Bigg Boss Kannada: ಬ್ಯಾಲೆನ್ಸ್ ಆಗದ ಚೆಂಡು, ಆರ್ಯವರ್ಧನ್ ಗುರೂಜಿ-ರಾಜಣ್ಣ ಕಿತ್ತಾಟ!

ಬಿಗ್ ಬಾಸ್ ಈ ವಾರದ ಟಾಸ್ಕ್ ಆಗಿ ಪಡೆದಿರುವ ಅಂಕಗಳನ್ನು ಉಳಿಸಿಕೊಳ್ಳಬೇಕು ಎಂದಿದ್ದಾರೆ. ಅದನ್ನು ಬಿಗ್ ಬಾಸ್ ಸ್ಪರ್ಧಿಗಳು ಎಚ್ಚರಿಕೆಯಿಂದ ಆಡಿ ಅಂಕಗಳನ್ನು ಉಳಿಸಿಕೊಳ್ಳಬೇಕಿದೆ. ಚೆಂಡನ್ನು ಬ್ಯಾಲೆನ್ಸ್ ಮಾಡುವ ಟಾಸ್ಕ್ ನ್ನು ರೂಪೇಶ್ ಶೆಟ್ಟಿ, ರಾಕೇಶ್ ಆಡುತ್ತಿದ್ದಾರೆ.

ಚೆಂಡನ್ನು ಸಂಭಾಳಿಸುತ್ತಾ, ಅಂತಿಮ ಸ್ಥಾನದಲ್ಲಿರುವ ಮೇಜಿಗೆ ವರ್ಗಾಯಿಸಬೇಕು ಎನ್ನುವುದು ಟಾಸ್ಕ್. ಈ ಗೇಮ್ ಆಡಲು 3 ಜೋಡಿ ಇವೆ. ಅದರಲ್ಲಿ ಆರ್ಯವರ್ಧನ್ ಗುರೂಜಿ ಮತ್ತು ರಾಜಣ್ಣ ಜೋಡಿಯಾಗಿದ್ದಾರೆ.

ದೀಪಿಕಾ ದಾಸ್ ಮತ್ತು ಅನುಪಮಾ ಜೋಡಿಯಾಗಿದ್ದು, ಕರೆಕ್ಟ್ ಆಗಿ ಚೆಂಡನ್ನು ಬ್ಯಾಲೆನ್ಸ್ ಮಾಡಿ, ಆ ಕಡೆಯ ಮೇಜಿನತ್ತ ಸಾಗಿಸುತ್ತಿದ್ದಾರೆ.

ಆದ್ರೆ ಆರ್ಯವರ್ಧನ್ ಗುರೂಜಿ ಮತ್ತು ರೂಪೇಶ್ ರಾಜಣ್ಣ ಬ್ಯಾಲೆನ್ಸ್ ಮಾಡುತ್ತಿರುವ ಚೆಂಡು ಪದೇ ಪದೇ ಬಿದ್ದು ಹೋಗುತ್ತಿದೆ. ನಾನು ಕರೆಕ್ಟ್ ಆಗಿ ಮಾಡ್ತಾ ಇದ್ದೇನೆ ಎಂದು ಗುರೂಜಿ ಹೇಳ್ತಾ ಇದ್ದಾರೆ. ನೀವು ಅಲ್ಲಾಡಬೇಡಿ ಎಂದು ರಾಜಣ್ಣ ಏರು ಧ್ವನಿಯಲ್ಲಿ ಹೇಳ್ತಾರೆ.

ನಿಮ್ಮ ಕೈ ತುಂಬಾ ಅಲ್ಲಾಡ್ತಾ ಇದೆ. ನಿಮ್ಮ ಕೈಯಲ್ಲಿ ಬಗ್ಗೋಕೆ ಆಗ್ತಾ ಇಲ್ಲ. ಅದಕ್ಕೆ ನನಗೆ ಹೇಳ್ತಾ ಇದ್ದೀರಿ ಎಂದು ಗುರೂಜಿ ರಾಜಣ್ಣನಿಗೆ ಹೇಳಿದ್ದಾರೆ. ಅಲ್ಲದೇ ಗುರೂಜಿ ಸರಿ ಮಾಡ್ತಾ ಇದಾರೆ. ನೀವೇ ತಪ್ಪು ಎಂದು ಅರುಣ್ ಸಾಗರ್ ಹೇಳ್ತಾರೆ.

ಮನೆಯವರೆಲ್ಲಾ ರಾಜಣ್ಣ ನೀವು ಬೇಗ ಬೇಗ ಹೋಗ್ತಾ ಇದೀರಾ ಅಂತ ಹೇಳ್ತಾರೆ. ಅದಕ್ಕೆ ಕೋಪಗೊಂಡ ರಾಜಣ್ಣ, ನೀವೆಲ್ಲಾ ನನಗೆ ಏಕೆ ಹೇಳ್ತೀರಾ? ಸುಮ್ಮನೇ ನಿಂತುಕೊಳ್ಳಿ ಎನ್ನುತ್ತಾರೆ.

ನನಗೆ ಕೋಲು ತೆಗೆದುಕೊಂಡು ಹೊಡೆದು ಬಿಡು ರಾಜಣ್ಣ. ಯಾಕಂದ್ರೆ, ನಾನು ನಿನ್ನ ಮಾತು ಬಾಯಲ್ಲಿ ಕೇಳುತ್ತಿಲ್ಲ ಅಲ್ವಾ ಅದಕ್ಕೆ ಎಂದು ಗುರೂಜಿ ಬೇಸರ ಮಾಡಿಕೊಳ್ತಾರೆ.

ಇವತ್ತು ನೀವು ನನ್ನನ್ನು ಸಾಯಿಸುತ್ತಾ ಇದೀರಿ ನಡೀರಿ ಎಂದು ರಾಜಣ್ಣ ಹೇಳ್ತಾರೆ. ಅದಕ್ಕೆ ಗುರೂಜಿ ಇವರನ್ನು ನನ್ನ ಜೊತೆ ಯಾಕೆ ಕೊಟ್ರಿ ಎಂದು ಹೇಳ್ತಾರೆ. ಇಬ್ಬರ ನಡುವೆ ಮಾತಿನ ಚಕಮಕಿ ನಡೆದಿದೆ.