Aamir Khan-Karishma Kapoor: ಒಂದು ಚುಂಬನದ ದೃಶ್ಯಕ್ಕಾಗಿ ಸತತ ಮೂರು ದಿನಗಳ ಕಾಲ ನಡೆದಿತ್ತು ಚಿತ್ರೀಕರಣ

ನಟಿ ಕರಿಷ್ಮಾ ಕಪೂರ್ ಹಾಗೂ ಅಮೀರ್ ಖಾನ್ ಅಭಿನಯದ ಸಿನಿಮಾ ರಾಜ ಹಿಂದೂಸ್ತಾನಿ ಹೆಸರು ಹೇಳಿದ ಕೂಡಲೇ ತುಂಬಾ ಜನರಿಗೆ ನೆನಪಾಗೋದು ಅದರಲ್ಲಿನ ಚುಂಬನದ ದೃಶ್ಯ.

ಧರ್ಮೇಶ್ ದರ್ಶನ್ (Dharmesh Darshan) ನಿರ್ದೇಶನದ ಈ ಸಿನಿಮಾ ನವೆಂಬರ್ 15, 1996 ರಂದು ಬಿಡುಗಡೆಯಾಗಿ ಹಿಟ್​ ಆಗಿತ್ತು. ಈಗ ಈ ಸಿನಿಮಾ 25 ವರ್ಷಗಳನ್ನು ಪೂರೈಸಿದೆ.

ಬಾಲಿವುಡ್​ನಲ್ಲಿ ಟಾಪ್​ ನಾಯಕಿಯಾಗಿದ್ದ ಕರಿಷ್ಮಾ ಕಪೂರ್​ ಯಶಸ್ಸಿನ ಉತ್ತುಂಗದಲ್ಲಿರುವಾಗಲೇ ಕಿಸ್ಸಿಂಗ್​ ದೃಶ್ಯದಲ್ಲಿ ನಟಿಸಿದ್ದರು. ಅದು ಬಾಲಿವುಡ್​ ಪರ್ಫೆಕ್ಷನಿಸ್ಟ್​ ಅಮೀರ್​ ಖಾನ್​ ನಟನೆಯ 'ರಾಜ ಹಿಂದೂಸ್ತಾನಿ' ಸಿನಿಮಾದಲ್ಲಿ. ಹೌದು, ಕರಿಷ್ಮಾ ಅದೇ ಮೊದಲ ಬಾರಿಗೆ ಇಂತಹ ದೃಶ್ಯಗಳಲ್ಲಿ ತೆರೆ ಮೇಲೆ ಕಾಣಿಸಿಕೊಂಡಿದ್ದು.

ಬಿಡುವಿಲ್ಲದಂತೆ ದಿನಕ್ಕೆ ಮೂರು-ನಾಲ್ಕು ಶಿಫ್ಟ್​ಗಳಲ್ಲಿ ಸಿನಿಮಾಗಳ ಚಿತ್ರೀಕರಣದಲ್ಲಿ ಭಾಗಿಯಾಗುತ್ತಿದ್ದರಂತೆ ಕರೀಷ್ಮಾ ಕಪೂರ್​. ಇಂತಹ ನಾಯಕಿ ಕರಿಷ್ಮಾ ಅವರೂ ಕಿಸ್ಸಿಂಗ್​ ದೃಶ್ಯವನ್ನು ಆಗಲೇ ಮಾಡಿದ್ದಾರೆ.

