Colors Kannada Serials: ಒಡಿಯಾ ಭಾಷೆಗೆ ಡಬ್ ಆಗ್ತಿವೆ ಭಾಗ್ಯಲಕ್ಷ್ಮಿ ಮತ್ತು ತ್ರಿಪುರ ಸುಂದರಿ ಸೀರಿಯಲ್ಸ್​!

ಇತ್ತೀಚೆಗಷ್ಟೇ ಕಲರ್ಸ್ ಕನ್ನಡದಲ್ಲಿ ಶುರುವಾಗಿರುವ ಭಾಗ್ಯಲಕ್ಷ್ಮಿ ಮತ್ತು ತ್ರಿಪುರ ಸುಂದರಿ ಧಾರಾವಾಹಿಗಳು ಬೇಗನೇ ಬೇರೆ ಭಾಷೆಯ ತನಕ ರೀಚ್ ಆಗಿವೆ. ಒಡಿಶಾದಲ್ಲಿ ಮೋಡಿ ಮಾಡಲು ಈ 2 ಧಾರಾವಾಹಿಗಳು ಸಿದ್ಧವಾಗಿವೆ.

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ಭಾಗ್ಯಲಕ್ಷ್ಮಿ ಎನ್ನುವ ಧಾರಾವಾಹಿ ಸಂಜೆ 7 ಗಂಟೆಗೆ ಪ್ರಸಾರವಾಗುತ್ತಿದೆ. ಮುಖ್ಯ ಪಾತ್ರದಲ್ಲಿ ಅಂದ್ರೆ ಅಕ್ಕ ಭಾಗ್ಯ ಪಾತ್ರದಲ್ಲಿ ನಿರೂಪಕಿಯಾಗಿದ್ದ ಸುಷ್ಮಾ ಅವರು ಅಭಿನಯಿಸಿದ್ದಾರೆ.

ಭಾಗ್ಯಲಕ್ಷ್ಮಿ ಧಾರಾವಾಹಿಯು ಅಕ್ಕ-ತಂಗಿಯರ ಆಧಾರಿತ ಕಥೆ ಆಗಿದೆ. ಅಕ್ಕ-ತಂಗಿಯರ ಬಾಂದವ್ಯ ಎಲ್ಲರನ್ನೂ ಹಿಡಿದಿಡುತ್ತಿದೆ. ಸದ್ಯ ಧಾರಾವಾಹಿಯಲ್ಲಿ ಲಕ್ಷ್ಮಿ ಮದುವೆ ನಡೆಯುತ್ತಿದೆ.

ಭಾಗ್ಯಲಕ್ಷ್ಮಿ ಧಾರಾವಾಹಿ ಒಡಿಯಾ ಭಾಷೆಗೆ ಮಾತ್ರವಲ್ಲ, ಈಗಾಗಲೇ ಹಿಂದಿ ಭಾಷೆಯಲ್ಲೂ ಧಾರಾವಾಹಿ ಪ್ರಸಾರವಾಗ್ತಿದೆ. ಅದಕ್ಕೆ ಧಾರಾವಾಹಿ ತಂಡ ಖುಷಿಯಲ್ಲಿದೆ.

ಇನ್ನು ತ್ರಿಪುರ ಸುಂದರಿ ಧಾರಾವಾಹಿಯೂ ಸಹ ಒಡಿಯಾ ಭಾಷೆಗೆ ಡಬ್ ಆಗ್ತಿದೆ. ಈ ಧಾರಾವಾಹಿ ತಂಡವೂ ಸಹ ಈ ಖುಷಿಯನ್ನು ಹಂಚಿಕೊಂಡಿದೆ.

ತ್ರಿಪುರ ಸುಂದರಿ ಧಾರಾವಾಹಿ ಕಲರ್ಸ್ ಕನ್ನಡದಲ್ಲಿ ಪ್ರತಿ ದಿನ ರಾತ್ರಿ 9.30ಕ್ಕೆ ಪ್ರಸಾರವಾಗ್ತಿದೆ. ಇದೊಂದು ವಿಭಿನ್ನ ಕಥೆಯಾಗಿದೆ. ಗಂಧರ್ವ ಲೋಕದ ಕಥೆಯನ್ನು ಒಳಗೊಂಡಿದೆ.

27 ವರ್ಷಗಳ ಹಿಂದೆ ಗಂಧರ್ವ ಲೋಕದ ರಾಜಕುಮಾರ ಭೂಮಿಗೆ ಬಂದಿದ್ದಾನೆ. ಸಾಮಾನ್ಯ ಮನುಷ್ಯನಂತೆ ಬದುಕುತ್ತಿದ್ದಾನೆ. ಅವನು ಈಗ ಗಂಧರ್ವ ಲೋಕಕ್ಕೆ ಹೋಗಬೇಕಿದೆ.

ಆಮ್ರಪಾಲಿ ಭೂಲೋಕದಲ್ಲಿ ರಾಜಕುಮಾರನನ್ನು ಹುಡುಕಲು ಬಂದಿದ್ದಾಳೆ. ರಾಜಕುಮಾರ ಸಿಗದೇ ಪರದಾಡುತ್ತಿದ್ದಾಳೆ. ಅವನನ್ನು ಹುಡುಕಲು ಕೊಟ್ಟಿದ್ದ ಪದಕವನ್ನೂ ಕಳೆದುಕೊಂಡಿದ್ದಾಳೆ.