಲೆ ಆ ರೀತಿ ಮಲಗಿದ್ದನ್ನು ನೋಡಿ ಜನ ಸಹ ಕೆಟ್ಟದಾಗಿ ಮಾತನಾಡಿದ್ದಾರೆ. ಬಿಗ್ ಬಾಸ್ ಮನೆ ರೊಮ್ಯಾನ್ಸ್ ಹಾಲ್ ಆಗಿದೆ ಎಂದಿದ್ದಾರೆ.

ರೂಪೇಶ್ ಶೆಟ್ಟಿ, ಸಾನ್ಯಾ ಓಟಿಟಿಯಿಂದ ಬಂದಿದ್ದಾರೆ. ಅಲ್ಲಿಂದ ಕ್ಲೋಸ್ ಆಗಿ ಇದ್ದಾರೆ. ಅವರಿಬ್ಬರ ಕೂತು ರೊಮ್ಯಾನ್ಸ್ ಮಾಡುವುದು ಹೆಚ್ಚಾಗಿದೆ ಎಂದು ಸುದೀಪ್ ಸೂಕ್ಷ್ಮವಾಗಿ ಎಚ್ಚರಿಕೆ ನೀಡಿದ್ದಾರೆ.

ಸುದೀಪ್ ಹೇಳಿದ್ದಕ್ಕೆ ರೂಪೇಶ್ ಶೆಟ್ಟಿಗೆ ಏನ್ ಅನ್ನಿಸ್ತೋ ಗೊತ್ತಿಲ್ಲ. ಬ್ರೇಕ್ ಬಂದಾಗ ಜೋರಾಗಿ ಅತ್ತಿದ್ದಾರೆ. ನನ್ನದು ಕೆಟ್ಟ ಉದ್ದೇಶ ಏನೂ ಇಲ್ಲ ಎಂದು ಮನೆಯವರ ಬಳಿ ಹೇಳಿದ್ದಾರೆ.