BBK Rupesh Rajanna: ರಾಜಣ್ಣ ವಿಡಿಯೋ ಮಾಡಿ ಗುರೂಜಿ, ಶೆಟ್ಟಿ ಮರ್ಯಾದೆ ತಗೀತಾರಂತೆ! ನೀಚ ಅಂದಿದ್ದು ಯಾರು?

ನೇರವಾಗಿ ಹೇಳಲಾಗದ್ದನ್ನು ಪತ್ರದ ಮೂಲಕ ಬರೆದು ತಿಳಿದಿ ಎಂದು ಬಿಗ್ ಬಾಸ್ ಟಾಸ್ಕ್ ನೀಡಿದ್ದರು. ಆಗ ರಾಜಣ್ಣ ರೂಪೇಶ್ ಶೆಟ್ಟಿ, ಆರ್ಯವರ್ಧನ್ ಗುರೂಜಿ ಮನಸ್ಸಿಗೆ ನೋವಾಗುವಂತೆ ಪತ್ರ ಬರೆದಿದ್ದರು. ಅದಕ್ಕೆ ಬೇಸರ ಮಾಡಿಕೊಂಡಿದ್ರು.

ನಾನು ರೂಪೇಶ್ ಶೆಟ್ಟಿ, ರಾಜಣ್ಣ ಹೊರಗೆ ಹೋದಾಗ ಭೇಟಿಯಾದ್ರೆ, ಅದನ್ನು ವಿಡಿಯೋ ರೆಕಾರ್ಡ್ ಮಾಡಿ, ನಮ್ಮ ಮರ್ಯಾದೆ ತೆಗೆಯಬಹುದು. ಬಿಗ್ ಬಾಸ್ ಮನೆಯಲ್ಲಿ ಈ ರೀತಿ ಹೇಳ್ತಾ ಇದ್ರು. ಈಗ ಈ ರೀತಿ ಹೇಳ್ತಾ ಇದಾರೆ ಎಂದು ತಿರುಚಬಹುದು ಎಂದು ಆರ್ಯವರ್ಧನ್ ಗುರೂಜಿ ಹೇಳಿದ್ದಾರೆ.

ವಿಡಿಯೋ ಮಾಡುವ ರೀತಿ ನಿಮ್ಮಷ್ಟು ನೀಚ ಬುದ್ಧಿ ನನಗಿಲ್ಲ ಎಂದು ಆರ್ಯವರ್ಧನ್ ಗುರೂಜಿ ಮೇಲೆ ಸುದೀಪ್ ಮುಂದೆಯೇ ರೂಪೇಶ್ ರಾಜಣ್ಣ ಗರಂ ಆಗ್ತಾರೆ.

ಆದ್ರೂ ಆರ್ಯವರ್ಧನ್ ಗುರೂಜಿ ಒಪ್ಪಲಿಲ್ಲ. ನೀವು ಯಾವಾಗ ಏನ್ ಬೇಕಾದ್ರೂ ಮಾಡಬಹುದು. ನಿಮ್ಮನ್ನು ನಂಬೋಕೆ ಆಗಲ್ಲ ಎಂದು ವಾರದ ಕಥೆ ಕಿಚ್ಚನ ಕಥೆ ಕಾರ್ಯಕ್ರಮದಲ್ಲಿ ಹೇಳಿದ್ರು.

ಗುರುಗಳೇ ಏನ್ ಮಾತನಾಡುತ್ತೀರಿ, ಮನೆ ಒಳಗಿನ ವಿಷಯ ಮಾತನಾಡಬೇಕು. ಅದು ಬಿಟ್ಟು ನಾನು ವಿಡಿಯೋ ಮಾಡ್ತೀನಿ ಅಂತೆಲ್ಲಾ ಹೇಳ್ತೀರಿ ಎಂದು ಬೇಸರ ಮಾಡಿಕೊಂಡ್ರು.

ನೋಡಿ ರಾಜಣ್ಣ, ನಾನು ನಿಮ್ಮ ಮಾತಿಗೆ ಉತ್ತರ ಕೊಟ್ಟಿಲ್ಲ. ಸುದೀಪ್ ಸರ್ ಕೇಳಿದ್ದಕ್ಕೆ ಹೇಳಿದ್ದು. ನೀವು ನನ್ನ ಜೊತೆ ಮಾತನಾಡಬೇಡಿ ಎಂದು ಹೇಳ್ತಾರೆ.

ರಾಜಣ್ಣ ಬರೆದ ಪತ್ರದಿಂದ ಶುರುವಾದ ಮನಸ್ತಾಪ ವಿಡಿಯೋ ತನಕ ಹೋಗಿದೆ. ಕೋಪಗೊಂಡ ರಾಜಣ್ಣ ಗುರೂಜಿಗೆ ನೀಚ ಎಂದಿದ್ದಾರೆ.

ಇಲ್ಲ ಸಲ್ಲದ್ದನ್ನು ಹೇಳಬೇಡಿ. ಜನತೆಗೆ ನಿಜ ಏನು ಅಂತ ಗೊತ್ತು. ಎಲ್ಲರು ಟಿವಿ ನೋಡಿರುತ್ತಾರೆ ಎಂದು ಆರ್ಯವರ್ಧನ್ ಗುರೂಜಿ ಮೇಲೆ ರೂಪೇಶ್ ರಾಜಣ್ಣ ಕೋಪ ಮಾಡಿಕೊಂಡ್ರು.