Bigg Boss Kannada: ಅಮೂಲ್ಯಳನ್ನು ಕೆಣಕಿದ ಗುರೂಜಿ, ನಿಮ್ಮ ಹುಟ್ಟುಗುಣ ಎಂದು ಟೀಕೆ

ಬಿಗ್ ಬಾಸ್ ಮನೆಯಲ್ಲಿ ಅಮೂಲ್ಯ ಗೌಡ ಮತ್ತು ರಾಕೇಶ್ ಯಾವಾಗಲು ಜೊತೆಗಿರುತ್ತಾರೆ. ತಮ್ಮ ವಿಷಯಗಳನ್ನು ಇಬ್ಬರು ಶೇರ್ ಮಾಡಿಕೊಳ್ತಾ ಇರ್ತಾರೆ. ಇದು ಎಲ್ಲರಿಗೂ ಗೊತ್ತು.

77 ದಿನವಾಗಿದೆ. ನೀವಿಬ್ಬರು ಸಿಕ್ಕಾಪಟ್ಟೆ ಮಾತನಾಡುತ್ತಾ ಇರುತ್ತೀರಾ. ಏನು ಅಂಥದ್ದು ಬಿಟ್ಟಿದ್ದೀರಾ ಅಂತ ಮಾತನಾಡುತ್ತೀರಾ ಎಂದು ಆರ್ಯವರ್ಧನ್ ಗುರೂಜಿ ಅಮೂಲ್ಯ-ರಾಕಿಯನ್ನು ಪ್ರಶ್ನಿಸಿದ್ದಾರೆ.

ಯಾರಾದ್ರೂ ಏನಾದರೂ ಅಂದರೆ ತಲೆಕೆಡಿಸಿಕೊಳ್ಳದದೇ ಹೇಗೆ ಬದುಕುವುದು ಎಂದು ಮಾತನಾಡಿಕೊಳ್ಳುತ್ತೇವೆ ಎಂದು ರಾಕೇಶ್ ಅಡಿಗ ಗುರೂಜಿಗೆ ಟಾಂಗ್ ಕೊಟ್ಟಿದ್ದಾರೆ.

ಗುರೂಜಿ ಬಳಿ ರೂಪೇಶ್ ಶೆಟ್ಟಿ ಹೋಗಿ, ನಾವು ಮಾತನಾಡುವಾಗ ಅವರು ಅದೇ ರೀತಿ ಕೇಳ್ತಾರಾ ಎಂದು ಹೇಳಿದ್ದಾರೆ. ಅದಕ್ಕೆ ಗುರೂಜಿ ನಿನ್ನ ಮಧ್ಯೆ ಬಾ ಅಂದಿದ್ದು ಯಾರು ಎಂದು ಅವಾಜ್ ಹಾಕ್ತಾರೆ.

ನೀವೂ ನಾಳೆಯಿಂದ ಯಾಕೆ ನಮ್ಮ ಜೊತೆಗೆ ಬಂದು ಕುಳಿತುಕೊಳ್ಳಬಾರದು ಎಂದು ಅಮೂಲ್ಯ ಕೇಳ್ತಾರೆ. ನಿಮಗೂ ಗೊತ್ತಾಗುತ್ತೆ ನಾವು ಮಾತನಾಡುವುದು ಎಂದು ಅಮೂಲ್ಯ ಹೇಳಿದ್ದಾರೆ.

ಒಂದು ಪಿಕ್ಚರ್ ಬಗ್ಗೆ ಯಾರಾದರೂ ಸಖತ್ತಾಗಿದೆ, ಸೂಪರ್ ಆಗಿದೆ ಎಂದರೆ ಹೋಗಬಹುದು. ಅದೇ ಆ ಸಿನಿಮಾಗೆ ಯಾರಾದರೂ ಟಿಕೆಟ್ ತೆಗೆದುಕೊಂಡು ಕೂರುತ್ತಾರಾ? ಇರುವ ವಿಚಾರವನ್ನು ನೇರವಾಗಿ ಕೇಳಿದೆ. ಇದು ನಿಮ್ಮ ಹುಟ್ಟುಗುಣ ಎಂದು ಗುರೂಜಿ ಅಮೂಲ್ಯಗೆ ಹೇಳಿದ್ದಾರೆ.

ಈ ಥರದ್ದೆಲ್ಲಾ ಬೇಕಾದರೆ ರಾಕಿ ಹತ್ರ ಕೇಳಿ. ನನ್ನ ಮುಂದೆ ಮಾತ್ರ ಕೇಳಬೇಡಿ ಗುರುಗಳೇ. ಈ ಥರ ಆಲೋಚನೆ ಇರುವವರ ಬಳಿ ನಂಗೆ ಮಾತನಾಡೋದಕ್ಕೂ ಇಷ್ಟವಿಲ್ಲ. ಇದು ನಿಮ್ಮ ಹುಟ್ಟುಗುಣ ಎಂದು ಅಮೂಲ್ಯ ಗೌಡ ಹೇಳಿದ್ದಾರೆ.

ಆರ್ಯವರ್ಧನ್ ಗುರೂಜಿ ಮಾತನ್ನು ಮನೆಯ ಇತರೆ ಸದಸ್ಯರು ತಡೆಯಲು ಹೋದ್ರು. ಆದ್ರೂ ಆಗಲಿಲ್ಲ. ಎಲ್ಲರೂ ಅಯ್ಯೋ ಗುರೂಜಿ ಏಕಪ್ಪಾ ಈ ರೀತಿ ಮಾತನಾಡಿ ಪೇಚಿಗೆ ಸಿಲುಕಿ ಕೊಳ್ತಾರೆ ಎಂದುಕೊಂಡಿದ್ದಾರೆ.