Bhagya Lakshmi: ಭಾಗ್ಯಗೆ ಕೈ ತುತ್ತು ತಿನ್ನಿಸಿದ ಕುಸುಮಾ! ಅತ್ತೆ-ಸೊಸೆ ಸಂಚಿಕೆ ಸೂಪರ್ ಎಂದ ಜನ

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ಭಾಗ್ಯಲಕ್ಷ್ಮಿ ಎನ್ನುವ ಧಾರಾವಾಹಿ ಸಂಜೆ 7 ಗಂಟೆಗೆ ಪ್ರಸಾರವಾಗುತ್ತಿದೆ. ಸಂಜೆ 7.30ಕ್ಕೆ ಲಕ್ಷ್ಮಿ ಬಾರಮ್ಮ ಧಾರಾವಾಹಿ ಪ್ರಸಾರವಾಗ್ತಿದೆ. ಒಂದೇ ಧಾರಾವಾಹಿ 2 ಭಾಗವಾಗಿದೆ. ಮುಖ್ಯ ಪಾತ್ರದಲ್ಲಿ ಅಂದ್ರೆ ಅಕ್ಕ ಭಾಗ್ಯ ಪಾತ್ರದಲ್ಲಿ ನಿರೂಪಕಿಯಾಗಿದ್ದ ಸುಷ್ಮಾ ಅವರು ಅಭಿನಯಿಸಿದ್ದಾರೆ.

ಭಾಗ್ಯ ಮಾವ ಧರ್ಮರಾಜ್‍ಗೆ ತುಂಬಾ ಎದೆ ನೋವು ಬಂದಿರುತ್ತೆ. ಅವರನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗಬೇಕಿರುತ್ತೆ. ಆದ್ರೆ ತಾಂಡವ್ ಮನೆಯಲ್ಲಿ ಇರಲ್ಲ. ಎಷ್ಟು ಫೋನ್ ಮಾಡಿದ್ರೂ ಬರಲ್ಲ. ಎಲ್ಲ ಜವಾಬ್ದಾರಿ ಭಾಗ್ಯ ತೆಗೆದುಕೊಂಡು ಮಾವನನ್ನು ಕಾಪಾಡಿದ್ದಾಳೆ.

ಗಂಡನನ್ನು ಕಾಪಾಡಿದ ಸೊಸೆ ಬಗ್ಗೆ ಕುಸುಮಾ ಮೆಚ್ಚುಗೆ ವ್ಯಕ್ತಪಡಿಸಿದ್ದಾಳೆ. ಅಲ್ಲದೇ ಭಾಗ್ಯ ತನ್ನ ಮಾವನಿಗೆ ಕೈ ತುತ್ತು ತಿನ್ನಿಸಿ, ಅಪ್ಪನಿಗಿಂತ ಹೆಚ್ಚು ನೋಡಿಕೊಂಡಿದ್ದಾಳೆ.

ತಾಂಡವ್ ಇಲ್ಲ ಅಂದ್ರೂ ಎಲ್ಲಾ ಕೆಲಸವನ್ನು ಅಚ್ಚುಕಟ್ಟಾಗಿ ಮಾಡಿದ್ದಾಳೆ. ಎಲ್ಲಾ ಕಡೆ ತಾನೇ ಓಡಾಡಿದ್ದಾಳೆ. ತನ್ನ ಸಂಸಾರಕ್ಕಾಗಿ ಭಾಗ್ಯ ಏನೂ ಬೇಕಾದ್ರೂ ಮಾಡಲು ರೆಡಿಯಾಗಿದ್ದಾಳೆ.

ಅತ್ತೆ ಕುಸುಮಾ ಭಾಗ್ಯಳನ್ನು ಕರೆದು ಪ್ರೀತಿಯಿಂದ ಕೈ ತುತ್ತು ತಿನ್ನಿಸಿದ್ದಾಳೆ. ಭಾಗ್ಯ ಭಾವುಕಳಾಗಿ ಅತ್ತೆ ಕೈನಲ್ಲಿ ತಿನ್ನಿಸಿಕೊಂಡಿದ್ದಾಳೆ. ಎಲ್ಲರೂ ಎಮೋಷನಲ್ ಆಗಿದ್ದಾರೆ.

ಈ ಸಂಚಿಕೆ ನೋಡಿದ ಜನ ಮೆಚ್ಚಿಕೊಂಡಿದ್ದಾರೆ. ಇದ್ರೆ ಕುಸುಮಾ-ಭಾಗ್ಯ ರೀತಿ ಅತ್ತೆ-ಸೊಸೆ ಇರಬೇಕು ಎಂದಿದ್ದಾರೆ. ಇದೊಂದು ಸೂಪರ್ ಸಂಚಿಕೆ ಕಣ್ಣಲ್ಲಿ ನೀರು ಬಂತು ಎಂದು ಹೇಳಿದ್ದಾರೆ. ಇನ್ನೂ ಕೆಲವರು ನಿಜ ಜೀವನದಲ್ಲಿ ಇದು ಸಾಧ್ಯವಾಗದ ಮಾತು ಬಿಡಿ ಎಂದು ಕಾಮೆಂಟ್ ಹಾಕಿದ್ದಾರೆ.

ಕುಸುಮಾ ತನ್ನ ಮಗ ತಾಂಡವ್‍ಗೆ ಭಾಗ್ಯಳನ್ನು ಮದುವೆ ಮಾಡಿರುತ್ತಾಳೆ. ಆದ್ರೆ ತಾಂಡವ್‍ಗೆ ಭಾಗ್ಯ ಇಷ್ಟ ಇಲ್ಲ. ಅವಳೊಂದು ಗುಗ್ಗು ಎಂದು ಬೈಯ್ತಾ ಇರ್ತಾನೆ. ಆದ್ರೆ ಭಾಗ್ಯ ಮನೆಯನ್ನು ಅಚ್ಚುಕಟ್ಟಾಗಿ ನಿಭಾಯಿಸಿಕೊಂಡು ಹೋಗ್ತಾಳೆ.

ಭಾಗ್ಯಲಕ್ಷ್ಮಿ ಧಾರಾವಾಹಿಯಲ್ಲಿ ಕುಸುಮಾ ಪಾತ್ರವನ್ನು ಪದ್ಮಜಾ ರಾವ್ ಅದ್ಭುತವಾಗಿ ಮಾಡಿದ್ದಾರೆ. ಸೊಸೆಗೆ ಬೈಯುತ್ತಲೇ ಬದುಕಿನ ಪಾಠ ಕಲಿಸುತ್ತಾರೆ. ಸೀರಿಯಲ್ ಸಹ ಜನರನ್ನು ಹಿಡಿದಿಡುವಲ್ಲಿ ಯಶಸ್ವಿಯಾಗಿದೆ.