Bigg Boss Kannada: ಬಿಗ್ ಬಾಸ್ ಮನೆಯಲ್ಲಿ ಭಾವುಕ ಕ್ಷಣ, ಮನೆಯವರನ್ನು ನೋಡಿ ಕಣ್ಣೀರು!

ಮನೆಯವರ ಜೊತೆ ಮಾತನಾಡಬೇಕು ಎಂಬ ಸ್ಪರ್ಧಿಗಳ ಬಹುದಿನದ ಹಂಬಲವನ್ನು ಬಿಗ್ ಬಾಸ್ ನೆರವೇರಿಸಿದ್ದಾರೆ. ಸ್ಪರ್ಧಿಗಳ ಮನೆಯವರು ಬಿಗ್ ಬಾಸ್ ಮನೆಗೆ ಬಂದಿದ್ದಾರೆ.

ಮೊದಲು ದಿವ್ಯಾ ಉರುಡುಗ ಅವರ ತಾಯಿ ಬರ್ತಾರೆ. ದಿವ್ಯಾ ತನ್ನ ಅಮ್ಮನನ್ನು ನೋಡಿ ಖುಷಿಯಾಗ್ತಾಳೆ. ಓಡಿ ಹೋಗಿ ಅಮ್ಮ ಎಂದು ತಬ್ಬಿಕೊಳ್ತಾಳೆ.

ಮಗಳನ್ನು ನೋಡಿದ ದಿವ್ಯಾ ಅಮ್ಮ ಆಕೆಯನ್ನು ತಬ್ಬಿಕೊಂಡು ಮುದ್ದಾಡಿದ್ದಾರೆ. ಅಮ್ಮನನ್ನು ನೋಡಿ ದಿವ್ಯಾ ಉರುಡುಗ ಕಣ್ಣೀರು ಇಟ್ಟಿದ್ದಾರೆ. ತುಂಬಾ ಖುಷಿಯಾಯ್ತು ಎಂದು ಹೇಳಿದ್ದಾರೆ.

ಇನ್ನು ದಿವ್ಯಾ ಉರುಡುಗ ತಾಯಿ ನಂತರ, ರಾಕೇಶ್ ಅಡಿಗ ಅಮ್ಮ ಬಂದಿದ್ದಾರೆ. ರಾಕಿ ಅಮ್ಮನನ್ನು ನೋಡಿ ತುಂಬಾ ಖುಷಿಯಾಗಿದ್ದಾರೆ. ಓಟಿಟಿ ಯಿಂದ  100 ದಿನಕ್ಕೂ ಹೆಚ್ಚು ಕಾಲ ರಾಕೇಶ್ ಮನೆಯವರನ್ನು ನೋಡಿರಲಿಲ್ಲ.

ನೀನು ಯಾವಾಗ ಕ್ಯಾಪ್ಟನ್ ಆಗ್ತೀಯೋ ಅಂತ ಕಾದು, ಕಾದು ಬೇಜಾರಾಗಿ ಹೋಗಿತ್ತು. ಈಗ ಕ್ಯಾಪ್ಟನ್ ಆಗಿದ್ದಿಯಾ, ತುಂಬಾ ಖುಷಿ ಆಯ್ತು ಎಂದು ರಾಕೇಶ್ ಅಮ್ಮ ಹೇಳಿದ್ದಾರೆ.

ದಿವ್ಯಾ ಉರುಡುಗ ಅವರ ತಾಯಿ ಬಳಿ ಬಲವಂತ ಮಾಡಿ ಹಾಡನ್ನು ಹಾಡಿಸಿದ್ದಾರೆ. ಅವರಮ್ಮ ಬೇಡ ಅಂದರೂ ಕೇಳಲಿಲ್ಲ. ಕೊನೆಗೆ ಶಿಲೆಗಳು ಸಂಗೀತವಾ ಹಾಡಿವೆ  ಎಂಬ ಹಾಡನ್ನು ಹಾಡಿದ್ರು.

ನಮ್ಮ ಅಮ್ಮ ಎಷ್ಟು ಚೆಂದ ಹಾಡು ಹೇಳ್ತಾರೆ. ಅವರಿಗೆ ಒಂದು ವೇದಿಕೆ ಸಿಕ್ಕಿಲ್ಲ. ಅವರು ಹಾಡಬೇಕಿತ್ತು ಎಂದು ಹೇಳಿ ದಿವ್ಯಾ ಉರುಡುಗ ಅತ್ತಿದ್ದಾರೆ.

ಮನೆಯವರನ್ನು ಕಂಡು ಎಲ್ಲರೂ ಭಾವುಕರಾದ್ರು. ಪ್ರಶಾಂತ್ ಸಂಬರ್ಗಿ ಸಹ ತಮ್ಮ ಮನೆಯವರಿಗಾಗಿ ಕಾಯ್ತಾ ಇದ್ದಾರೆ. ಮನೆಯವರನ್ನು ನೆನೆದು ಕಣ್ಣಿರು ಹಾಕಿದ್ರು.