Actress Bhoomika: ಕಿಚ್ಚ ಸುದೀಪ್ ಭೇಟಿಯಾದ 'ಭಾಗ್ಯಲಕ್ಷ್ಮಿ' ಸೀರಿಯಲ್‍ನ ಭೂಮಿಕಾ ರಮೇಶ್!

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ಭಾಗ್ಯಲಕ್ಷ್ಮಿ ಎನ್ನುವ ಧಾರಾವಾಹಿ ಸಂಜೆ 7 ಗಂಟೆಗೆ ಪ್ರಸಾರವಾಗುತ್ತಿದೆ. ಧಾರಾವಾಹಿಯಲ್ಲಿ ತಂಗಿ ಪಾತ್ರವನ್ನು ಭೂಮಿಕಾ ರಮೇಶ್ ಅವರು ನಿರ್ವಹಿಸುತ್ತಿದ್ದಾರೆ.

ಸ್ಯಾಂಡಲ್‍ವುಡ್ ಕಿಚ್ಚ ಸುದೀಪ್ ಅವರನ್ನು ಭಾಗ್ಯಲಕ್ಷ್ಮಿ ಸೀರಿಯಲ್ ನಟಿ ಭೂಮಿಕಾ ರಮೇಶ್ ಭೇಟಿಯಾಗಿದ್ದಾರೆ. ಅದನ್ನು ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಲೇಟ್ ಪೋಸ್ಟ್, ಸಂಕ್ರಾಂತಿ 2023, ಮೆಮೋರೆಬಲ್ ಪಿಕ್ ಎಂದು ಭೂಮಿಕಾ ರಮೇಶ್ ಪೋಸ್ಟ್ ಹಾಕಿಕೊಂಡಿದ್ದಾರೆ. ಫೋಟೋಗಳಿಗೆ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಧಾರಾವಾಹಿಯಲ್ಲಿ ಲಕ್ಷ್ಮಿ ಪಾತ್ರ ಮಾಡ್ತಿರುವ ನಟಿಯ ಹೆಸರು ಭೂಮಿಕಾ ರಮೇಶ್ ಅಂತ. ಇದೇ ಮೊದಲ ಬಾರಿ ಸೀರಿಯಲ್ ನಲ್ಲಿ ನಟಿಸುತ್ತಿದ್ದಾರೆ.

ಭೂಮಿಕಾ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ಡ್ಯಾನ್ಸಿಂಗ್ ಸ್ಟಾರ್ ಜೂನಿಯರ್ ಕಾರ್ಯಕ್ರಮದಲ್ಲೂ ಭಾಗವಹಿಸಿದ್ದರು. ಆದ್ರೆ ವೈಯಕ್ತಿಕ ಕಾರಣಗಳಿಂದ ಶೋನಿಂದ ಹೊರ ನಡೆದಿದ್ದರು.

ಭೂಮಿಕಾ ಅವರು ಮೊದಲನೇ ವರ್ಷದ ಬಿಸಿಎ ಓದುತ್ತಾ ಇದ್ದಾರೆ. ಭಾಗ್ಯಲಕ್ಷ್ಮಿ ಧಾರಾವಾಹಿ ಅವಕಾಶ ಸಿಕ್ಕಿದ್ದಕ್ಕೆ, ಓದಿನ ಜೊತೆ ನಟನೆಯನ್ನು ನಿಭಾಯಿಸುತ್ತಾ ಇದ್ದಾರೆ.

ಭೂಮಿಕಾ ಅವರು ಕ್ಲಾಸಿಕಲ್ ಡ್ಯಾನ್ಸರ್. ಹಲುವು ವರ್ಷಗಳಿಂದ ಭರತನಾಟ್ಯವನ್ನು ಮಾಡುತ್ತಾ ಇದ್ದಾರೆ. ಭೂಮಿಕಾ ಅವರಿಗೆ ಡ್ಯಾನ್ಸ್ ನಲ್ಲೇ ಏನಾದ್ರೂ ಸಾಧಿಸಬೇಕು ಎಂಬ ಆಸೆ ಇದೆ.

ಭೂಮಿಕಾ ತಂದೆ-ತಾಯಿಗೆ ಮಗಳು ನಟಿ ಆಗಬೇಕು ಎಂಬ ಆಸೆ ಇತ್ತಂತೆ. ಅದಕ್ಕೆ ಮಗಳಿಗೆ ಒಪ್ಪಿಸಿ ಈ ಧಾರಾವಾಹಿಗೆ ಕಳಿಸಿದ್ದಾರೆ. ಭೂಮಿಕಾ ಧಾರಾವಾಹಿಗೆ ಸೆಲೆಕ್ಟ್ ಆದ ಮೇಲೆ ನಟನೆಯ ಟ್ರೈನಿಂಗ್ ಪಡೆದಿದ್ದಾರೆ.