Bigg Boss Kannada: ತಲೆಗೆ ಎಣ್ಣೆ ಹಚ್ಚುವ ವಿಷಯಕ್ಕೆ ಮನಸ್ತಾಪ, ಅಮೂಲ್ಯಗೆ ಅಹಂಕಾರ ಹೆಚ್ಚು ಎಂದ ರಾಕಿ!

ಬಿಗ್ ಬಾಸ್ ಸೀಸನ್ 09 ರಲ್ಲಿ ಅಮೂಲ್ಯ ಗೌಡ ಮತ್ತು ರಾಕೇಶ್ ಅಡಿಗ ತುಂಬಾ ಆತ್ಮೀಯರಾಗಿದ್ದಾರೆ. ಯಾವಾಗಲೂ ಜೊತೆಗೆ ಇರುತ್ತಾರೆ. ತಮ್ಮ ಅನಿಸಿಕೆಗಳನ್ನು ಶೇರ್ ಮಾಡಿಕೊಳ್ತಾರೆ.

ಅಮೂಲ್ಯ ಗೌಡ ರಾಕೇಶ್ ನನ್ನು ಪಾಪು ಎಂದು ಕರೆಯುತ್ತಾಳೆ. ರಾಕಿ ಅಮ್ಮ ಅಮ್ಮ ಎಂದು ಕರೆಯುತ್ತಾರೆ. ಇಬ್ಬರ ನಡುವಿನ ಸಂಭಾಷಣೆ ತುಂಬಾ ತಮಾಷೆ ಆಗಿರುತ್ತೆ.

ತಲೆಗೆ ಎಣ್ಣೆ ಹಚ್ಚುವ ವಿಷಯದಲ್ಲಿ ಅಮೂಲ್ಯ ಮತ್ತು ರಾಕೇಶ್ ಅಡಿದ ಮಧ್ಯೆ ಮನಸ್ತಾಪ ಉಂಟಾಗಿದೆ. ನಿನಗೆ ಸ್ವಾಭಿಮಾನ, ಅಹಂಕಾರ ಹೆಚ್ಚು ಎಂದು ರಾಕೇಶ್ ಅಮೂಲ್ಯಗೆ ಹೇಳಿದ್ದಾರೆ.

ರಾಕೇಶ್ ಅಡಿಗ ಕೈಗೆ ಏಟು ಆಗಿರುವ ಕಾರಣ, ತಲೆಗೆ ಎಣ್ಣೆ ಹಚ್ಚು ಎಂದು ಅಮೂಲ್ಯ ಅವರನ್ನು ಕೇಳ್ತಾರೆ. ಅದಕ್ಕೆ ಅವರು ಆಗಲ್ಲ ಎನ್ನುತ್ತಾರೆ. ರಾಕಿ, ದಿವ್ಯಾ ರೇಗಿಸಿದ್ದಕ್ಕೆ ಅಮೂಲ್ಯ ಬೇಸರ ಮಾಡಿಕೊಂಡಿದ್ರು. ಅದಕ್ಕೆ ಎಣ್ಣೆ ಹಚ್ಚಲ್ಲ ಎಂದು ಹೇಳಿದ್ದಾರೆ.

ನಂತರ ನಾನೇ ಎಣ್ಣೆ ಹಚ್ಚಿಕೊಳ್ತೇನೆ ಅದಕ್ಕೆ ಕೋಪ ಮಾಡಿಕೊಳ್ಳಬೇಡ ಎಂದು ರಾಕೇಶ್ ಎಣ್ಣೆ ಹಚ್ಚಿಕೊಳ್ತಾರೆ. ಕೊನೆಗೆ ಉಳಿಯುವುದ ಅಷ್ಟೇ, ನಮ್ಮ ಕೈ, ನಮ್ಮ ತಲೆ ಎಂದು ರಾಕಿ ಹೇಳ್ತಾರೆ.

ನನಗೆ ಇವತ್ತು ನೀನು ಮಾತನಾಡಿದ್ದು ಇಷ್ಟ ಆಗಲಿಲ್ಲ. ನನ್ನ ಕೈ ನೋಯ್ತಾ ಇತ್ತು. ಅದಕ್ಕೆ ಎಣ್ಣೆ ಹಚ್ಚು ಎಂದೆ ಎಂದು ರಾಕೇಶ್ ಹೇಳ್ತಾರೆ. ಅಮೂಲ್ಯ, ನಿನ್ನ ಕೈ ನೋವಾಗಿದ್ದು ನನಗೆ ಗೊತ್ತಿಲ್ಲ. ನನಗೆ ಸ್ವಾಭಿಮಾನ ಹೆಚ್ಚು ಎಂದು ಹೇಳಿದ್ರು.

ನಿನಗೆ ಸ್ವಾಭಿಮಾನ ಹೆಚ್ಚು. ಅಹಂಕಾರವೂ ಹೆಚ್ಚು ಎಂದು ರಾಕಿ ಹೇಳ್ತಾರೆ. ಅದಕ್ಕೆ ಅಮೂಲ್ಯ ಬೇಸರ ಮಾಡಿಕೊಳ್ತಾರೆ. ಹೌದು ನನಗೆ ಸ್ವಾಭಿಮಾನ ಹೆಚ್ಚು ಎಂದು ಹೇಳಿ ಹೋಗ್ತಾರೆ.

ತುಂಬಾ ಹೊತ್ತು ಅಮೂಲ್ಯ ಗೌಡ ಕೋಪ ಮಾಡಿಕೊಂಡಿದ್ರು, ರಾಕಿ ಏನೇನೋ ಹೇಳಿ, ಹಾಡು ಹೇಳಿ ಸಮಾಧಾನ ಮಾಡಿದ್ರು. ನಂತರ ಅಮೂಲ್ಯ ರಾಕಿಯನ್ನು ಮಾತನಾಡಿಸಿದ್ರು.