Samantha: ಹಾಲಿವುಡ್ ರೇಂಜ್​ನಲ್ಲಿ ರೊಮ್ಯಾನ್ಸ್ ಮಾಡಲು ರೆಡಿಯಾದ್ರಾ ಸಮಂತಾ!?

ಜೀವನದಲ್ಲಿ ಅನೇಕ ಏಳುಬೀಳುಗಳನ್ನು ಕಂಡಿರುವ ಸಮಂತಾ, ಸದ್ಯ ಟಾಲಿವುಡ್ ಸ್ಟಾರ್ ಹೀರೋಯಿನ್ ಆಗಿ ಮಿಂಚುತ್ತಿದ್ದಾರೆ. ತಮ್ಮ ಕೆರಿಯರ್ ಮೇಲೆಯೇ ಸಮಂತಾ ಸಂಪೂರ್ಣ ಗಮನಹರಿಸಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈಕೆಯ ಬಗ್ಗೆ ನಾನಾ ರೀತಿಯ ಸುದ್ದಿಗಳು ಹರಿದಾಡುತ್ತಿದ್ದರೂ ಸ್ಯಾಮ್ ಯಾವುದಕ್ಕೂ ತಲೆಕೆಡಿಸಿಕೊಂಡಿಲ್ಲ.

ಸದ್ಯ ಸಮಂತಾ ನಟಿಸುತ್ತಿರುವ ಸಿಟಾಡೆಲ್ ಹಿಂದಿ ರಿಮೇಕ್ ವೆಬ್ ಸೀರೀಸ್ ಬಗ್ಗೆ ಸಾಕಷ್ಟು ಸುದ್ದಿಗಳು ವೈರಲ್ ಆಗುತ್ತಿವೆ. ಈ ವೆಬ್ ಸೀರಿಸ್ ನಲ್ಲಿ ನಾಯಕ ವರುಣ್ ಧವನ್ ಜೊತೆ ನಟಿಸುತ್ತಿರುವ ಸಮಂತಾ ಬೋಲ್ಡ್ ಸೀನ್​ನಲ್ಲಿ ನಟಿಸಿದ್ದಾರಂತೆ. ಈ ಬಗ್ಗೆ ಸಮಂತಾ ತಂಡ ಸ್ಪಷ್ಟನೆ ನೀಡಿದೆ.

ಗ್ಲೋಬಲ್ ಸ್ಟಾರ್ ಪ್ರಿಯಾಂಕಾ ಚೋಪ್ರಾ ಸಿಟಾಡೆಲ್ ಇಂಗ್ಲಿಷ್ ಆವೃತ್ತಿಯಲ್ಲಿ ನಟಿಸಿದ್ದಾರೆ. ಇದರಲ್ಲಿ ರೊಮ್ಯಾಂಟಿಕ್ ದೃಶ್ಯಗಳಲ್ಲಿ ಮಿಂಚಿದ್ದರು. ನಾಯಕನೊಂದಿಗಿನ ಲಿಪ್ ಲಾಕ್ ದೃಶ್ಯಗಳು ಸಂಚಲನ ಮೂಡಿಸಿವೆ. ಆದರೆ ಈಗ ಅದೇ ವೆಬ್ ಸೀರೀಸ್ ಇದೀಗ ರಿಮೇಕ್ ಆಗುತ್ತಿದ್ದು, ಅಷ್ಟೇ ಬೋಲ್ಡ್ ಆಗಿ ಸಮಂತಾ ಅಭಿನಯಿಸುತ್ತಾರಾ ಎನ್ನುವ ಪ್ರಶ್ನೆ ಕಾಡ್ತಿದೆ.

