Bigg Boss Kannada: ಮಿಸ್ಟರ್ ಗರಗಸ ರಾಜಣ್ಣ ಅಂತೆ, ಮುಸ್ಸಂಜೆ ಮಾತು ಯಾರದ್ದು ಗೊತ್ತಾ?

ಬಿಗ್ ಬಾಸ್ ಸೀಸನ್ ಇನ್ನು 2 ವಾರಗಳು ಮಾತ್ರ ಇರಲಿದೆ. ಸ್ಪರ್ಧಿಗಳಿಗೆ ಟೆನ್ಷನ್ ಹೆಚ್ಚಾಗುತ್ತಾ ಇದೆ. ಸೂಪರ್ ಸಂಡೇ ವಿತ್ ಸುದೀಪ ಕಾರ್ಯಕ್ರಮದಲ್ಲಿ ಸುದೀಪ್ ಎಲ್ಲರನ್ನು ನಗಿಸಿದ್ದಾರೆ.

ಸುದೀಪ್ ಮನೆ ಮಂದಿಗೆಲ್ಲಾ ಪ್ರಶ್ನೆಯೊಂದನ್ನು ಕೇಳಿದ್ದಾರೆ. ಸಿನಿಮಾ ಹೆಸರು ಹೇಳ್ತೀನಿ ಆ ಟೈಟಲ್ ನಿಮ್ಮ ಪ್ರಕಾರ ಯಾರಿಗೆ ಹೊಂದುತ್ತೆ ಹೇಳಿ ಎಂದಿದ್ದಾರೆ.

ರಾಯರು ಬಂದರು ಮಾವನ ಮನೆಗೆ, ಈ ಸಿನಿಮಾ ಹೆಸರು ಯಾರಿಗೆ ಹೊಂದುತ್ತೆ ಎಂದು ಸುದೀಪ್ ಕೇಳ್ತಾರೆ. ಅದಕ್ಕೆ ರೂಪೇಶ್ ರಾಜಣ್ಣ ದೀಪಿಕಾ ಅವರಿಗೆ ಈ ಸಿನಿಮಾ ಹೊಂದುತ್ತೆ ಎಂದು ಹೇಳ್ತಾರೆ.

ನಮ್ಮ ಪಾಡಿಗೆ ನಾವು ಹೋಟೆಲ್ ನಡೆಸಿಕೊಂಡು ಇದ್ದೆವು. ದೀಪಿಕಾ ಬಂದು ಹೋದ್ರು ಸರ್, ಹೋಟೆಲ್ ಬಂದ್ ಆಯ್ತು ಎಂದು ರಾಜಣ್ಣ ಹೇಳಿದ್ದಾರೆ. ಅದಕ್ಕೆ ದೀಪಿಕಾ, ರೂಪೇಶ್ ಶೆಟ್ಟಿ ನಕ್ಕಿದ್ದಾರೆ.

ರಾಜಣ್ಣನ ಉತ್ತರ ಕೇಳಿ ಸುದೀಪ್ ಅವರು ಸಹ ನಕ್ಕರು. ಹಾಗೇ ಮುಂದಿನ ಸಿನಿಮಾ ಹೆಸರು ಕೇಳಿದ್ರು. ಮುಸ್ಸಂಜೆ ಮಾತು ಈ ಸಿನಿಮಾ ಯಾರಿಗೆ ಹೋಲುತ್ತೆ ಎಂದಿದ್ದಾರೆ.

ನಾನು ಮತ್ತು ರಾಕಿಗೆ ಮುಸ್ಸಂಜೆ ಮಾತು ಸಿನಿಮಾ ಹೋಲಿಕೆ ಆಗುತ್ತೆ ಎಂದು ಅಮೂಲ್ಯ ಗೌಡ ಹೇಳಿದ್ದಾರೆ. ಇಬ್ಬರು ತುಂಬಾ ಮಾತನಾಡುತ್ತಾರೆ. ನಾನು ಎಷ್ಟೊಂದು ಸಲ ಏನ್ ಮಾತನಾಡುತ್ತಾರೆ ಎಂದು ಕೇಳಿದ್ದೇನೆ ಎಂದು ಅನುಪಮಾ ಗೌಡ ಹೇಳ್ತಾರೆ.

ಅನುಪಮಾ ಮಾತು ಕೇಳಿದ ಸುದೀಪ್ ಇದೇ ಕುತೂಹಲ ತಾನೇ ಆರ್ಯವರ್ಧನ್ ಗೆ ಹುಟ್ಟಿದ್ದು. ರಾಕಿ, ಅಮೂಲ್ಯ ಏನ್ ಮಾತಾಡ್ತಾರೆ ಅಂತ. ಅದನ್ನು ಕೇಳಿ ಅವರು ತಗ್ಲಾಕೊಂಡ್ರು ಎಂದು ಹೇಳ್ತಾರೆ. ಅದಕ್ಕೆ ರಾಜಣ್ಣ, ಗುರೂಜಿ ನಕ್ಕ ಪರಿ ಇದು.

ಮಿಸ್ಟರ್ ಗರಗಸ ಯಾರು ಎಂದು ಸುದೀಪ್ ಕೇಳುತ್ತಾರೆ. ಅದಕ್ಕೆ ಗುರೂಜಿ ರಾಜಣ್ಣ ಸರ್. ಗರಗಸ ಮರ ಕಡಿದ್ರೆ, ಇವರು ಮನುಷ್ಯರನ್ನೇ ಕಡೀತಾರೆ ಎಂದು ಹೇಳಿದ್ದಾರೆ. ಅದಕ್ಕೆ ಮನೆಯರೆಲ್ಲಾ ನಕ್ಕಿದ್ದಾರೆ.