Sridevi: ಸಾಯುವ ಮೊದಲು ನಟಿ ಶ್ರೀದೇವಿ ಪೋಸ್ ಕೊಟ್ಟ ಕೊನೆಯ ಫೋಟೋ

ಶ್ರೀದೇವಿ ಅವರ 5ನೇ ಪುಣ್ಯತಿಥಿ. ಅವರ ಪುಣ್ಯಸ್ಮರಣೆ ಸಂದರ್ಭದಲ್ಲಿ, ಅವರ ಪತಿ ಮತ್ತು ಚಲನಚಿತ್ರ ನಿರ್ಮಾಪಕ ಬೋನಿ ಕಪೂರ್ ಪತ್ನಿಯನ್ನು ನೆನಪಿಸಿಕೊಂಡರು. ಬೋನಿ ಅವರು ತಮ್ಮ ಪತ್ನಿಯ ಕೊನೆಯ ಫೋಟೋ ಶೇರ್ ಮಾಡಿದ್ದಾರೆ.

ಈ ಫೋಟೋಗಳನ್ನು ಶೇರ್ ಮಾಡುವಾಗ ಅವರು ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಿದ್ದಾರೆ. ಅವರು ತಮ್ಮ ಪತ್ನಿಯ ಅನೇಕ ಅನ್​ಸೀನ್ ಫೋಟೋಗಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.

ಇದು ದುಬೈನಲ್ಲಿ ನಡೆದ ಮದುವೆಯ ಚಿತ್ರ. ಬೋನಿ ಕುಟುಂಬದೊಂದಿಗೆ ಅವರ ಆಪ್ತ ಸ್ನೇಹಿತನ ಮದುವೆಯಲ್ಲಿ ಭಾಗವಹಿಸಿದ್ದರು ನಟಿ. ಶ್ರೀದೇವಿ ಕುಟುಂಬದೊಂದಿಗೆ ನಗುತ್ತಾ ಪೋಸ್ ನೀಡುತ್ತಿರುವುದನ್ನು ಚಿತ್ರದಲ್ಲಿ ಕಾಣಬಹುದು.

ಹಸಿರು ಸೀರೆಯಲ್ಲಿ ಶ್ರೀದೇವಿ ಅವರನ್ನು ಕಾಣಬಹುದು. ಈ ಫೋಟೋದಲ್ಲಿ ಬೋನಿ ಮತ್ತು ಮಗಳು ಖುಷಿ ಕಪೂರ್ ಕೂಡ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ಹಂಚಿಕೊಂಡ ಬೋನಿ 'ಕೊನೆಯ ಫೋಟೋ' ಎಂದು ಬರೆದಿದ್ದಾರೆ.

ಮದುವೆ ವೈಬ್ಸ್ ಕೊಡುವ ಈ ಫೋಟೋದಲ್ಲಿ ಎಲ್ಲರೂ ವಿವಾಹ ಸಂಭ್ರಮದಲ್ಲಿರುವುದನ್ನು ಸ್ಪಷ್ಟವಾಗಿ ಕಾಣಬಹುದು. ನಟಿಯೂ ಕ್ಯೂಟ್ ಕಾಣಿಸಿದ್ದಾರೆ.

ಇದರ ನಂತರ ಬೋನಿ ಕಪೂರ್ ಬ್ಲಾಕ್​​ & ವೈಟ್ ಫೋಟೋವನ್ನು ಶೇರ್ ಮಾಡಿದ್ದಾರೆ. ಈ ಫೋಟೋವನ್ನು ಚಿತ್ರವೊಂದರ ಸೆಟ್‌ನಲ್ಲಿ ಕ್ಲಿಕ್ ಮಾಡಲಾಗಿದೆ. ಈ ಚಿತ್ರದಲ್ಲಿ ಇಬ್ಬರ ಮುಖದಲ್ಲೂ ಸುಂದರ ನಗುವನ್ನು ಕಾಣಬಹುದು. ಇಬ್ಬರೂ ತುಂಬಾ ಸಂತೋಷದಲ್ಲಿದ್ದರು. ಈ ಫೋಟೋವನ್ನು ಹಂಚಿಕೊಂಡ ಬೋನಿ ಕಪೂರ್ ಇದು ಶ್ರೀದೇವಿ ಜೊತೆಗಿನ ಮೊದಲ ಚಿತ್ರ ಎಂದು ಹೇಳಿದ್ದಾರೆ. ನನ್ನ ಮೊದಲ ಚಿತ್ರ1984 ಎಂದು ಬರೆದಿದ್ದಾರೆ.

ಇದಲ್ಲದೆ, ಬೋನಿ ಕಪೂರ್ ಮತ್ತೊಂದು ಫೋಟೋವನ್ನು ಹಂಚಿಕೊಂಡಿದ್ದಾರೆ. ಈ ವರ್ಣರಂಜಿತ ಚಿತ್ರದಲ್ಲಿ, ಶ್ರೀದೇವಿ ಪತಿ ಬೋನಿ ಕಪೂರ್ ಅವರನ್ನು ಚುಂಬಿಸುತ್ತಿದ್ದಾರೆ. ಬೋನಿ ನಗುತ್ತಿದ್ದಾರೆ.

ಇದಕ್ಕೂ ಮುನ್ನ ಬೋನಿ ಕಪೂರ್ ತಮ್ಮ ಪತ್ನಿ ಆಯಿಲ್ ಪೇಂಟಿಂಗ್ ಹಿಡಿದಿರುವ ಚಿತ್ರವನ್ನು ಹಂಚಿಕೊಂಡಿದ್ದರು. ಈ ಸುಂದರವಾದ ಚಿತ್ರವನ್ನು ಶೇರ್ ಮಾಡಿ, "ಅವಳು ನಮ್ಮನ್ನು ನೋಡುತ್ತಿದ್ದಾಳೆ" ಎಂದು ಬರೆದಿದ್ದಾರೆ. ಅವರು ತಮ್ಮ ಶೀರ್ಷಿಕೆಯಲ್ಲಿ ಕೆಂಪು ಹೃದಯದ ಎಮೋಜಿಯನ್ನೂ ಸೇರಿಸಿದ್ದಾರೆ.

ಬೋನಿ ಕಪೂರ್ ಮತ್ತೊಂದು ಫೋಟೋ ಶೇರ್ ಮಾಡಿದ್ದಾರೆ. ನೀವು ನಮ್ಮನ್ನು ಅಗಲಿ 5 ವರ್ಷ. ನಿಮ್ಮ ಪ್ರೀತಿ ಮತ್ತು ನೆನಪುಗಳು ನಮ್ಮನ್ನು ಮುಂದುವರಿಸುತ್ತವೆ. ಯಾವಾಗಲೂ ನಮ್ಮೊಂದಿಗೆ ಇರುತ್ತವೆ ಎಂದಿದ್ದಾರೆ.