ಚಿರಂಜೀವಿ ಸರ್ಜಾರಿಂದ ಬಾಲಸುಬ್ರಹ್ಮಣ್ಯಂವರೆಗೆ: ಈ ವರ್ಷ ಮರೆಯಾದ ಕಲಾವಿದರು

ಜೂನ್​ 7ರಂದು ಹೃದಯಾಘಾತದಿಂದ ನಟ ಚಿರಂಜೀವಿ ಸರ್ಜಾ ಸಾವನ್ನಪ್ಪಿದರು. ಈ ಸುದ್ದಿ ಇಡೀ ಚಿತ್ರರಂಗ ಸೇರಿದಂತೆ ಅವರ ಅಭಿಮಾನಿ ಬಳಗ ನಂಬದಷ್ಟು ಶಾಕ್​ ನೀಡಿತ್ತು

ಚಿರು ಸರ್ಜಾ ನಿಧನ ಹೊಂದಿ ಒಂದು ವಾರಕ್ಕೆ ಬಾಲಿವುಡ್​ ನಟ ಸುಶಾಂತ್​ ಸಿಂಗ್​ ರಜಪೂತ್​ ಆತ್ಮಹತ್ಯೆ ಮಾಡಿಕೊಂಡರು. ಅವರ ಈ ಕಟು ನಿರ್ಧಾರಕ್ಕೆ ಕಾರಣ ಏನೆಂಬ ಕುರಿತು ತನಿಖೆ ನಡೆಯುತ್ತಲೆ ಇದೆ.

ತಮ್ಮ ಹಾಸ್ಯದ ಹೊನಲಿನ ಮೂಲಕ ಕನ್ನಡ ಪ್ರೇಕ್ಷಕರನ್ನು ರಂಜಿಸಿದ್ದ ಬುಲೆಟ್​ ಪ್ರಕಾಶ್​  ಆಗಸ್ಟ್​ 6ರಂದು ಅನಾರೋಗ್ಯದಿಂದ  ನಿಧನರಾದರು.

ಕನ್ನಡ ರಿಯಾಲಿಟಿ ಶೋ ಮೂಲಕ ಜನಪ್ರಿಯತೆ ಹೊಂದಿದ್ದ ಮೇಬಿನಾ ಮೈಕೆಲ್​ ಮೇ​ 27ರಂದು ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದರು.

ನ್ಯೂರೋಎಂಡೋಕ್ರೈನ್ ಸಮಸ್ಯೆಯಿಂದ ಬಳಲುತ್ತಿದ್ದ ಪ್ರತಿಭಾನ್ವಿತ ನಟ ಇರ್ಫಾನ್​ ಖಾನ್​ ಎಪ್ರಿಲ್​ 28ರಂದು ಬದುಕಿಗೆ ವಿದಾಯ ಹೇಳಿದರು

ಎರಡು ವರ್ಷಗಳಿಂದ ಕ್ಯಾನ್ಸರ್ ಕಾಯಿಲೆ ವಿರುದ್ಧ ಹೋರಾಡುತ್ತಿದ್ದ ಬಾಲಿವುಡ್ ಹಿರಿಯ ನಟ ರಿಷಿ ಕಪೂರ್​ ಎಪ್ರಿಲ್​ 30ರಂದು ಇಹಲೋಕ ತ್ಯಜಿಸಿದರು.

ಜೂನ್ ಮೊದಲ ದಿನವೇ ಬಾಲಿವುಡ್​ಗೆ ಮತ್ತೊಂದು ಆಘಾತಕಾರಿ ಸುದ್ದಿ ಕಾದಿತ್ತು. ದಬಂಗ್ ಖ್ಯಾತಿಯ ಸಂಗೀತ ನಿರ್ದೇಶಕ ವಾಜಿದ್ ಖಾನ್ ಕಿಡ್ನಿ ವೈಫಲ್ಯದಿಂದ 42ನೇ ವಯಸ್ಸಿನಲ್ಲೇ ಕೊನೆಯುಸಿರೆಳೆದರು.

 ಗಾನ ಗಂಧರ್ವ ಎಸ್​.ಪಿ. ಬಾಲಸುಬ್ರಹ್ಮಣ್ಯಂ ಅವರು ಇಂದು (ಸೆ.25) ಎಂಜಿಎಂ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ.