Breast Cancer: ಸ್ತನ ಕ್ಯಾನ್ಸರ್ ಆದ್ರೆ ದೇಹದ ಆ ಭಾಗ ಕಟ್ ಮಾಡ್ತಾರಾ? ಅಶ್ಲೀಲ ಪ್ರಶ್ನೆ ಕೇಳಿದ ನೆಟ್ಟಿಗನಿಗೆ ನಟಿಯ ಕ್ಲಾಸ್

ಬಾಲಿವುಡ್ ನಟಿ ಛಾವಿ ಮಿತ್ತಲ್ ಅವರು ಕಳೆದ ವರ್ಷ ಏಪ್ರಿಲ್ ತಿಂಗಳಲ್ಲಿ ಸ್ತನ ಕ್ಯಾನ್ಸರ್ ಟ್ರೀಟ್ಮೆಂಟ್ ಪಡೆದುಕೊಂಡಿದ್ದಾರೆ. ಸರ್ಜರಿ ನಂತರ ನಟಿ ಯಶಸ್ವಿಯಾಗಿ ಕ್ಯಾನ್ಸರ್ ವಿರುದ್ಧ ಹೋರಾಡಿ ಗೆದ್ದಿದ್ದಾರೆ.

ಬಹಳಷ್ಟು ಜನರಿಗೆ ಪ್ರೇರಣೆಯಾದ ನಟಿ ತಮ್ಮ ಈ ಸ್ತನ ಕ್ಯಾನ್ಸರ್ ಹೋರಾಟದ ಸಂಪೂರ್ಣ ಜರ್ನಿಯನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು.

ಯೂಟ್ಯೂಬ್ ಹಾಗೂ ಇನ್​ಸ್ಟಾಗ್ರಾಮ್​ನಲ್ಲಿ ತಮ್ಮ ಸ್ಟೋರಿ ಹಂಚಿಕೊಂಡ ನಟಿ ಸರ್ಜರಿ ನಡೆದು ಹಲವಾರು ತಿಂಗಳು ಕಳೆದಿದ್ದರೂ ಈಗಲೂ ಟ್ರೋಲ್ ಆಗುತ್ತಿದ್ದಾರೆ.

ನಟಿ ಛಾವಿ ಅವರು ಇತ್ತೀಚೆಗೆ ಫ್ಯಾಮಿಲಿಯಾಗಿ ದುಬೈಗೆ ಹೋಗಿದ್ದಾರೆ. ದುಬೈ ಟ್ರಿಪ್​ನಿಂದ ಬಿಕಿನಿ ಫೋಟೋಸ್ ಶೇರ್ ಮಾಡಿದ್ದರು ನಟಿ. ಈ ಫೋಟೋ ನೋಡಿದ ಜನರು ನಟಿಯ ದೇಹದ ಬಗ್ಗೆ ಮಾತನಾಡಿದ್ದಾರೆ. ಒಬ್ಬ ಇನ್​ಸ್ಟಾಗ್ರಾಮ್ ಬಳಕೆದಾರರಂತೂ ಸ್ತನ ಕ್ಯಾನ್ಸರ್​ನಲ್ಲಿ ಸ್ತನ ಕಟ್ ಮಾಡುವುದಿಲ್ಲವೇ ಎಂದು ಪ್ರಶ್ನಿಸಿದ್ದಾರೆ.

ಈ ಟ್ರೋಲ್​ಗೆ ಉತ್ತರಿಸಿ ನಟಿ ಹೌದು, ಇಂಥಹ ಇನ್​ಸೆನ್ಸಿಟಿವಿಟಿ ಈಗಲೂ ನಡೆಯುತ್ತದೆ. ನಾನು ಇತ್ತೀಚೆಗೆ ಕೆಲವು ವೆಕೇಷನ್ ಫೋಟೋಸ್ ಹಾಗೂ ರೀಲ್ಸ್ ಶೇರ್ ಮಾಡಿದ್ದೆ. ಈ ಕಮೆಂಟ್ ನನ್ನ ಗಮನ ಸೆಳೆಯಿತು. ನನ್ನ ದೇಹದ ಭಾಗ ಇಲ್ಲಿ ವಸ್ತುವಿನಂತೆ ಚರ್ಚೆಯಾಗುತ್ತಿದೆ.

