BBK Rakesh: ಕಳಪೆ ಸ್ಥಾನ ಪಡೆದ ರಾಕೇಶ್ ಅಡಿಗ, ಗೆಲುವಿನ ಓಟಕ್ಕೆ ಬೀಳುತ್ತಾ ಬ್ರೇಕ್?

ಬಿಗ್ ಬಾಸ್ ಸೀಸನ್ 09 ರ ಕೊನೆ ಕಳಪೆ ಪಟ್ಟವನ್ನು ರಾಕೇಶ್ ಅಡಿಗ ಪಡೆದು, 24 ಗಂಟೆ ಜೈಲು ವಾಸ ಅನುಭವಿಸಿದ್ರು. ಮುಂದಿನ ವಾರವೇ ಗ್ರ್ಯಾಂಡ್ ಫಿನಾಲೆ ಇದ್ದು, ಈಗ ಕಳಪೆ ಪಟ್ಟ ಪಡೆದಿದ್ದಾರೆ.

ಈ ವಾರದ ಎಲ್ಲಾ ಟಾಸ್ಕ್ ಗಳನ್ನು ಉತ್ತಮವಾಗಿ ಆಡಿ ಆರ್ಯವರ್ಧನ್ ಗುರೂಜಿ ಉತ್ತಮ ಪದಕ ಪಡೆದ್ರು. ಕೊನೆಯ ಟಾಸ್ಕ್ ಬಿಟ್ಟು, ಗುರೂಜಿ ಎಲ್ಲಾ ಟಾಸ್ಕ್ ಸೂಪರ್ ಆಗಿ ಆಡಿದ್ದಾರೆ.

ರಾಕೇಶ್ ಅಡಿಗ ಓಟಿಟಿಯಿಂದ ಹೆಚ್ಚು ವೋಟ್ ಪಡೆದು, ಟಿವಿ ಬಿಗ್ ಬಾಸ್‍ಗೆ ಎಂಟ್ರಿ ಪಡೆದಿದ್ದರು. ಸದಾ ತಾಳ್ಮೆಯಿಂದ ಇರುವ ರಾಕೇಶ್ ಅಡಿಗ ಹಲವು ಅಭಿಮಾನಿಗಳ ಮನಸ್ಸು ಗೆದ್ದಿದ್ದಾರೆ.

ಅಲ್ಲದೇ ಬಿಗ್ ಬಾಸ್ ಸೀಸನ್ 09 50 ದಿನ ಪೂರೈಸಿದಾಗ, 50 ದಿನಗಳ ಆಟ ನೋಡಿ ಸುದೀಪ್ ಅವರು ಕಿಚ್ಚನ ಚಪ್ಪಾಳೆ ಕೊಟ್ಟಿದ್ದರು. ಪ್ರಬಲ ಸ್ಪರ್ಧಿ ಆಗಿದ್ದಾರೆ ರಾಕೇಶ್.

ರಾಕೇಶ್ ಅಡಿಗ ಟಾಪ್ ನಲ್ಲಿ ಇರ್ತಾರೆ. ಅವರೇ ಬಿಗ್ ಬಾಸ್ ವಿನ್ನರ್ ಆಗಬಹುದು ಎಂದು ಮನೆಯಿಂದ ಹೊರ ಬಂದ ಎಷ್ಟು ಸ್ಪರ್ಧಿಗಳು ಹೇಳಿದ್ದಾರೆ.

ದೀಪಿಕಾ ದಾಸ್, ರೂಪೇಶ್ ರಾಜಣ್ಣ, ದಿವ್ಯಾ ಉರುಡುಗ, ಆರ್ಯವರ್ಧನ್ ಗುರೂಜಿ ರಾಕೇಶ್ ಅವರಿಗೆ ಕಳಪೆ ನೀಡಿದ ಕಾರಣ ಜೈಲಿಗೆ ಹೋದ್ರು.

ಮನೆಯ ಕೆಲವರು ಕಳಪೆ ಅಸಮಾಧಾನ ಹೊರ ಹಾಕಿದ್ರು. ಅಂಕ ಪಟ್ಟಿಯಲ್ಲಿ ರಾಕೇಶ್ 2ನೇ ಸ್ಥಾನದಲ್ಲಿ ಇದ್ದಾರೆ. ಆದ್ರೂ ಕಳಪೆ ಕೊಟ್ಟಿದ್ದು ಸರಿ ಅಲ್ಲ ಎನ್ನುವ ಮಾತುಗಳು ಕೇಳಿ ಬಂದವು.

ಅಲ್ಲದೇ ಫಿನಾಲೆ ಹತ್ತಿರ ಇರುವಾಗ ಕಳಪೆ ಪಡೆದಿದ್ದು, ಗೆಲುವಿನ ಓಟಕ್ಕೆ ಬ್ರೇಕ್ ಹಾಕುತ್ತಾ ಎನ್ನುವ ಪ್ರಶ್ನೆಗಳು ಎದ್ದಿವೆ. ಆದ್ರೂ ರಾಕೇಶ್ ಗೆಲ್ಲಬೇಕು ಎನ್ನುತ್ತಿದ್ದಾರೆ.