Bigg Boss Kannada: ಮಿತಿ ಮೀರಿದ ಸಲುಗೆ, ರೂಪೇಶ್ ರಾಜಣ್ಣ-ಆರ್ಯವರ್ಧನ್ ನಡುವೆ ಗಲಾಟೆ!

ಆರ್ಯವರ್ಧನ್ ಗುರೂಜಿ, ರೂಪೇಶ್ ರಾಜಣ್ಣ, ರೂಪೇಶ್ ಶೆಟ್ಟಿ ಯಾವಾಗಲು ಒಟ್ಟಿಗೆ ಇರುತ್ತಾರೆ. ಎಂದಿನಂತೆ ಮಾತನಾಡುತ್ತಾ ಚೆನ್ನಾಗಿಯೇ ಇದ್ದರು. ಗುರೂಜಿ ಸಹ ಕಾಮಿಡಿ ಮಾಡ್ತಾ ಇದ್ದರು.

ರೂಪೇಶ್ ರಾಜಣ್ಣ ತಮಾಷೆಗೆ ರೇಗಿಸಿದ್ದಾರೆ, ಅದೇ ಸಲುಗೆಯಿಂದ ಗುರೂಜಿ ಸುಮ್ಮನೇ ಒಂದು ಏಟು ನೀಡಿದ್ದಾರೆ. ಅದಕ್ಕೆ ರೂಪೇಶ್ ರಾಜಣ್ಣನಿಗೆ ತುಂಬಾ ಕೋಪ ಬರುತ್ತೆ.

ಏನ್ ಆಟ ಆಡ್ತಾ ಇದೀರಾ ಕಪಿ ತರ ಆಡ್ತೀರಾ ಎಂದು ರಾಜಣ್ಣ ಗುರೂಜಿಗೆ ಹೇಳಿದ್ದಾರೆ. ನಾನಲ್ಲ, ನೀನು ಕಪಿ ತರ ಆಡ್ತೀಯಾ ಎಂದು ಗುರೂಜಿ ರಾಜಣ್ಣನಿಗೆ ಹೇಳಿದ್ದಾರೆ.

ನನಗೆ ಯಾಕೆ ಹೊಡೆದ್ರಿ ಎಂದು ರೂಪೇಶ್ ರಾಜಣ್ಣ ಕೇಳ್ತಾರೆ. ತಮಾಷೆಗೆ ಹೊಡೆದೆ ಎಂದು ಗುರೂಜಿ ಹೇಳ್ತಾರೆ. ಇಬ್ಬರ ನಡುವೆ ಮಾತಿನ ಚಕಮಕಿ ನಡೆಯುತ್ತೆ.

ನಾನು ಸಲುಗೆ ಕೊಟ್ರೆ ಈ ರೀತಿ ಮಾಡ್ತೀರಾ ನೀವು, ನನ್ನನ್ನು ಏನು ಅಂದುಕೊಂಡಿದ್ದೀರಿ ಎಂದು ಆರ್ಯವರ್ಧನ್ ಗುರೂಜಿ ಮೇಲೆ ರಾಜಣ್ಣ ಜಗಳಕ್ಕೆ ಹೋಗ್ತಾರೆ.

ದೊಡ್ಡ ಲಾರ್ಡ್ ರೀತಿ ಆಡಬೇಡಿ ನೀವು ಎಂದು ರಾಜಣ್ಣ ಗುರೂಜಿಗೆ ಹೇಳ್ತಾರೆ. ನೀವು ಲಾರ್ಡ್ ಅಪ್ಪನ ರೀತಿ ಆಡಬೇಡಿ, ನೀವ್ ಏನ್ ಕೈ ತೋರಿಸೋದು, ಹೊಡೆದು ಬಿಡುತ್ತೀರಾ ಎಂದು ಗುರೂಜಿ ಕೇಳಿದ್ದಾರೆ.

ಕೋಪಗೊಂಡಿದ್ದ ರಾಜಣ್ಣ, ಹೊಡೆದ್ರೆ ಮುಖಕ್ಕೆ ಅಷ್ಟೇ ಆಮೇಲೆ ಎನ್ನುತ್ತಾ ಹೋಗುತ್ತಾರೆ. ಮನೆಯವರು ಬಿಡಿಸುತ್ತಾರೆ. ಆಯ್ತು ಬಿಡಪ್ಪ ಸಲುಗೆಯಿಂದ ನಡೆದುಕೊಂಡಿದ್ದು ತಪ್ಪು ಎಂದು ಗುರೂಜಿ ಕೈ ಮುಗಿಯುತ್ತಾರೆ.

ನಿಮಗೆ ಕೋಡೋ ಮರ್ಯಾದೆ, ಗೌರವ ಉಳಿಸಿಕೊಳ್ಳಿ ಎಂದು ರಾಜಣ್ಣ ಹೇಳುತ್ತಾರೆ, ಅದಕ್ಕೆ ಗುರೂಜಿ ನಿನ್ನ ಸುದ್ದಿಗೆ ಬಂದಿದ್ದು ತಪ್ಪಾಯ್ತು ಬಿಡಪ್ಪಾ ಎಂದು ಮಲಗಿ ನಮಸ್ಕಾರ ಮಾಡುತ್ತಾರೆ.