Bhagya Lakshmi: ಶ್ರೇಷ್ಠಾ ಮೇಲೆ ಎಲ್ಲಾ ತಪ್ಪು ಹೊರಿಸಿದ ತಾಂಡವ್! ಭಾಗ್ಯಾಗೆ ಡಿವೋರ್ಸ್ ಕೊಡ್ತಾನಾ?

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ಭಾಗ್ಯಲಕ್ಷ್ಮಿ ಧಾರಾವಾಹಿ ಸಂಜೆ 7 ಗಂಟೆಗೆ ಪ್ರಸಾರವಾಗುತ್ತಿದೆ. ಮುಖ್ಯ ಪಾತ್ರದಲ್ಲಿ ಅಂದ್ರೆ ಅಕ್ಕ ಭಾಗ್ಯ ಪಾತ್ರದಲ್ಲಿ ನಿರೂಪಕಿ ಸುಷ್ಮಾ ಅವರು ಅಭಿನಯಿಸಿದ್ದಾರೆ. ಅಕ್ಕ-ತಂಗಿಯರ ಕಥೆ ಇದು.

ಈತ ತಾಂಡವ್ ಸೂರ್ಯವಂಶಿ ಭಾಗ್ಯಾಳ ಜೊತೆ ಮದುವೆ ಆಗಿ 2 ಮಕ್ಕಳಿದ್ದಾರೆ. ಆದ್ರೂ ಇವನಿಗೆ ಭಾಗ್ಯ ಕಂಡ್ರೆ ಇಷ್ಟ ಇಲ್ಲ. ಏನೂ ಗೊತ್ತಾಗಲ್ಲ. ಇವಳೊಂದು ಕುಗ್ಗು ಎಂದು ಬೈಯ್ತಾ ಇರ್ತಾನೆ.

ತಾಂಡವ್ ಭಾಗ್ಯಾಳಿಗೆ ಮೋಸ ಮಾಡ್ತಾ ಇದ್ದಾನೆ. ಶ್ರೇಷ್ಠಾ ಎನ್ನುವ ಹುಡುಗಿ ಜೊತೆ ಸಂಬಂಧ ಹೊಂದಿದ್ದಾನೆ. ಶ್ರೇಷ್ಠಾ ಜೊತೆ ಸದಾ ಓಡಾಡುತ್ತಾ ಇರುತ್ತಾನೆ, ಇಬ್ಬರ ಸಂಬಂಧದ ಬಗ್ಗೆ ತಾಂಡವ್ ತಾಯಿ ಕುಸುಮಾಗೆ ಅನುಮಾನ ಬಂದಿದೆ.

ಕುಸುಮಾ ಶ್ರೇಷ್ಠಾ ಮನೆಗೆ ಬಂದು ನನ್ನ ಮಗ ಶ್ರೀರಾಮ, ನೀನು ಮೆನಕೆ ತರ ಅವನ ಮುಂದೆ ಡ್ಯಾನ್ಸ್ ಮಾಡಿ ಅವನನ್ನು ಬುಟ್ಟಿಗೆ ಹಾಕಿಕೊಳ್ಳಬೇಡ. ನನ್ನ ಮಗನ ಸಹವಾಸಕ್ಕೆ ಬರಬೇಡ ಎಂದು ಖಡಕ್ ಆಗಿ ವಾರ್ನ್ ಮಾಡಿದ್ದಾಳೆ.

ಅಲ್ಲದೇ ಇನ್ನೊಂದು ಸಾರಿ ಈ ರೀತಿ ಮಾಡಿದ್ರೆ ನನ್ನ ಮಗನಿಗೆ ಹೇಳಿ ನಿನ್ನ ಕೆಲಸದಿಂದ ತೆಗೆಸುತ್ತೇನೆ. ನನ್ನ ಮಗ, ಸೊಸೆ ಫೋಟೋ ನೋಡು ದಿನ ಎಂದು ಅದನ್ನು ಕೊಟ್ಟು ಹೋಗಿದ್ದಾಳೆ.

ಶ್ರೇಷ್ಠಾಗೆ ಕುಸುಮಾ ಅವಮಾನ ಮಾಡಿದ ಕಾರಣ, ಶ್ರೇಷ್ಠಾ ತಾಂಡವ್‍ನನ್ನು ಅವಳ ಮನೆಯಿಂದ ಆಚೆ ಹಾಕಿದ್ದಾಳೆ. ಅದಕ್ಕೆ ತಾಂಡವ್ ನಿನ್ನ ತಪ್ಪು, ಮನೆಯಲ್ಲಿದ್ದಾಗ ಕಾಲ್ ಮಾಡಬೇಡ ಅಂದ್ರೂ ಮಾಡ್ತೀಯಾ. ನಮ್ಮ ಅಮ್ಮನ ಬಳಿ ಆ ರೀತಿ ಯಾಕೆ ಮಾತನಾಡಿದೆ. ನಿನ್ನದೇ ತಪ್ಪು ಎಂದಿದ್ದಾನೆ.

ಶ್ರೇಷ್ಠಾ, ನೀನು ಮಾತ್ರ ಒಳ್ಳೆಯವನಾ? ನಾನು ಕೆಟ್ಟವಳಾ? ನಿನಗೆ ನನ್ನ ಮೇಲೆ ಪ್ರೀತಿ ಇದ್ರೆ ನನ್ನ ಮದುವೆ ಆಗು. ಆ ಭಾಗ್ಯನಿಗೆ ಡಿವೋರ್ಸ್ ಕೊಡು ಎಂದು ಹೇಳಿದ್ದಾಳೆ.

ನೀನು ಒಪ್ಪಿದ್ರೆ ನಾನು ಮದುವೆ ಆಗಲು ಸಿದ್ಧ. ಭಾಗ್ಯಗೆ ಡಿವೋರ್ಸ್ ಕೊಡ್ತೇನೆ. ನೀನು ನನ್ನ ಮನೆಗೆ ಬರಬೇಕು. ನನ್ನ ಅಪ್ಪ-ಅಮ್ಮ, ಮಕ್ಕಳನ್ನು ನೋಡಿಕೊಳ್ಳಬೇಕು. ಓಕೆನಾ ಎಂದು ಕೇಳಿದ್ದಾನೆ. ಹಾಗಾದ್ರೆ ತಾಂಡವ್ ಭಾಗ್ಯಾಗೆ ಡಿವೋರ್ಸ್ ನೀಡಿ ಶ್ರೇಷ್ಠಾಳನ್ನು ಮದುವೆ ಆಗ್ತಾನಾ ನೋಡಬೇಕು.