ಸ್ವಲ್ಪ ಸೆನ್ಸಿಟಿವಿಟಿ ಇಟ್ಟುಕೊಂಡು ಮಾತನಾಡಿ ಎಂದು ಜನರಿಗೆ ಸಲಹೆ ನೀಡಿದ್ದಾರೆ ನಟಿ. ಈ ಘಟನೆ ಬಗ್ಗೆ ನಿಮ್ಮ ಕುತೂಹಲ ಅರ್ಥವಾಗುತ್ತದೆ. ಸ್ವಲ್ಪ ಸೌಜನ್ಯದಿಂದ ಮಾತನಾಡಿದರೆ ಮಾತುಗಳು ಅಷ್ಟು ನೋಯಿಸಲಾರವು ಎಂದು ನಿಮಗನಿಸುವುದಿಲ್ಲವೇ ಎಂದು ಪ್ರಶ್ನಿಸಿದ್ದಾರೆ.

ಸೆಲೆಬ್ರಿಟಿಗಳೂ ಮನುಷ್ಯರೇ. ಸಾಮಾನ್ಯ ಜನರಂತೆ ಅವರಿಗೂ ಭಾವನೆಗಳಿವೆ. ಉಳಿದವರಂತೆಯೇ ನಮಗೂ ಕ್ಯಾನ್ಸರ್ ಬರುತ್ತದೆ. ಅವರು ಬದುಕುಳಿಯುವುದು ಅಥವಾ ಸಾಯುವುದು ಉಳಿದವರಂತೆಯೇ. ಹಾಗಾಗಿ ಮಾನಸಿಕ ಹಾಗೂ ದೈಹಿಕವಾಗಿ ಈ ಕಷ್ಟದ ಹೋರಾಟ ಮಾಡುವ ಯಾವುದೇ ಪೇಷೆಂಟ್ ಬಳಿ ಈ ರೀತಿ ಮಾತನಾಡಬಾರದು ಎಂದಿದ್ದಾರೆ.

ಕ್ಯಾನ್ಸರ್ ತಗುಲಿರುವ ಸ್ತನದ ಗಡ್ಡೆಯನ್ನು ತೆಗೆದು ಹಾಕಲಾಗುತ್ತದೆ. ಇಡೀ ಸ್ತನವನ್ನು ಕತ್ತರಿಸುವುದಿಲ್ಲ. ಆದರೆ ಕ್ಯಾನ್ಸರ್ ಇಡೀ ಹರಡಿದ್ದಾಗ ಹಾಗೆ ಮಾಡಬೇಕಾಗುತ್ತದೆ. ಇದು ಕ್ಯಾನ್ಸರ್​ ಮೊದಲನೇ ಸ್ಟೇಜ್​ನಲ್ಲಿದ್ದಾಗ ಸಂಭವಿಸುವುದಿಲ್ಲ. ಹಾಗಾಗಿ ಇದನ್ನು ಚೆಕ್ ಮಾಡುತ್ತಿರುವುದು ಅಗತ್ಯ ಎಂದು ಸಲಹೆ ಕೊಟ್ಟಿದ್ದಾರೆ.

ಎದೆಯ ಭಾಗ ಮೊದಲು ಹೇಗಿತ್ತೋ ಹಾಗೆಯೇ ಕಾಣುವಂತೆ ಮಾಡಲು ಸರ್ಜರಿ ಮಾಡಲಾಗಿತ್ತು. ಬೆನ್ನಿನ ಕಳೆಗಿನ ಭಾಗದ ಹೆಚ್ಚಿನ ಮಸಲ್ ತೆಗೆದು ಈ ಚಿಕಿತ್ಸೆ ಮಾಡಲಾಗಿತ್ತು ಎಂದಿದ್ದಾರೆ.

ನಟಿ ಟ್ರೋಲ್​ಗೆ ಖಡಕ್ ಆಗಿ ಉತ್ತರಿಸಿದರೂ ನಂತರ ಅಲ್ಲಿ ಕೇಳಲಾದ ಸಂದೇಹದ ಬಗ್ಗೆ ತಾಳ್ಮೆಯಿಂದ ಉತ್ತರಿಸಿದ ರೀತಿಗೆ ನೆಟ್ಟಿಗರಿಂದ ಮೆಚ್ಚುಗೆ ವ್ಯಕ್ತವಾಗಿದೆ.