Bigg Boss Kannada: ಒಡೆದ ಹಾಲಾಯ್ತಾ ಬಿಗ್ ಬಾಸ್ ಮನೆ? ಇದಕ್ಕೆಲ್ಲಾ ಕಾರಣ ಅಮೂಲ್ಯ ಅಂತೆ!

ವಾರದ ಕಥೆ ಕಿಚ್ಚನ ಜೊತೆಯಲಿ ಕಾರ್ಯಕ್ರಮದಲ್ಲಿ, ಸುದೀಪ್ ಅಮೂಲ್ಯ ಅವರಿಗೆ ಪ್ರಶ್ನೆ ಮಾಡಿದ್ದಾರೆ. ಅಮೂಲ್ಯ ಅವರೇ, ಗಂಡಸರ ಬಾತ್ ರೂಮ್ ಅಂತ ಬರೆದವರು ನೀವು. ಈಗ ಗಟ್ಟಿ ಹಾಲು ಬೇಕು ಅಂತಿದ್ದೀರಿ. ನಿಮಗೆ ಈ ಮನೆಗೆ ಹೊಂದಿಕೊಳ್ಳುವುದು ಕಷ್ಟನಾ ಎಂದು ಕೇಳಿದ್ದಾರೆ.

ಹೊಂದಿಕೊಳ್ಳೋದು ಕಷ್ಟ ಆಗ್ತಿಲ್ಲ ಸರ್. ಮೊದಲೆಲ್ಲಾ ನಾನು ಹಾಲು ಕುಡಿದಿಲ್ಲ. ಸಿಗ್ತಿದ್ದಿದ್ದು ಒಂದು ಟೀ. ಅದು ನನಗೆ ಗಟ್ಟಿ ಹಾಲಲ್ಲಿ ಬೇಕಿತ್ತು ಅದಕ್ಕೆ ಕೇಳಿದೆ ಎಂದು ಅಮೂಲ್ಯ ಗೌಡ ಹೇಳಿದ್ದಾರೆ.

ಅಮೂಲ್ಯ ಅವರು ಅವರ ಹೇಳಿಕೆಯಿಂದ ಮನೆಯನ್ನು ಒಡೆಯುತ್ತಿದ್ದಾರೆ. ಯಾರೋ ಒಬ್ಬರಿಗೆ ಆಗುತ್ತಿಲ್ಲ ಅಂದ್ರೆ ಅವರನ್ನ ಆಚೆ ಇಡಿ ಅಂತ ಹೇಳಿದೆ. ನಾವೆಲ್ಲಾ ಒಟ್ಟಿಗೆ ಇರೋಣ, ಅದು ಜೀವನ. ಅದು ಬದುಕು ಅಂತ ಹೇಳಿದೆ. ಗಟ್ಟಿ ಹಾಲು ಬೇಕು ಅನ್ನೋದು ಸುಪೀರಿಯಾರಿಟಿ ಕಾಂಪ್ಲೆಕ್ಸ್ ನ ಪರಮಾವಧಿ ಅಂತ ನನಗೆ ಅನಿಸುತ್ತಿದೆ ಎಂದು ಪ್ರಶಾಂತ್ ಸಂಬರ್ಗಿ ಹೇಳಿದ್ದಾರೆ.

ನನ್ನ ಕ್ಯಾಪ್ಟೆನ್ಸಿಯಲ್ಲಿ ಬಂದ ಹಾಲಿನ ಪ್ರಮಾಣ ಕಮ್ಮಿ ಇತ್ತು. ಕೆಲವರು ಒಟ್ಟಿಗೆ ಮಾಡೋಣ ಅಂತ ಹೇಳಿದರು. ಇನ್ನೂ ಕೆಲವರು ಬೇರೆ ರೀತಿ ಹೇಳಿದರು. ಎಲ್ಲರೂ ಕಾಮನ್ ಗ್ರೌಂಡ್ಸ್ ನಲ್ಲಿ ಒಪ್ಪಲಿಲ್ಲ ಎಂದು ರಾಕೇಶ್ ಅಡಿಗ ಹೇಳಿದ್ರು.

ಅಮೂಲ್ಯ ಅವರಿಂದ ಮಾತ್ರ ಈ ಸಮಸ್ಯೆ ಆಗಲಿಲ್ಲ ಸರ್. ಎಲ್ಲರೂ ನಮಗೆ ಆ ಟೈಂಗೆ ಬೇಕು. ಈ ಟೈಮ್‍ಗೆ ಟೀ ಬೇಕು ಅಂದಿದ್ದಕ್ಕೆ ಈ ರೀತಿ ಆಯ್ತು ಎಂದು ದಿವ್ಯಾ ಉರುಡುಗ ಹೇಳಿದ್ದಾರೆ.

ನಾವೆಲ್ಲಾ ಅಗ್ರಿ ಆದ್ವಿ ಸರ್. ಮನೆಯವರೆಲ್ಲಾ ಒಟ್ಟಿಗೆ ಟೀ ಮಾಡಿಕೊಂಡು ಕುಡಿಯೋಣ ಅಂತ. ಆದ್ರೆ ಅಮೂಲ್ಯ ಮಾತ್ರ ಬೇರೆ ಬೇಕು ಅಂದ್ರು ಅಂತ ರೂಪೇಶ್ ರಾಜಣ್ಣ ಹೇಳಿದ್ದಾರೆ.

9 ಜನರ ಜೊತೆ ಒಬ್ಬರು ಹೊಂದಿಕೊಳ್ಳುವುದು ಸುಲಭ ಸರ್. 9 ಜನರು ಒಬ್ಬರಿಗೆ ಹೊಂದಿಕೊಳ್ಳೋದು ಕಷ್ಟ. ಅಮೂಲ್ಯಗೆ ಕಷ್ಟ ಆಗ್ತಿರಬಹುದು ಎಂದು ರೂಪೇಶ್ ರಾಜಣ್ಣ ಅಮೂಲ್ಯಗೆ ಹೇಳಿದ್ದಾರೆ.

ಮನೆಯಲ್ಲಿ ಯಾವ ಮಟ್ಟಿಗೆ ಒಟ್ಟಿಗೆ ಕೂತುಕೊಂಡು ಕುಡಿಯುತ್ತಾರೆ ಎಂದು ಅವರಿಗೆ ಗೊತ್ತಿದೆ. ನಾನು ಹೇಳಬೇಕಿಲ್ಲ. ಈ ಬಾರಿ ಕಡಿಮೆ ಜನ ಇದ್ರು. ಅದಕ್ಕೆ ಒಬ್ಬಬ್ಬರಿಗೆ ಬರುತ್ತೆ ಅಂತ ಬೇರೆ ಕೇಳಿದೆ ಅಷ್ಟೆ ಎಂದು ಅಮೂಲ್ಯ ಗೌಡ ಹೇಳಿದ್ದಾರೆ.