Bigg Boss Kannada: ನಿಮ್ಮಿಂದ ಸರ್ಟಿಫಿಕೇಟ್ ಬೇಡ: ರಾಜಣ್ಣನ ಮೇಲೆ ಮುಗಿಬಿದ್ದ ಮನೆಯ ಹೆಣ್ಣುಮಕ್ಕಳು

ಬಣ್ಣ ಹಚ್ಚುವ ಟಾಸ್ಕ್ ಆಡುವಾಗ ಅಮೂಲ್ಯ ಮತ್ತೆ ದೀಪಿಕಾ ರೂಲ್ಸ್ ಬ್ರೇಕ್ ಮಾಡ್ತಾರೆ. ಕೈಗೆ ಬಣ್ಣ ಹಚ್ಚಿಕೊಂಡು, ಎದುರಾಳಿ ಸದಸ್ಯರ ಟೀ ಶರ್ಟ್‍ಗೆ ಹಚ್ಚ ಬೇಕಿತ್ತು.

ಅಮೂಲ್ಯ ಗೌಡ, ದೀಪಿಕಾ ದಾಸ್ ಬಣ್ಣ ಹಚ್ಚು ಬದಲು ಎರಚಾಡಿಕೊಂಡಿದ್ದಾರೆ. ಇದು ತಪ್ಪು ಎಂದು ಮನೆಯವರೆಲ್ಲಾ ಹೇಳಿದ್ರು. ಆದ್ರೂ ಅವರು ಅದೇ ರೀತಿ ಮಾಡಿದ್ದಾರೆ.

ಕ್ಯಾಪ್ಟನ್ ಆಗಿರುವ ರಾಜಣ್ಣ ಇದೇನ್ ಆಟ. ಇದು ಆಟ ಅಲ್ಲ. ಬುಕ್ ನಲ್ಲಿ ಇರುವುದು ಒಂದು. ನೀವು ಆಟ ಆಡ್ತೀರೋದೇ ಮತ್ತೊಂದು ಎಂದು ಇಬ್ಬರಿಗೂ ಹೇಳ್ತಾರೆ.

ಆಗ ರಾಜಣ್ಣನ ಜೊತೆ ದಿವ್ಯಾ ಉರುಡುಗ ಮತ್ತು ದೀಪಿಕಾ ದಾಸ್ ಜಗಳ ಮಾಡ್ತಾರೆ. ಅಮೂಲ್ಯ ಗೌಡ ಅವರದ್ದೇ ತಪ್ಪು ಎಂದು ವಾದ ಮಾಡ್ತಾರೆ. ರಾಜಣ್ಣ ನನ್ನ ಮಾತನಾಡೋಕೆ ಬಿಡಿ ಎಂದು ಹೇಳ್ತಾರೆ.

ಹುಡುಗಿಯರ ಬಳಿ ಹುಡುಗರ ಹತ್ತಿರ ಜಗಳಕ್ಕೆ ಹೋದಂಗೆ ಹೋಗಬೇಡಿ. ಇದನ್ನ ನೀವು ಕಲಿಯಬೇಕು. ನಾನು ಇದನ್ನ ಗಮನಿಸ್ತಿರೋದು ಎರಡನೇ ಬಾರಿ ಎಂದು ದಿವ್ಯಾ ಉರುಡುಗ ಹೇಳ್ತಾರೆ.

ಕಿರುಚಿ ಮಾತನಾಡಬಾರದು. ಹೆಣ್ಮಕ್ಕಳ ಹತ್ತಿರ ಬಂದು ಮಾತನಾಡಬಾರದು. ನೀವು ವಾದ ಮಾಡುವಾಗ ಹೆಣ್ಣು ಮಕ್ಕಳ ಮುಖದ ಹತ್ತಿರ ಬರುತ್ತೀರಿ ಎಂದು ದೀಪಿಕಾ ದಾಸ್ ಹೇಳ್ತಾರೆ.

ನಿಮಗೆ ಹೆಣ್ಣು ಮಕ್ಕಳ ಬಗ್ಗೆ ಗೌರವ ಇಲ್ಲ ಎಂದು ಹೇಳಿಲ್ಲ. ಆದ್ರೆ ನಿಮ್ಮ ಮಾತಿನ ಟ್ಯೂನ್ ಸರಿಯಿಲ್ಲ ಎಂದು ಅನುಪಮಾ ಗೌಡ ಹೇಳ್ತಾರೆ. ದೀಪಿಕಾ ದಾಸ್, ಅನುಪಮಾ ಗೌಡ, ದಿವ್ಯಾ ಉರುಡುಗ ಎಲ್ಲ ಒಟ್ಟಿಗೆ ರಾಜಣ್ಣನಿಗೆ ಪ್ರಶ್ನೆ ಮಾಡ್ತಾರೆ.

ಹೆಣ್ಮಕ್ಕಳ ಬಗ್ಗೆ ನನಗೆ ಗೌರವ ಇಲ್ಲ ಅಂತ ನಿಮ್ಮಿಂದ ನಾನು ಸರ್ಟಿಫಿಕೇಟ್ ತಗೊಳ್ಳೋಕೆ ರೆಡಿ ಇಲ್ಲ. ನೀವು ಸಾವಿರ ಮಾತನಾಡಬಹುದು. ನಾವು ಕೇಳಿಸಿಕೊಂಡು ಸುಮ್ಮನಿರಬೇಕಾ? ಎಂದು ರಾಜಣ್ಣ ಹೇಳ್ತಾರೆ.