KGF 2: ಇವ್ರೇ ನೋಡಿ ನನಗೆ ದುನಿಯಾ ಬೇಕು ಎಂದಿದ್ದ ಜೂ. ರಾಕಿ ಭಾಯ್​!

ಳಖಘ ಸದ್ಯ ಕೆಜಿಎಫ್ ಚಾಪ್ಟರ್ 2 ಬಾಕ್ಸ್ ಆಫೀಸ್ ನಲ್ಲಿ ಸದ್ದು ಮಾಡಿತ್ತಿದೆ. ಒಂದೇ ವಾರದಲ್ಲಿ ಚಿತ್ರ ವಿಶ್ವದಾದ್ಯಂತ 700 ಕೋಟಿ ರೂ. ಏಪ್ರಿಲ್ 14 ರಂದು ಬಿಡುಗಡೆಯಾದ ಕೆಜಿಎಫ್ 2 ಹಿಂದಿ ಆವೃತ್ತಿಯಲ್ಲಿ 200 ಕೋಟಿ ಗಡಿ ದಾಟಿದೆ.

ಕೆಜಿಎಫ್ ಚಾಪ್ಟರ್​ 2 ಈ ವೀಕೆಂಡ್​​ನಲ್ಲೂ ಕೂಡ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರ ಎನಿಸಿಕೊಂಡಿದೆ. ಹಿಂದಿ ಅವತರಣಿಕೆ ಒಂದೇ ವಾರದಲ್ಲಿ 250 ಕೋಟಿ ದಾಟಿದ ಏಕೈಕ ಚಿತ್ರ ಇದಾಗಿದೆ.

ಈ ಚಿತ್ರದಲ್ಲಿ ನಟಿಸಿರುವ ಎಲ್ಲಾ ನಟರಿಗೂ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಇದರ ನಡುವೆ ಜೂ. ರಾಕಿಭಾಯ್​ ಪಾತ್ರದಲ್ಲಿ ನಟಿಸಿದ್ದ ಹುಡುಗನ ಬಗ್ಗೆಯೂ ಚರ್ಚೆಯಾಗುತ್ತಿದೆ. ಕೆಜಿಎಫ್​ ಚಾಪ್ಟರ್ ಒಂದರಲ್ಲಿ ಈ ಹುಡುಗನ ಪಾತ್ರ ಬಹಳಷ್ಟು ಸಮಯ ಸ್ಕ್ರೀನ್​ನಲ್ಲಿತ್ತು.

ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್ ಸಿನಿಮಾದಲ್ಲಿ ಜೂನಿಯರ್​ ರಾಕಿ ಪಾತ್ರದಲ್ಲಿ ನಟಿಸಿದ್ದ ಈ ಹುಡುಗನ ಹೆಸರು ಅನ್ಮೋಲ್ ವಿಜಯ್ ಭಟ್ಕಳ್.

ಅನ್ಮೋಲ್ 18 ವರ್ಷ ವಯಸ್ಸಿನವನಾಗಿದ್ದು, ಪ್ರಸ್ತುತ ಯಾವುದೇ ಸಿನಿಮಾದಲ್ಲಿ ನಟಿಸುತ್ತಿಲ್ಲ. ತಮ್ಮ ಎಜುಕೇಷನ್​ ಮೇಲೆ ಹೆಚ್ಚಿನ ಗಮನ ಹರಿಸಿದ್ದಾರೆ. ಇವರಿಗೆ ಸಿನಿಮಾದಲ್ಲಿ ನಟಿಸುವುದಕ್ಕಿಂತ ಡ್ಯಾನ್ಸ್ ಮಾಡುವುದು ಇಷ್ಟವಂತೆ. ಬಾಲ್ಯದಿಂದಲೂ ನೃತ್ಯ ತರಬೇತಿ ಪಡೆಯುತ್ತಿದ್ದಾರೆ.

ಕೇವಲ ಡ್ಯಾನ್ಸ್ ಮಾತ್ರವಲ್ಲೇ , ಸ್ಟಂಟ್​ ಕೂಡ ಇಷ್ಟ ಪಡುತ್ತಾರಂತೆ. ಹೀಗಾಗಿ ಪ್ರತಿದಿನ ಡಿಫ್ರೆಂಟ್​ ಡಿಫ್ರೆಂಟ್​ ಸ್ಟಂಟ್​ ಮಾಡಿ ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್​ ಮಾಡುತ್ತಿದ್ದಾರೆ.

ಕೆಜಿಎಫ್​ ಸಿನಿಮಾದಲ್ಲಿ ಜೂನಿಯರ್ ರಾಕಿಭಾಯ್​ ಪಾತ್ರದ ಶೂಟಿಂಗ್​ ಮುಗಿಸಲು ಬರೋಬ್ಬರಿ ಒಂದು ವರ್ಷ ನಡೀತು. ಇನ್ನೂ ಕನ್ನಡ ಪದಕ ಸಿನಿಮಾದಲ್ಲೂ ಇವರು ನಟಿಸಿದ್ದಾರೆ.