BBK Season 9: ಗುಂಪಿಗೆ ಸೇರದ ಪದ, ಕ್ಯಾಪ್ಟನ್ ಮೇಲೆ ರಾಜಣ್ಣ ಆರೋಪಗಳ ಸುರಿಮಳೆ!

ಬಿಗ್ ಬಾಸ್ ಸೀಸನ್ 09 ರಲ್ಲಿ ಮುಂದಿನ ವಾರದ ಕ್ಯಾಪ್ಟನ್ ಆಗಲು 2 ತಂಡಗಳನ್ನು ಮಾಡಲಾಗಿದೆ. ಇವತ್ತು ಗುಂಪಿಗೆ ಸೇರದ ಪದ ಟಾಸ್ಕ್ ಇದ್ದು, ಎದುರಾಳಿ ತಂಡ ಸರಿಯಾಗಿ ಉತ್ತರ ಹೇಳಬೇಕು. ಒಂದು ತಂಡದ ನಾಯಕ ಪ್ರಶಾಂತ್ ಸಂಬರ್ಗಿ. ತಮ್ಮ ತಂಡದ ಜೊತೆ ಗೇಮ್ ಪ್ಲಾನ್ ಮಾಡ್ತಾ ಇದ್ದಾರೆ.

ಇನ್ನೊಂದು ತಂಡದ ನಾಯಕ ರೂಪೇಶ್ ರಾಜಣ್ಣ, ತಮ್ಮ ತಂಡದ ಜೊತೆ ಗುಂಪಿಗೆ ಸೇರದ ಪದಗಳನ್ನು ಬರೆಯುತ್ತಿದ್ದಾರೆ. ಮತ್ತೆ ಗೇಮ್ ಆಡೋದರ ಬಗ್ಗೆ ಯೋಜನೆ ಹಾಕ್ತಾ ಇದ್ದಾರೆ.

ಕ್ಯಾಪ್ಟನ್ ದೀಪಿಕಾ ಅವರು ಪ್ರಶಾಂತ್ ತಂಡ ಅಂದ್ರೆ ಧಮ್ ಪವರ್ ತಂಡ ಕೊಟ್ಟ ಪ್ರಶ್ನೆಗಳನ್ನು, ಇನ್ನೊಂದು ತಂಡ ಕಾಮನಬಿಲ್ಲು ಸ್ಪರ್ಧಿಗಳಿಗೆ ಕೇಳ್ತಾ ಇದ್ದಾರೆ.

ಪ್ರಶ್ನೆ ಈ ರೀತಿ ಇರುತ್ತೆ. ಬೆಳಗಾಂ, ಕೋಲಾರ, ಬೆಂಗಳೂರು, ಬಾಗಲಕೋಟೆ. ಇದರಲ್ಲಿ ಯಾವುದು ಗುಂಪಿಗೆ ಸೇರದ ಪದ ಎಂದು ದೀಪಿಕಾ ಕೇಳಿರುತ್ತಾರೆ. ಅದಕ್ಕೆ ದಿವ್ಯಾ ಉರುಡುಗ ಬೆಂಗಳೂರು ಎಂದು ಹೇಳಿ ಇರ್ತಾರೆ.

ಆದ್ರೆ ಆ ಉತ್ತರ ತಪ್ಪು ಎಂದು ಪ್ರಶಾಂತ್ ಸಂಬರ್ಗಿ ಅವರು ಹೇಳ್ತಾರೆ. ಬಾಗಲಕೋಟೆ ಗುಂಪಿಗೆ ಸೇರದ ಪದ. ಬೇರೆ ಎಲ್ಲವೂ ಬಾರ್ಡರ್ ನಲ್ಲಿ ಇದ್ದಾವೆ. ಬಾಗಲಕೋಟೆ ಸೆಂಟ್ರಲ್ ಇದೆ ಎಂದು ಪ್ರಶಾಂತ್ ಹೇಳ್ತಾರೆ.

ಬಾಗಲಕೋಟೆ ಸೆಂಟ್ರಲ್ ಇದೆ ಎಂದು ಪ್ರಶಾಂತ್ ಹೇಳಿದ್ದಕ್ಕೆ, ದಿವ್ಯಾ ನಾನು ರಾಜಧಾನಿ ಅನ್ನೋ ರೀತಿಯಲ್ಲಿ ಬೆಂಗಳೂರನ್ನು ಗುಂಪಿಗೆ ಸೇರದ ಪದ ಎಂದು ತೆಗೆದುಕೊಂಡೆ ಎಂದು ಹೇಳ್ತಾರೆ.

ಆಗ 2 ತಂಡಗಳ ಮಧ್ಯೆ ಮಾತಿನ ಜಗಳ ಶುರುವಾಗುತ್ತೆ. ದೀಪಿಕಾ ಎಲ್ಲರಿಗೂ ಸುಮ್ಮನೇ ಇರಿ ಎಂದ್ರೂ ಕೇಳಲ್ಲ. ನಮ್ಮವರೆಲ್ಲಾ ಉತ್ತರ ಸರಿ ಹೇಳಿದ್ರೂ ದೀಪಿಕಾ, ಆ ತಂಡದ ಪರವಾಗಿ ಇದ್ದಾರೆ ಎಂದು ರೂಪೇಶ್ ರಾಜಣ್ಣ ಜಗಳ ಆಡ್ತಾರೆ.

ಧಮ್ ಪವರ್ ತಂಡದ ಪರ ಆಡ್ತೀರಾ ಎಂದು ದೀಪಿಕಾಗೆ ರಾಜಣ್ಣ ಆರೋಪ ಮಾಡ್ತಾರೆ. ದೀಪಿಕಾ ನಾನು ಆ ರೀತಿ ಮಾಡ್ತಾ ಇಲ್ಲ. ನ್ಯಾಯದ ಪರ ಎಂದು ಹೇಳ್ತಾರೆ.