Bigg Boss Kannada: ಬಿಗ್ ಬಾಸ್ ಮನೆಯಿಂದ ಕಾವ್ಯಶ್ರೀ ಗೌಡ ಔಟ್! ಮಂಗಳಗೌರಿ ಎಡವಿದ್ದೆಲ್ಲಿ?

ಬಿಗ್ ಬಾಸ್ ಸೀಸನ್ 09 ಪ್ರವೀಣರು ಮತ್ತು ನವೀನರನ್ನು ಒಳಗೊಂಡಿದೆ. ನವೀನರಾಗಿ ಮಂಗಳಗೌರಿ ಖ್ಯಾತಿಯ ನಟಿ ಕಾವ್ಯಶ್ರೀ ಗೌಡ ಈ ಬಾರಿ ಇದ್ದರು. 10ನೇ ವಾರದಲ್ಲಿ ತಮ್ಮ ಪ್ರಯಾಣವನ್ನು ಮುಗಿಸಿದ್ದಾರೆ.

ಪ್ರತಿ ವಾರದಂತೆ ಈ ವಾರ ಬಿಗ್ ಬಾಸ್ ಮನೆಯಿಂದ ಮಂಗಳಗೌರಿ ಖ್ಯಾತಿಯ ಕಾವ್ಯಶ್ರೀ ಗೌಡ ಔಟ್ ಆಗಿದ್ದಾರೆ. ಜನರ ವೋಟ್ ಕಡಿಮೆ ಬಂದ ಕಾರಣ ಕಾವ್ಯಶ್ರೀ ಆಟ ಅಂತ್ಯವಾಗಿದೆ.

ಮನೆಯಲ್ಲಿ ಎಲ್ಲರ ಜೊತೆ ಕಾವ್ಯಶ್ರೀ ಹೊಂದಿಕೊಂಡಿದ್ದರು. ಎಲ್ಲರನ್ನೂ ನಗಿಸುತ್ತಾ, ತಮಗೆ ಅನ್ನಿಸಿದ್ದನ್ನು ನೇರವಾಗಿ ಹೇಳ್ತಾ ಇದ್ರು. ಅದಕ್ಕೆ ಮನೆಯವರಿಗೆ ಈಕೆ ಅಂದ್ರೆ ಇಷ್ಟ ಇತ್ತು.

ಮಂಗಳಗೌರಿ ಧಾರಾವಾಹಿಯಿಂದ ಕಾವ್ಯಶ್ರೀ ಕನ್ನಡಿಗರ ಮನಸ್ಸು ಗೆದ್ದಿದ್ದಾರೆ. ಈಗ ಬಿಗ್ ಬಾಸ್ ನಿಂದಲೂ ಜನಕ್ಕೆ ಹತ್ತಿರವಾಗಿದ್ದಾರೆ. ತಮ್ಮ ಕ್ಯೂಟ್ ನಗುವಿನಿಂದ ಎಲ್ಲರಿಗೂ ಇಷ್ಟ ಆಗಿದ್ದರು.

ಕಾವ್ಯ ಔಟ್ ಆಗಲು ಅವರು ಆಟಗಳನ್ನು ಆಡದೇ ಇರುವುದೇ ಕಾರಣ ಎಂದು ಹೇಳಲಾಗ್ತಿದೆ. ಕಾವ್ಯಶ್ರೀ ಬಿಗ್ ಬಾಸ್ ಮನೆಗೆ ಬಂದಾಗಿನಿಂದ ಯಾವುದೇ ಆಟಗಳನ್ನು ಅಷ್ಟಾಗಿ ಆಡಿಲ್ಲ.

ಮೊದಲನೇ ವಾರದಿಂದ ಕಾವ್ಯಶ್ರೀ ಹೆಚ್ಚಾಗಿ ನಾಮಿನೇಟ್ ಆಗಿರಲಿಲ್ಲ. ಈ ಬಾರಿ ಅರುಣ್ ಸಾಗರ್ ಮತ್ತು ಕಾವ್ಯಶ್ರೀ ನಾಮಿನೇಟ್‍ಗೆ ಹೋದಾಗ, ಇಬ್ಬರು ತಮ್ಮ ತಮ್ಮ ಫೋಟೋ ತೋರಿಸಿ ಇಬ್ಬರು ನಾಮಿನೇಟ್ ಆಗಿದ್ದರು.

ಯಾರು ಹೆಚ್ಚು ಕೇರ್, ಯಾರು ಸ್ವಾರ್ಥಿಗಳು ಈ ಮನೆಯಲ್ಲಿ ಎಂದು ಸುದೀಪ್ ಪ್ರಶ್ನೆ ಕೇಳಿದ್ದರು. ಆಗ ಎಲ್ಲರೂ ಕಾವ್ಯಶ್ರೀ ಹೆಚ್ಚು ಕೇರ್ ಎಂದು ಹೇಳಿದ್ದರು. ಎಲ್ಲರನ್ನೂ ಪ್ರೀತಿಯಿಂದ ನೋಡಿಕೊಳ್ತಾ ಇದ್ದರು.

ಕಾವ್ಯಶ್ರೀ ಅವರು ಬಿಗ್ ಬಾಸ್ ಗೆಲ್ಲಬೇಕು ಎಂದು ಬಂದಿದ್ದರು. ಆದ್ರೆ ಈ ವಾರ ತಮ್ಮ ಆಟವನ್ನು ಮುಗಿಸಿದ್ದಾರೆ. ಮುಂದಿನ ಪಯಣಕ್ಕೆ ಆಲ್ ದಿ ಬೆಸ್ಟ್ ಎಂದು ಅಭಿಮಾನಿಗಳು ಹೇಳಿದ್ದಾರೆ.