Bigg Boss Kannada: 10 ಮಂದಿಯಲ್ಲಿ ರಾಜಣ್ಣ ಮಾತ್ರ ಸೇಫ್​, 9 ಸ್ಪರ್ಧಿಗಳು ನಾಮಿನೇಟ್!

ಈ ವಾರದ ನಾಮಿನೇಷನ್ ಪ್ರಕ್ರಿಯೆ ವಿಭಿನ್ನವಾಗಿ ನಡೆಯಿತು. ಇಬ್ಬಿಬ್ಬರನ್ನು ಜೋಡಿ ಮಾಡಲಾಗಿತ್ತು. ಅವರು ಹೋಗಿ ಫೋಟೋ ತೆಗೆದು, ಯಾರನ್ನು ಸೇವ್ ಮಾಡ್ತೇವೆ ಎಂದು ಹೇಳಬೇಕಿತ್ತು. ಇಬ್ಬರು ಒಬ್ಬರ ಫೋಟೋ ತೆಗೆದ್ರೆ ಅವರು ಸೇವ್ ಆಗ್ತಿದ್ದರು. ಈ ವಾರ ಅಮೂಲ್ಯ ನಾಮಿನೇಟ್ ಆಗಿದ್ದಾರೆ.

ಅನುಪಮಾ ಅವರನ್ನು ಗುರೂಜಿ ತಮ್ಮ ಜೋಡಿಯಾಗಿ ಆಯ್ಕೆ ಮಾಡಿಕೊಂಡಿದ್ದರು. ನಾಮಿನೇಷನ್ ಪ್ರಕ್ರಿಯೆಯಲ್ಲಿ ಇಬ್ಬರು ಒಂದೇ ಫೋಟೋ ತೋರಿಸಬೇಕಾಕಿತ್ತು. ಆದ್ರೆ ಇಬ್ಬರು ಬೇರೆ ಬೇರೆ ಪೋಟೋ ತೋರಿಸಿದ ಕಾರಣ ಅನುಪಮಾ ನಾಮಿನೇಟ್ ಆಗಿದ್ದಾರೆ.

ಅರುಣ್ ಸಾಗರ್ ಅವರು ಸಹ ಮನೆಯಿಂದ ಹೋಗಲು ನಾಮಿನೇಟ್ ಆಗಿದ್ದಾರೆ. ಸದಾ ಮನೆಯವರನ್ನು ಖುಷಿ ಪಡಿಸಲು ಏನಾದ್ರೂ ತಮಾಷೆ ಮಾಡ್ತಾನೇ ಇರ್ತಾರೆ.

ಆರ್ಯವರ್ಧನ್ ಗುರೂಜಿ ಡಬಲ್ ಗೇಮ್ ಆಡ್ತಾರೆ ಎಂದು ಸುದೀಪ್ ಮುಂದೆಯೇ ಮನೆಯವರೆಲ್ಲಾ ಹೆಚ್ಚು ವೋಟ್ ಹಾಕಿದ್ದರು. ಇವರು ನಾಮಿನೇಟ್ ಆಗಿದ್ದು, ಸೇವ್ ಆಗ್ತಾರಾ ನೋಡಬೇಕು.

ವೈಲ್ಡ್ ಕಾರ್ಡ್ ನಿಂದ ಮತ್ತೆ ಎಂಟ್ರಿ ಆಗಿರುವ ದೀಪಿಕಾ ದಾಸ್ ಸಹ ನಾಮಿನೇಟ್ ಆಗಿದ್ದಾರೆ. ಈ ವಾರ ದೀಪಿಕಾ ಅವರು ಎಲ್ಲರ ಜೊತೆ ಮಾತನಾಡುತ್ತಿದ್ದಾರೆ. ಆಟಗಳನ್ನು ಚೆನ್ನಾಗಿ ಆಡ್ತಾ ಇದ್ದಾರೆ.

ದಿವ್ಯಾ ಉರುಡುಗ ಸಹ ನಾಮಿನೇಟ್ ಆಗಿದ್ದಾರೆ. ಕಳೆದ ಬಾರಿಯ ರೀತಿ ಟಾಸ್ಕ್ ಗಳನ್ನು ಅಷ್ಟು ಚೆನ್ನಾಗಿ ಆಡ್ತಾ ಇಲ್ಲ ಎಂಬ ಆರೋಪಗಳು ಇವೆ. ಇವರು ಮತ್ತು ಅಮೂಲ್ಯ ನಾಮಿನೇಷನ್ ಪ್ರಕ್ರಿಯೆಗೆ ಹೋಗಿದ್ದರು. ಆಗ ಇಬ್ಬರ ಬೇರೆ ಬೇರೆ ಫೋಟೋ ಹಿಡಿದಿದ್ದರು.

ಮನೆಯಲ್ಲಿ ಕಾವ್ಯಶ್ರೀ ಮಾತನಾಡುತ್ತಲೇ ಕಾಲ ಕಳೆಯುತ್ತಾರೆ. ಯಾವುದೇ ಗೇಮ್ ಆಡಲ್ಲ. ಈಗ ಅನುಪಮಾ, ರಾಕೇಶ್ ಗುಂಪಿನ ಜೊತೆ ಓಡಾಡ್ತಾಳೆ ಎಂದು ಆರೋಪ ಕೇಳಿ ಬಂದಿದೆ. ನಾಮಿನೇಟ್ ಆಕೆಗೆ ಪರೀಕ್ಷೆ ಎಂದು ಅರುಣ್ ಸಾಗರ್ ಹೇಳಿದ್ದಾರೆ.

ಪ್ರಶಾಂತ್ ಸಂಬರ್ಗಿ ದೀಪಿಕಾ ಜೋಡಿ ಒಳ ಹೋಗಿತ್ತು. ಇಬ್ಬರೂ ಪ್ರಶಾಂತ್ ಫೋಟೋ ಹಿಡಿದಿದ್ದರು. ಆದ ಕಾರಣ ಪ್ರಶಾಂತ್ ನಾಮಿನೇಟ್ ಆಗಿರಲಿಲ್ಲ. ಆದ್ರೆ ಕ್ಯಾಪ್ಟನ್ ರಾಕೇಶ್ ನೇರವಾಗಿ ಅವರನ್ನು ನಾಮಿನೇಟ್ ಮಾಡಿದ್ರು.

ರೂಪೇಶ್ ಶೆಟ್ಟಿ ಸಹ ಮನೆಯಿಂದ ಹೊರ ಹೋಗಲು ನಾಮಿನೇಟ್ ಆಗಿದ್ದಾರೆ. 9 ಜನ ಘಟಾನುಘಟಿ ನಾಯಕರಲ್ಲಿ ಯಾರು ಸೇವ್ ಆಗ್ತಾರೆ. ಯಾರು ಮನೆಗೆ ಹೋಗ್ತಾರೆ ನೋಡಬೇಕು.