ಈ ಹಿಂದೆ ದಿ ಫ್ಯಾಮಿಲಿ ಮ್ಯಾನ್ ಸೀಸನ್ 2ನಲ್ಲಿ ಸಮಂತಾ ಕೆಲವು ಬೋಲ್ಡ್ ದೃಶ್ಯಗಳಲ್ಲಿ ನಟಿಸಿದ್ದಾರೆ. ಆಗ ಆಕೆಯ ಮೇಲೆ ಸಾಕಷ್ಟು ಟೀಕೆಗಳು ಬಂದಿದ್ದವು. ಸಿಟಾಡೆಲ್ ಬೋಲ್ಡ್ ದೃಶ್ಯದ ಬಗ್ಗೆ ಸಮಂತಾ ಮತ್ತು ತಂಡ ಸ್ಪಷ್ಟನೆ ನೀಡಿದೆ.

ಸಿಟಾಡೆಲ್ ನಲ್ಲಿ ವರುಣ್ ಧವನ್ ಜೊತೆ ಯಾವುದೇ ಇಂಟಿಮೇಟ್ ದೃಶ್ಯಗಳಿಲ್ಲ ಎಂದು ಸಮಂತಾ ಸ್ಪಷ್ಟಪಡಿಸಿದ್ದಾರೆ. ಅಂತಹ ದೃಶ್ಯಗಳಲ್ಲಿ ಸಮಂತಾ ನಟಿಸುತ್ತಿಲ್ಲ ಎಂದಿದ್ದಾರೆ. ಈ ಸುದ್ದಿ ತಿಳಿದ ಸಮಂತಾ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಆದರೆ ಫ್ಯಾಮಿಲಿ ಮ್ಯಾನ್ ಸಮಯದಲ್ಲಿಯೂ ಇದೇ ನಿಲುವು ತಾಳಬೇಕಿತ್ತು ಎಂದು ಅಭಿಮಾನಿಗಳು ಹೇಳಿದ್ದಾರೆ.

ಈ ವೆಬ್ ಸೀರಿಸ್​ಗಾಗಿ ಸಮಂತಾ ಸಾಕಷ್ಟು ಶ್ರಮಿಸಿದ್ದಾರೆ. ಬಾಲಿವುಡ್ ಇಂಡಸ್ಟ್ರಿಯಲ್ಲಿ ಸಮಂತಾ ಭರ್ಜರಿ ಗೆಲುವಿನ ನಿರೀಕ್ಷೆಯಲ್ಲಿದ್ದಾರೆ.

ಕೆಲವು ತಿಂಗಳುಗಳಿಂದ ಮಯೋಸಿಟಿಸ್ ನಿಂದ ಬಳಲುತ್ತಿದ್ದ ಸಮಂತಾ ಮತ್ತೆ ಸಿನಿಮಾಗಳಲ್ಲಿ ಬ್ಯುಸಿಯಾದರು. ಇತ್ತೀಚೆಗಷ್ಟೇ ಶಾಕುಂತಲಂ ಎಂಬ ಪ್ರಯೋಗಾತ್ಮಕ ಸಿನಿಮಾ ಮಾಡಿದರೂ ದೊಡ್ಡ ಮಟ್ಟದಲ್ಲಿ ಯಶಸ್ಸು ಕಾಣಲಿಲ್ಲ. ಆದರೆ, ಸಮಂತಾ ಸಕಾರಾತ್ಮಕ ಮನೋಭಾವದಿಂದ ಮುನ್ನಡೆಯುತ್ತಿದ್ದಾರೆ.

ಜೊತೆಗೆ ಸಮಂತಾ, ವಿಜಯ್ ದೇವರಕೊಂಡ ಜೊತೆ ಖುಷಿ ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರವನ್ನು ಶಿವ ನಿರ್ವಾಣ ನಿರ್ದೇಶಿಸಿದ್ದಾರೆ. ಸದ್ಯ ಈ ಚಿತ್ರದ ಶೂಟಿಂಗ್ ಶರವೇಗದಲ್ಲಿ ಸಾಗುತ್ತಿದೆ. ಸುಂದರ ಪ್ರೇಮಕಥೆಯಾಗಿ ಈ ಸಿನಿಮಾ ಪ್ರೇಕ್ಷಕರ ಮುಂದೆ ಬರಲಿದೆ.