ಸಾಮಾನ್ಯವಾಗಿ ತೆರೆ ಮೇಲೆ ಇಂಟಿಮೇಟ್​ ದೃಶ್ಯಗಳಲ್ಲಿ ಹಾಗೂ ಚುಂಬನದ ಸೀನ್​ಗಳಲ್ಲಿ ಕಾಣಿಸಿಕೊಳ್ಳುವ ನಟ-ನಟಿಯರ ಪರಿಸ್ಥಿತಿ ಹೇಳುವಷ್ಟು ಸುಲಭವಾಗಿರುವುದಿಲ್ಲ. ಸುತ್ತಲ್ಲೂ ಇರುವ ಶೂಟಿಂಗ್​ ತಂಡದ ಸದಸ್ಯರ ಮುಂದೆ ಇಂತಹ ದೃಶ್ಯಗಳಲ್ಲಿ ನಟಿಸುವಾದ ಎಂತಹವರಿಗೂ ಮುಜುಗರವಾಗುತ್ತದೆಯಂತೆ. ಈ ಬಗ್ಗೆ ಸಾಕಷ್ಟು ಮಂದಿ ತುಂಬಾ ಸಲ ಹೇಳಿಕೊಂಡಿದ್ದಾರೆ. ಇಂತಹದ್ದೇ ಅನುಭವ ಕರಿಷ್ಮಾ ಅವರೂ ಎದುರಿಸಿದ್ದರಂತೆ.

ನ್ಯೂಸ್​ 18ಗೆ ಈ ಹಿಂದೆ ಕೊಟ್ಟಿರುವ ಸಂದರ್ಶನದಲ್ಲಿ ಕರಿಷ್ಮಾ ಕಪೂರ್​ ಆ ಸಿನಿಮಾದ ಕಿಸ್ಸಿಂಗ್​ ದೃಶ್ಯದ ಚಿತ್ರೀಕರಣದ ಬಗ್ಗೆ ವಿವರಿಸಿದ್ದಾರೆ. ಈ ಸಿನಿಮಾ ಬಿಡುಗಡೆಯಾಗಿ 25 ವರ್ಷಗಳಾಗಿವೆ.ಈಗ ಕರಿಷ್ಮಾ ಅಂದು ಆ ದೃಶ್ಯಕ್ಕಾಗಿ ಅವರು ಪಟ್ಟಿದ್ದ ಕಷ್ಟವನ್ನು ಹೇಳಿಕೊಂಡಿದ್ದರು.

ಕಿಸ್ಸಿಂಗ್​ ದೃಶ್ಯವೊಂದನ್ನು ಚಿತ್ರೀಕರಿಸಲು ಸತತ 3 ದಿನಗಳ ಕಾಲ ತೆಗೆದುಕೊಂಡಿದ್ದರಂತೆ. ಅದರಲ್ಲೂ ಅದು ಫೆಬ್ರವರಿ ತಿಂಗಳು. ಕೊರೆಯುವ ಚಳಿ ಅದರಲ್ಲೂ ಮಳೆಯಲ್ಲಿ ಈ ದೃಶ್ಯವನ್ನು ಚಿತ್ರೀಕರಿಸಬೇಕಿತ್ತಂತೆ. ಆ ಚಳಿಯಲ್ಲಿ ಎಷ್ಟೇ ಮಾಡಿದರೂ ಆ ಟೇಕ್​ ಓಕೆ ಆಗುತ್ತಲೇ ಇರಲಿಲ್ಲವಂತೆ. ಯಾವಾಗ ಮುಗಿಯುತ್ತೋ ಇದು ಎಂದೆನಿಸಿತ್ತಂತೆ.

ಈ ಸಿನಿಮಾದಲ್ಲಿನ ಕಿಸ್ಸಿಂಗ್​ ಸೀನ್​ ತುಂಬಾ ದೀರ್ಘವಾಗಿದ್ದು, ಈಗಲೂ ದೀರ್ಘಸಮಯದ ಚುಂಬನದ ದೃಶ್ಯಗಳ ಸಾಲಿನಲ್ಲಿ ನಿಲ್ಲುತ್ತದೆ. ಯಾವುದೇ ನಟ-ನಟಿಯರು ಇಂತಹ ದೃಶ್ಯಗಳಲ್ಲಿ ಅಭಿನಯಿಸುವಾಗ ಖುಷಿಯಾಗಿರುವುದಿಲ್ಲ. ಬದಲಿಗೆ ತುಂಬಾ ಕಷ್ಟದ ಪರಿಸ್ಥಿತಿಯಲ್ಲಿರುತ್ತಾರೆ ಎಂದಿದ್ದಾರೆ ಕರಿಷ್ಮಾ.