Bhagya Lakshmi: ಲಕ್ಷ್ಮಿ ಅರಿಶಿಣ ಶಾಸ್ತ್ರಕ್ಕೆ ಬಂದ ಸುಮನಾ, ಪದ್ಮಿನಿ, ಭಾಗ್ಯಾಗೆ ತಂಗಿ ಮದುವೆ ಸಂಭ್ರಮ!

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ಸಂಜೆ 7 ಗಂಟೆಗೆ ಭಾಗ್ಯಲಕ್ಷ್ಮಿ ಎನ್ನುವ ಧಾರಾವಾಹಿ ಪ್ರಸಾರವಾಗುತ್ತಿದೆ. ಅಕ್ಕ-ತಂಗಿಯರ ಕಥೆ ಆಧಾರಿತ ಸೀರಿಯಲ್ ಇದು. ಸೀರಿಯಲ್‍ನಲ್ಲಿ ತಂಗಿ ಮದುವೆ ಸಂಭ್ರಮ ನಡೆಯುತ್ತಿದೆ.

ತಂಗಿಗೆ ಒಳ್ಳೆ ಹುಡುಗ ಬೇಕು ಎಂತಿದ್ದ ಭಾಗ್ಯನಿಗೆ ಒಳ್ಳೆ ಗಂಡು ಸಿಕ್ಕಿದ್ದಾನೆ. ತನ್ನ ಮೈದುನಾ ವೈಷ್ಣವ್ ಜೊತೆಯೇ ಲಕ್ಷ್ಮಿ ಮದುವೆ ನಡೆಯುತ್ತಿದೆ. ಅದಕ್ಕೆ ಭಾಗ್ಯ ಖುಷಿಯಾಗಿದ್ದಾಳೆ.

ಲಕ್ಷ್ಮಿ ಅರಿಶಿಣ ಶಾಸ್ತ್ರ ನಡೆಯುತ್ತಿದ್ದು, ಆ ಸಂಭ್ರಮದಲ್ಲಿ ಭಾಗಿಯಾಗಲು ಕೆಂಡಸಂಪಿಗೆ ಧಾರಾವಾಹಿಯ ಸುಮನಾ ಮತ್ತು ಪುಣ್ಯವತಿ ಧಾರಾವಾಹಿಯ ಪದ್ಮಿನಿ ಬಂದಿದ್ದಾರೆ.

ಗೆಳತಿ ಲಕ್ಷ್ಮಿಗೆ ರೇಗಿಸುತ್ತಿದ್ದಾರೆ. ಮೊನ್ನೆ ತನಕ ಕಿರಾಣಿ ಅಂಗಡಿ ಅಂತ ಓಡಾಡ್ತಾ ಇದ್ದವಳು ಮದುವೆ ಆಗ್ತಾ ಇದ್ದೀಯಾ ಎಂದು ಕಾಲೆಳೆಯುತ್ತಿದ್ದಾರೆ.

ಒಂದು ಹೆಣ್ಣನ್ನು ಎಷ್ಟು ಚೆಂದವಾಗಿ ಅಲಂಕಾರ ಮಾಡ್ತೀವೋ, ಕಳಸಕ್ಕೂ ಅಷ್ಟೇ ಚೆನ್ನಾಗಿ ಅಲಂಕಾರ ಮಾಡಬೇಕಂತೆ ಎಂದು ಸುಮನಾ ಹೇಳ್ತಾ ಇದ್ದಾಳೆ. ಎಲ್ಲರೂ ಹೌದು ಎಂದಿದ್ದಾರೆ.

ಈಗಾಗಲೇ ಗಂಡಿನ ಮನೆಯಲ್ಲಿ ಕಳಸಾ ರೆಡಿ ಇರಬಹುದು ಅಲ್ವಾ ಎಂದು ಪದ್ಮಿನಿ ಕೇಳ್ತಾಳೆ. ಅದಕ್ಕೆ ಲಕ್ಷ್ಮಿ ನಾಚಿ ನೀರಾಗ್ತಾಳೆ. ವೈಷ್ಣವ್ ಹೆಸರು ಕೇಳಿ ನಮ್ಮ ಹುಡುಗಿಗೆ ಖುಷಿ ಎಂದು ಎಲ್ಲರೂ ಲಕ್ಷ್ಮಿಗೆ ರೇಗಿಸುತ್ತಾರೆ.

ಕೊನೆಗೂ ಭಾಗ್ಯಾಗೆ ತನ್ನ ತಂಗಿ ಮದುವೆ ನಡೆಯುತ್ತಿದೆ ಎಂದು ಖುಷಿ ಆಗಿದೆ. ಆಕೆಯೇ ತಾಯಿ ಸ್ಥಾನದಲ್ಲಿ ನಿಂತು ಎಲ್ಲಾ ಕೆಲಸವನ್ನು ಮಾಡ್ತಾ ಇದ್ದಾಳೆ.

ವೈಷ್ಣವ್ ಮದುವೆ ಬೇಡ ಎನ್ನುತ್ತಿದ್ದಾನೆ. ಲಕ್ಷ್ಮಿ ಮದುವೆ ಎಲ್ಲಾ ತಯಾರಿ ನಡೆಸಿಕೊಂಡಿದ್ದಾಳೆ. ಮದುವೆ ಆಗುತ್ತಾ? ಇಲ್ವಾ? ಮುಂದೇನಾಗುತ್ತೆ ಅಂತ ನೋಡೋಕೆ ಭಾಗ್ಯಲಕ್ಷ್ಮಿ ಸೀರಿಯಲ್ ನೋಡಬೇಕು.